2 Tímote 1:12 - Jola-Kasa

¹² Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 1:12 Referencias Cruzadas

Máciya 12:21

min bukanabuku feh kata etaamayi kúkangum li akila.»

Máciya 24:36

— Bale bajut an ahaase nay hunakahu unhu hommuu li húliiŋ, li nay ewaatuwayi inyu yommuu li éliiŋ. Kumalakaaku kammuu li emitayi kuhaasut. Añiilawu ahaasut. Atuubaawu bale ahaase.

Máciya 7:22

Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye?

Hulimahu Hásuumaahu loon Lík akiic homuu 10:12

Fan eenuul, li Hunakahu hata Batiibabu, katekaku kata ésukayi inyu fan kuhaŋ másengi kata Sodom.

Hulimahu Hásuumaahu loon Lík akiic homuu 23:46

Yéesu li akaaw butiya aan: — Faafa, iŋa’ yaalom iseni ooken. Nan Yéesu alobumuu kulimaku unku aban, li aket.

Hulimahu Hásuumaahu loon Saŋ akiic homuu 17:15

Il̥awuti mata min úfuleniil li adunaayi, bale min ufooyiil li Majakutamu.

Hulimahu Hásuumaahu loon Saŋ akiic homuu 6:44

An ayilaat abil boot búmbaam, Atuubaawu áboñulommuu okila báŋalulootool, ban ínje fan iyitenumulool li eketayi li hunakahu húbanumahu.

Bakaanelabu 13:46

Muñeˈe Fool buko li Balunabaas li kulobiil li kabaneyiil kooniil: — Hulimahu hata Ateemit bukuluul hooteenimuu hujandi lob. Bale emmuu jihoohoy ho, ban li jijok kaanaku jitookut min jiyab buloŋabu bábaneliitumuu, muñeˈe kama áloli boot min jítiiwo boot bata bukanabuku kákaanumutumuu li Ateemit balewool.

Bakaanelabu 13:50

Bale Kusuwifaku li kutiken kanaalaaku kammuu bukan káamak li ésukayi, káyinenumuu li Ateemit, li bukanabuku káamakaku kata ésukayi, min kúji bukanabuku li kúlaaten Fool buko li Balunabaas, ban li kukesooliil kúfu’ li etaamayi yooliil.

Bakaanelabu 21:13

Bale Fool li aan: — Wáa újiye li joono li jíl̥ok min jóomi li huŋes kakaanom íyeko? Injé lísingene inti mata min ijenki bale, bale foof min iket Yeelusalem humum hata kajawaku kata Amaaŋenawu Yéesu.

Bakaanelabu 7:59

Nan kulakomuu katekaku koola kata kuyitikaku, Ecen li al̥aw Ateemit aanool: — Amaaŋenawu Yéesu, uyab buyinumabu búmbaam.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 9:33

loon Bakiicelabu bulobumuu: «Boot min ikaan li ésukayi yata Siyoŋ huyitik dán bukanabuku kóomi li kunaak kujonten, húlankiin hájiye bukanabuku li kunaak kulo. Bale an áyinenumuu li ho, let áyeko.»

1 Kata Koolent 1:8

Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

Kata Fílib 1:20

Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom.

Kata Fílib 3:10

Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

Kata Fílib 3:21

Nan ammuu li áliiŋul, fan akaan eniilayi yoololaal yágootomuu ébuti, min akaan yo enokoo li eniilayi yoola yáyiineniyaayi, li búkaanum bata sembaasu sájiwoolumuu li ajok wahawu feh aaken li kayilaaku koola.

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

1 Kata Tesalonik 2:16

Li kufañeen min kúhiloli jíwaalewum bukanabuku kaletumuu kusuwif, Hulimahu hayilimuu hufakeniil. Muñowu kúhaŋummuu mawuuhen uhoofoolawu wooliil wan kufinemuu min kukaane kábilum no. Ban muñeˈe etindihuuñayi yata Ateemit elowe li buko.

1 Kata Tesalonik 5:4

Kutuyom, bale bukuluul jilet li élim mata min bil hunakahu unhu hugoobuul loon ákuu.

1 Tímote 6:20

Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

2 Tímote 1:14

Ujok jak, li búlambenum bata Buyinumabu Banabaabu bammuu li alolaal, wahawu wajakaawu wan kusenimuu ooken.

2 Tímote 1:16

Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 2:18

Emmuu akila humumool lálallaam sílaamasu sabilumulomuu li jabuutoo, muñeˈe layilo alamben bukanabuku kan kommuu li kabuutoo.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

1 Fiyeel 1:5

Wahawu unwu feh boot li bukuluul, jan Ateemit afooyemuu li sembaasu soola humum hata káyinenaku, boot li kafakaku kooluul, kaano tomuu boot min bil Ateemit áhiis ko li hunakahu húbanumahu.

1 Fiyeel 4:16

Bale an li bukuluul aanomuu li sílaam mata ágoom laam ata Kilisita, jakum asuu. Laate asal Ateemit min atookumuu kateb kajawaku kata Kilisita.

1 Fiyeel 4:19

Mó mújimuu, bukanabuku kammuu li sílaam naboo li húnongumahu hata Ateemit, koote kunaak kukaan majake ban li kuŋa’ saalasu sooliil kukat li kuŋenaku kata Ateemit Awúwenumuu wahoowah feh, alobemuu wah aban li akaan wo.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.