2 Tímote 2:2 - Jola-Kasa

² Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.

2 Tímote 2:2 Referencias Cruzadas

Máciya 13:52

Muñeˈe Yéesu li aaniil: — Mó mújimuu, anoowan aliikene bukanabuku eluwaayi yata Móyiis, abile alako ágoom ata Jáyiiyaju jata Ateemit, lanokoonokoo li anahaan ata eluuf, áfulenulo li ebajayi yoola, wah wawunkul li foof wah wahaan.

Máciya 24:25

Muñeˈe lilobuulobumuu ikat to.

Hulimahu Hásuumaahu loon Lík akiic homuu 12:42

Amaaŋenawu li aan Fiyeel: — Kama ayimaa ammuu aloka al̥egene ban li ájallo? Okila ammuu anawu an anahaanawu oola alakomuu li ajow kañaahoo, li aŋa’ kulokaabuku koola asenool aaken, ánaakum aseniil hutiñiil, taŋiil yata hutiñ báliiŋe.

1 Kata Koolent 4:2

Imban wahawu wan kufañumuu min an an kusene wah kakaan akaan, wo wommuu min akaan bulokabu boola jak.

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

2 Kata Koolent 3:5

Alóli bajut wah wan jiyilo joon áloli húmumoli jikaan wo li sémbewoli, bale Ateemit ákaanoli min jiyili jikaan wahawu wan jikaanemuu.

Kata Kolos 1:7

Efafulaas, ammuu áfaaloli aloka an jiboolaat, akila aliikenuulumuu wahawu unwu feh. Laanosaano li bulok boot li bukuluul loon aloka ata mal̥egen ata Kilisita.

1 Tímote 1:12

Lisale Amaaŋenawu, min ajukumuu kaanaku litottook min aŋalom min ilok boot li okila, ban li asenom sembe min ikaan bulokabu boola,

1 Tímote 1:18

Añoolom Tímote, kulimaku unke lifañumuu min iseni. Kunaboonaboo li kan kufulofetaku kulob nomuu kuya li awu. Ujówum li kulimaku unku min utaj bútajabu bajakaabu,

1 Tímote 4:14

Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.

1 Tímote 4:6

Ukittenumuu wahawu unwu feh kutuyi, fan ulako aloka ajake ata Yéesu Kilisita. Fan úhiis kaanaku li kulimaku kasenemuu káyinen li baliikenelabu bata mal̥egenamu ban unabumuu li bo jak, lúkuumenumi.

1 Tímote 5:22

Jakum usommen uŋa’ kuŋeni uwalen li an, jakum uŋa’ butumi ukaan li kahoofoo kata an. Ukaan awu humumi min ulako an anabe.

1 Tímote 6:12

Utaj jakum bil káyinenaku kooli kufaki. Ujok buloŋabu bábaneliitumuu ban Ateemit ahooñimuu boot li bo, loon awu humumi ulob momuu li kulimaku kásuumaku kan ulobumuu mata káyinenaku kooli hákil bukan kameeŋe.

2 Tímote 3:10

Awu lunannab jak li baliikenelabu búmbaam, makaanelamu múmbaam, wahawu wan iyinoomuu kakaan, káyinenaku kúmbaam, húmuñahu húmbaam, húbooliyahu húmbaam, li kahankenaku kúmbaam;

2 Tímote 3:14

Bale awu, útuk lit li wahawu wan kuliikenumuu ban li uyab wo li mal̥egeni. Luhaase li ayi luliikenum womuu.

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.