2 Saŋ 1:1 - Jola-Kasa

¹ Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.

2 Saŋ 1:1 Referencias Cruzadas

Hulimahu Hásuumaahu loon Lík akiic homuu 1:3

Muñeˈe li igel̥l̥en min ihaas jak wahawu wabajumuu li húkitumahu iban, li een jaajak, Ahaanawu Téwofiil, mín ínje foof ikiic kulimaku unke boot li awu.

Hulimahu Hásuumaahu loon Saŋ akiic homuu 8:32

Muñowu jommuu li jíhaasum mal̥egenamu, ban mal̥egenamu fan múfulenuul li humiikeeleto.

Bakaanelabu 11:30

Mal̥egen li kukaan loon kulobumuu, min kuboñ wahawu wan kusenumuu Balunabaas buko li Sóol kújowetum kujow kusen kunahaanaku kata Súde.

Kata Lom 16:13

Jisaafom Lúfis ammuu aloka áamak ata Amaaŋenawu. Jisaafom jaawool ammuu foof jaawom.

Kata Galasi 2:14

Bale nan ijukumuu kaanaku kunabut col li mal̥egenamu mata Hulimahu Hásuumaahu, li ilob Fiyeel bújooŋoo hákil ésukayi feh eenool: «Awu jafane ommuu asuwif, uloŋumuu loon kaletumuu kusuwif kuloŋemuu búti li baloŋelabu bata kusuwifaku, buu loote uban li uyili utuuŋ kaletumuu kusuwif kuloŋ loon kusuwifaku kuloŋemuu?»

Kata Galasi 2:5

Bale jikatutiil maayeet ñano min kukaan loon kufañumuu, bájum li jikat to mal̥egenamu mammuu Hulimahu Hásuumaahu boot li bukuluul.

Kata Galasi 3:1

Bukuluul jata Galasi, mo jikite jíbaamo! Kama ayi aguhuul? Imban líhiisuuhiis jak buu Yéesu Kilisita aketumuu eeno li ekuluwaayi.

Kata Galasi 5:7

Jijowenjow jak! Kama ayimaa áfiife bútinabu min alenjenuul jífu’ li mal̥egenamu?

Kata Kolos 1:5

Jibabbaj káyinen li húbooli mata min jiyaakaalumuu li wahawu wan Ateemit akatumuu li emitayi boot li bukuluul. Yaakaalayi inyu, nan hulim hata mal̥egenamu hammuu Hulimahu Hásuumaahu hubilumuu booluul kátinaalaku min jijam ho, no jibaj yomuu.

1 Tímote 2:4

afañumuu min bukanabuku feh kufak ban li kuhaas mal̥egenamu.

Eébulo 10:26

Li mal̥egenamu, ucucaalumuu min unaak uhoofoolaal, ololaal bahaasaale mal̥egenamu ubanaal, let baj kasila káami li kuyili kúfulen uhoofoolawu.

1 Fiyeel 1:2

Ateemit lal̥usuul̥us yaan no akat to loon ayinoo nomuu, akila ammuu Ateemit Atuubaawu, ban li ájowum li Buyinumabu Banabaabu min akaanuul jilako bukan kanabe boot kátuul Yéesu Kilisita, li boot min jígiileni li húsimahu hoola. Káji li kásuumaay kujow kulako li bukuluul ŋáa’.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

1 Fiyeel 5:13

Bukanabuku kammee baabe Babiloon kan Ateemit al̥usumuu loon bukuluul, kusaafuluul. Maak foof ammuu añoolom lasaafuluul.

1 Saŋ 2:21

Min ikiiculuumuu inti eeniseen jihaasut mal̥egenamu, bale jihaas mo. Ban jihaase foof joon émalimiñ eyilaat ebilumul li mal̥egen.

1 Saŋ 3:18

Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.

2 Saŋ 1:13

Bañiilabu bata Atuyi, an Ateemit al̥usumuu foof, busaafuli.

2 Saŋ 1:5

Anaale, muñeˈe lil̥awi eeni: úbooliwoolaal. Inti eluwa ewunkul likiiculi, bale eluwaayi yan uyabaalumuu yaan no li húkitumahu.

3 Saŋ 1:1

Atuyom Gáyiyis an iboolaatumuu, ínje anahaanawu ikiiculi, awu an íboolimuu li mal̥egen.