2 Kata Koolent 8:19 - Jola-Kasa

¹⁹ Bale inti wahawu unwu bale. Sijanguwasu sil̥usool boot min alako anaboola óololi li kañaahoolaku unke kata bulok bata kakaan wah wajake, ban kúsenolimuu boot li kasal kata Amaaŋenawu humumool, li káhiis kaanaku jifanfañ min jilamben.

2 Kata Koolent 8:19 Referencias Cruzadas

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

Bakaanelabu 15:22

Muñeˈe kufootalaku. Buko kúl̥uba kukankaan bukan kan kutuyiil kuluukene ŋáa’.

Bakaanelabu 15:25

Mó mújimuu, áloli fóofoli feh li jijamoo min jil̥us bukan jíboñuluul. Fan kúnaboolul li Balunabaas buko li Fool kan áloli jiboolaatumuu,

Bakaanelabu 19:22

Muñeˈe li aboñ kúl̥uba li kulambenaaku koola, Tímote buko li Elasit, boot li etaamayi yata Maseduwaan. Bale akila humumool li afan alako jakee li etaamayi yata Aasi.

Bakaanelabu 19:29

Búgugguloolabu li buyiisoo buban ésukayi feh yata Efées. Búsukabu li bújokul bukan kúl̥uba kata Maseduwaan, Gáyiyis buko li Alisitaak, kanaake kunaboomuu li Fool, min húmimahu hata búsukabu huhuuñ li buko boot li hukaakahu.

Kata Lom 5:11

Tíjut tó, lubajaabaj ésuumansuum li Ateemit yabilumulo li Amaaŋenawu oololaal Yéesu Kilisita, ájimuu li ujamoolaal muñeˈe li Ateemit.

Kata Lom 5:3

Li famen to foof ésuumansuumayi yan ubajaalemuu ololaal li sílaam, mata luhaasaale oonaal sílaam lakaanekaan an ayili húmuñ.

2 Kata Koolent 4:15

Li mal̥egenamu, wahawu unwu feh wan áloli jímuñemuu lí wó, jímummuñ wó mata bukuluul jíji, mantee kájiyaku kata Ateemit li kunaak kugo bukan kahaŋe mameeŋ, min kasalaku kan ésukayi esalemuu Ateemit kújowum to kuhaŋ maluuk, boot li máyiineniyamu moola.

2 Kata Koolent 8:11

Muñeˈe kama jihabel bulokabu umbu jikaan. Jikaan to uyinumuul min jihabel bo loon foof jijokumuu min jikaan bo. Jikaan bo loon jiyilimuu.

2 Kata Koolent 8:12

Li mal̥egenamu, ukaan tomuu buyinumi min usen wah li kayinoo kajake, Ateemit fan ayab wahawu wan usenumuu. Fan ajuke li wahawu wan ubajumuu, bale inti li wahawu wan ubajutumuu.

2 Kata Koolent 8:20

Alóli jumbuku li kajuke to jakum bil an ayili áwatatenoli mata buu jítukumuu sídalamasu saluuk muñowu, san bukuluul jisenumuu.

2 Kata Koolent 9:2

Lihaase buu jikaan tomuu uyinumuul li kalambenaku, ban li isaloolo humum hooluul hákil kata Maseduwaan, min eeniil: «Kutuyolaal kammuu li etaamayi yata Akaay, kábilum hútiim kufaleˈe boot kasen.» Kahankenaku kooluul kújiji bukan kameeŋe li buko li kufañ min kusen.

2 Kata Koolent 9:8

Ateemit layilo asenuul wahoowah feh wajake, bájum li jibaj nanoonan wahawu feh wan jokuulumuu li wo, ban fan jibaj jifamen to wahawu wan jommuu jinaak jiŋa’ min jikaan wah feh wajake.