Gênesis 39:4 - Kaxinawá Bíblia (BR)

⁴ hawẽ shinã txãkãkĩ hawẽ tsumapã José betxipaihairakĩ duawakĩ haki txiti ikatsi dasibi hawẽ tsumabu inũ hawẽ hiwe anuari mekeshunika wakĩ hawẽ bai inũ hawẽ inabu uinika wakĩ katunikiaki.

Gênesis 39:4 Referencias Cruzadas

Gênesis 15:2

Abrãori yuikĩ: —Senhor Deusuũ, ea merabewakĩ hawa mĩ ea inãtirumẽ, ea benimawakinã? Ẽ aĩ kayabi anua huni bake mĩ ea inaĩsma ẽ hawa hayamaki. Haskakenã, ẽ tsumabu mekenika Eliézer hawẽ mae Damasco anua enabumabiatũ ẽ mawakẽ ena dasibi ibu washaniraka, shanẽ ibukinã— iwanã,

Gênesis 18:3

Abraão hatu yuikĩ: —Shanẽ ibuũ, mĩ huai?— hatu wa dami yura kayabitã ha meranua Deus hãtxai: —Ẽ huaii— ikaya Abraão nemakĩ yuikĩ: —Ẽ mĩ tsumarã, ea betxipaikinã, ea binũbaini hawaira kayamawe.

Gênesis 24:2

hanushũ hawẽ beya txibãkĩ Abraão hawẽ tsuma shanẽ ibu haki txiti ika hatũ dasibi hatu mekemis inũ hawẽ mabu mekeshuna Eliézer kenashũ yuikĩ: —Ẽ mia yuiai ea dapi huwe. Deusũ nuku uiãwẽ taeshũ ẽ mia yubamaii. Nukũ beya txibãkĩ ea unãti wamakĩ tsitsaukaĩ ea kishwakewe, mĩ ea haska waya ẽ mia yuiairã. Canaã nawabu nũ hatube hiweabu anua aĩbu Isaque ẽ bimakatsi ikamaki. Hakia hanua ẽ huni anu kashũ enabu anua aĩbu ẽ bake Isaque ishũtãshãwẽ. Senhor Deusũ nai inũ mai damiwanitũ nuku uiãyã haska ẽ mia yunuai inũ ẽ mia yubamai ea ashũtãwẽ— aka

Gênesis 33:10

—Haskamaki. Mĩ ea betxipaiaiwẽ taeshũ na inãkuĩ ẽ mia beshũshu biwe. Mĩ ewẽ benimai ẽ mia uĩshuki, haska Deus ẽ uiaĩ keskarã. Deusũ ea duawamiswẽ taea itxapa ẽ hayaki. Haskawẽ taeshũ ea danãma ẽ inãkuĩ biwe— akĩ hawẽtsaĩs yunu yunu aka atimas shinã betsa watã bitã

Gênesis 33:8

Esaú ana Jacó yukakĩ: —Na mĩ inabu inũ mĩ tsumabu dasibibu mia bebũ ẽ uĩkubirani ẽ miki nukuairã, mĩ hawẽ hawayuai?— aka —Nũ ana sinatarabeyamanũ mia daewakĩ ẽ inabu dabukũ ẽ mia beshuaiĩ, nũ ana txakabui hiweyamashanunã— aka

Gênesis 39:8

José nemakĩ: —Miwẽ kemukĩ ẽ mia meamaki. Uiã, ea uinika washũ ẽ tsumapã hawẽ hiwe inũ hawẽ bai ea yunuimaki, hawena dasibi ẽ meke pewashununã. Nenu ea inũ ẽ tsuma nũ habias keskaki. Hawena dasibi yaushiama ea mekemakĩ ea yunuyuimaki. Hakia mia besti ea yunuamaki, mĩ hawẽ ainã. Haskai eiskauã emebi txakabui ẽ daketapatirumaki, Deuskiri txakabuirã— aka

Ester 2:9

Ester pepa hawẽrua besti ikũkaĩkĩ Hegai betxipaimakubainaiwẽ taeshũ hawẽ hawẽruawati dau sharabuwẽ hawaira daũkĩ taewakĩ hanushũ piti pepasri pimakubaĩkĩ ha dikabi hau Ester merabewakubainũbũ 7 dayaru aĩbu pepabu shanẽ ibuhairatũ hiwe anua katushũ hatu yunushũ aĩbuaibũ hiwe dĩtu pepa anu Ester inũ hawẽ 7 dayarubu hatu maewashũ Hegaĩ hatu hiwemakubainaya

Provérbios 14:35

Dayarubu pepa anikabu shanẽ ibubũ hatu betxipaikubaĩmisbuki. Hakia dayarubu mawaira anikabumarã, shanẽ ibubu hatuki sinatakubaĩmisbuki.

Provérbios 16:7

Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.

Provérbios 17:2

Tsuãra huni bake tatimawẽ taeshũ hawẽ tsuma unanepa ikũkaĩkĩ shanẽ ibukĩ ha bake tatima yunukubaĩshanikiki. Hanua hawẽ ibu ma mawakẽ hawẽ huni bake betsabubetã ha hawẽ tsumapã hawẽ mabu pashkashanikiki.

Provérbios 3:4

Mĩ haska hiwekũkainaya Deus inũ yurabu miwẽ benimakĩ mia betxipaikubaĩshãkanikiki.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Rute 2:6

dayaru shanẽ ibũ kemakĩ yuikĩ: —Moabe anua Noemi txĩtũkiranaya ha Moabe nawa aĩbu txipash habe hushiã ikikiki.

1 Samuel 16:22

hanushũ Saulũ hawẽ hãtxa ana Jessé bumakĩ: “Mia ea akĩ mĩ bake Davi mĩ ea nitxĩshũshina ẽ betxipaihairaiwẽ taeshũ ea heneshũwẽ, hau ea anu ikũkaĩshanunã”, akĩ hawẽ hãtxa bumanikiaki.

1 Samuel 2:26

Habiatiãri Samuel yumekĩ pepa akubainaya Senhor Deus inũ yura dasibibũ betxipaikubainaibũ