1 Tímote 5:1 - Jola-Kasa

¹ Jakum uwataten ánayine ahallene li sembe, bale uwankulenool loon atuubayi laam. Ujok bukanabuku kañiilomuu loon kutuyi.

1 Tímote 5:1 Referencias Cruzadas

Máciya 23:8

Bale bukuluul jakum jikat an min ahooñuul «anahaan.» Mata anahaan ano bale jibaje. Ban bukuluul feh batuyaay.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

Bakaanelabu 15:4

Nan kúliiŋumuu Yeelusalem, ejanguwayi, li kufootalaku li kuhaanabuku li kuyabiil. Li kukitteniil wahawu feh wan Ateemit ákaanummuu li buko.

Bakaanelabu 15:6

Muñeˈe kufootalaku li kunahaanaku li kujoj min kútaluloo mata hulimahu unhu.

Bakaanelabu 20:17

Fool li alako Milet min aboñ kujow koon kunahaanaku kata Ejanguwayi yata Efées, kubil.

Kata Lom 13:7

Jisen anoowan wahawu wan atookumuu min abaj: Jisen búhalabu anawu an jóotimuu jisen bo, li jisen júutiyayi anawu an jóotimuu jisen yo. Jiluuken an an jóotiye jiluuken, li jisal an atooke kasal.

Kata Galasi 6:1

Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

1 Tímote 5:17

Kunahaanaku kajokumuu Ejanguwayi jak, háŋum kaakumuu bútebabu bata kawaale li kaliiken bukanabuku Hulimahu, tooke min kuyab bacaam baleˈe ñál̥uba li bacaamabu ban kubajemuu.

1 Tímote 5:2

Kaalaabuku kahallenumuu, ujokiil loon sijaawi. Kanaalaabuku kañiilomuu li ujokiil loon kúliini. Uloŋ buloŋ banabe hákiliil.

Eleetalayi yan Fool akiicumuu Tit 2:2

Ulob kánayinaabuku kahallenumuu ooniil kootut kuwuuhen li wahoowah. Koote kulako bukan kasuuneniye, bukan kabaje uyinum, kalite li káyinenaku, li húbooliyahu ban li kuhanken to jaj.

Eleetalayi yan Fool akiicumuu Tit 2:6

Uwankulen foof báfulabu min kubaj uyinum.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

Saak 5:14

An li bukuluul li ásomut, li áhooñul kunahaanabuku kata ejanguwayi min kuŋa’ éduulij kúyuwool li ukow, min kul̥aw boot li akila li kajawaku kata Amaaŋenawu.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

2 Saŋ 1:1

Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.

3 Saŋ 1:1

Atuyom Gáyiyis an iboolaatumuu, ínje anahaanawu ikiiculi, awu an íboolimuu li mal̥egen.

Búhiisenumabu 4:4

Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.