Rute 2:6 - Kaxinawá Bíblia (BR) dayaru shanẽ ibũ kemakĩ yuikĩ: —Moabe anua Noemi txĩtũkiranaya ha Moabe nawa aĩbu txipash habe hushiã ikikiki. |
Abrãori yuikĩ: —Senhor Deusuũ, ea merabewakĩ hawa mĩ ea inãtirumẽ, ea benimawakinã? Ẽ aĩ kayabi anua huni bake mĩ ea inaĩsma ẽ hawa hayamaki. Haskakenã, ẽ tsumabu mekenika Eliézer hawẽ mae Damasco anua enabumabiatũ ẽ mawakẽ ena dasibi ibu washaniraka, shanẽ ibukinã— iwanã,
hanushũ hawẽ beya txibãkĩ Abraão hawẽ tsuma shanẽ ibu haki txiti ika hatũ dasibi hatu mekemis inũ hawẽ mabu mekeshuna Eliézer kenashũ yuikĩ: —Ẽ mia yuiai ea dapi huwe. Deusũ nuku uiãwẽ taeshũ ẽ mia yubamaii. Nukũ beya txibãkĩ ea unãti wamakĩ tsitsaukaĩ ea kishwakewe, mĩ ea haska waya ẽ mia yuiairã. Canaã nawabu nũ hatube hiweabu anua aĩbu Isaque ẽ bimakatsi ikamaki. Hakia hanua ẽ huni anu kashũ enabu anua aĩbu ẽ bake Isaque ishũtãshãwẽ. Senhor Deusũ nai inũ mai damiwanitũ nuku uiãyã haska ẽ mia yunuai inũ ẽ mia yubamai ea ashũtãwẽ— aka
hawẽ shinã txãkãkĩ hawẽ tsumapã José betxipaihairakĩ duawakĩ haki txiti ikatsi dasibi hawẽ tsumabu inũ hawẽ hiwe anuari mekeshunika wakĩ hawẽ bai inũ hawẽ inabu uinika wakĩ katunikiaki.
hanua ma mexu beaya bai ibũ hatũ hawẽ daya tsumashũna yunukĩ: “Ea dayashũtãkãshu hatu kenashũ habianus kesua pei ea hatu meniakeakeshũtãwẽ. Ha dama bukãshu ha dukũ hatu paka taewabaĩkĩ ha habu dukũ buabu hawẽ henekĩ hatu pakakĩ keyutãwẽ”, aka kashũ
hanushũ nuku xinãmakĩ nũ hawẽ tsumabu nuku ana yusĩkĩ: —Shanẽ ibu txai kakĩ hawẽ tsuma unãnepa yunubaĩmiskiri matu yuinũ nĩkakãwẽ. Hawẽ tsuma betsabu pimakĩ hau hawẽ hiwe mekeshũkubainũ hatũ shanẽ ibũ hawẽ tsuma unãnepa yunubaĩmiski.
nĩkamas Rute kemakĩ yuikĩ: —Mia dapashkakĩ ẽ mia henebaĩtanũ ana ea yunuyamawe. Mĩ hanu kai anu ẽ mibe kaii. Hanu mĩ hiweai anu ẽ mibe hiweriashanaii. Minabu enaburi ishanikiki. Mĩ mekenika Deusrã, ẽ Deus iriashanikiki.
haska wabaini habetã bai tanakubaini atimas hawẽ mae Belém anu kematã hikikaini kaya tsuãra uĩtã kakabaunaibũ aĩbuaibũ yuikĩ: —Harã, habiamẽ, Noeminã?— ikeakeaibũ
haskakũkirani hawẽ babawã Moabe nawa Rutebe Moabe anua txĩtũkiranirã, hanu hatũ shekiwã betsa cevada tsekakĩ taewaibutiã hawẽ mae Belém anu Noemi hikitushi haskanikiaki.
shekiwã cevada meshkã itxawai Rute hatu itxũ kai uĩtushikĩ hatũ hatu tsekamai dayaru shanẽ ibu Boazĩ yukakĩ: —Ha aĩbu txipashrã, tsuã bake hua ikimẽkaĩ?— aka
“Tsekaibu itxũ cevada meshkã niri ikai tupikĩ itxawakubaĩpa?” ikĩ ea yukashuki. Penama tupikĩ taewa huĩrukũwãmas eskarabes na hatiã huĩrukũ pishtatã ana dayakirani ikikiki— aka