2 Tímote 1:13 - Jola-Kasa

¹³ Uŋa’ kulimaku kata mal̥egen kan ilobimuu ukaan bukittenoolum. Uyab ko li káyinen ló, li húbooliyahu han ubajaalumuu li hujokoolahu hoololaal li Yéesu Kilisita.

2 Tímote 1:13 Referencias Cruzadas

Kata Lom 2:20

Li utebenoolo mata min ommuu aliikena ata bukan kahaasut wahoowah, anahaanawu ata bañiilabu, mata lúyinenyinen kaanaku eluwaayi esenimuu kahaasemiñaku, ban li ekaani min uhaas mal̥egenamu.

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 4:9

Wahoowah feh wan jiliikenume lí ínje, wan jíyabume lí ínje, wan jíjamume lí ínje, mantee foof wan jijukume lí ínje, jikaan wo. Jikaan momuu, Ateemit asenemuu kásuumaay fan alako li bukuluul.

Kata Kolos 1:4

Jisalesal Ateemit mata jijanjam mata káyinenaku kooluul li Yéesu Kilisita, li mata húbooliyahu han jíboolimuu bukanabuku feh kata Ateemit.

1 Kata Tesalonik 5:21

Bale jilaso jak wahoowah feh, min jinab li wahawu wajakumuu,

1 Tímote 1:10

Eluwaayi ekaanikaan to boot li bukanabuku kahintowemuu li bukan kan kuyabowut, boot li kánayinaabuku kahintenemuu kufaaliil kánayine, boot li bukanabuku kájulayemuu emiikeelayi. Ekaanikaan to foof boot li kámalemuu li bukanabuku kanuulemuu ban let kukaan loon kunuulumuu, boot foof li bukanabuku káhoogulemuu baliikenelabu bata mal̥egen.

1 Tímote 1:14

Bale Amaaŋenawu oololaal li áhiisom másuumamu moola ŋáa’, ban li asenom káyinen li húbooliyahu hammuu li Yéesu Kilisita.

1 Tímote 6:3

Nokoomuu loon an akee aliikene wah wábuto, min akat bo kulimaku kata mal̥egen kata Amaaŋenawu kammuu baliikenelabu bakaanemuu bukanabuku kútuul Ateemit,

2 Tímote 1:1

Injé Fool ammuu afootal ata Yéesu Kilisita li húnongum hata Ateemit áboñulommuu boot kayiiŋen buloŋabu ban alobumuu kasen, ban úbajumaalumuu li hujokoolahu hoololaal li Yéesu Kilisita,

2 Tímote 1:14

Ujok jak, li búlambenum bata Buyinumabu Banabaabu bammuu li alolaal, wahawu wajakaawu wan kusenimuu ooken.

2 Tímote 2:2

Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.

2 Tímote 3:14

Bale awu, útuk lit li wahawu wan kuliikenumuu ban li uyab wo li mal̥egeni. Luhaase li ayi luliikenum womuu.

2 Tímote 4:3

Mata fan bil líiŋ taŋ yakee nan bukanabuku kootutumuu kufañ kujanten baliikenelabu bata mal̥egen, bale fan kunab li kásiibowaku kooliil, ban li kúhooñul kuliikena kameeŋe kubil kúguutiil min kulobiil wahawu wan kufañumuu min kujam.

Eleetalayi yan Fool akiicumuu Tit 1:9

Laate átuk lit hulimahu hammuu hata mal̥egen, hanabumuu li wahawu waliikeneyimuu. Muñowu láatummuu ayili aŋa’ baliikenelabu bajakaabu min awankulen kaabuku, ban li ayili foof áhiis káhoogulewoolumuu kaanaku kulet li mal̥egen.

Eleetalayi yan Fool akiicumuu Tit 2:1

Bale awu ulob wahawu wanaboomuu li baliikenelabu bajakaabu.

Eleetalayi yan Fool akiicumuu Tit 2:8

Kulimaku kuya koote kulako kulim kacole kan an ayilaat áhoogul, bájum kulatoolayi jakum kulob kulim kajakut kuya li alolaal, min kubaj ñisuu.

Eébulo 10:23

Utúkaal lit kákangumaku kan ulobaalemuu mata ko, ban jakum úyekowaal, mata Ateemit aanumuu fan akaan wah, luyilo úwooluwaalool.

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

Eébulo 4:14

Emmuu lubajaale álamba áamak abaje sembe, ajowumuu boot li emitayi, ammuu Yéesu Añiilawu ata Ateemit, kama útukaal lit káyinenaku kan ulobaalemuu mata ko.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.

Búhiisenumabu 2:25

Bale jítuk lit wahawu wan jibajumuu boot nan ínje emmuu li ibil.

Búhiisenumabu 3:11

Injé ummu li ibil. Utúk wahawu wan ookumuu lit, jakum bil an aŋa’ bacaamabu booli.

Búhiisenumabu 3:3

Loote kama uwayil̥o kulimaku kan uyabumuu li kan ujamumuu. Ukaan loon kulimaku unku kulobumuu, min útiiwo uŋa’ buloŋ buwunkul. Ulíwowutumuu, fan ibil igoobi loon ákuu, ban let uhaas nan emmuu li ibil.