Provérbios 11:5 - Kaxinawá Bíblia (BR) Huni pepabũ kaneaibũ ha yunuti pepatũ hatũ shinã hatu kayatapĩmakubaĩmiski. Hakia huni txakabubũ kanekĩ hatũ txakabuwẽ ibubis ana pikumisbuki. |
hawẽ yusiã hãtxa nĩkatã ashuãbumawẽ taea Aitofelĩ unãtã punu nukai huĩti nishmatã hawẽ jumentoki katsaumekaini kaĩkaini hanua kaini anu kashũ hanushũ hawẽ hiwe inũ hawẽ mabu inũ hawẽ yunu bai betsa betsapa hawenabus hatu yunu keyutã habiatiãri dispi bua hiki neshatã ibubis tenesheketã mawa hawẽ epa maiwanibu dapi maiwarianibukiaki.
Hakia ha huni txakabubũ hatu tenãkatsi ikĩ birũwã keska wakinã, ibubis hatũ hiwea mese wakĩ amisbuki.
Huni pepabũ hatũ beya pepa tapĩtã txibãmisbuki. Hakia huni txanitxakamisbũ ibubis txakabuwakubaini hawẽ txani hãtxawẽ taea yamamisbuki.
Hunibũ txakabuwamisburã, ha txakabunã, hawẽ hatu mestẽwãtirumaki, hiwe txibu hayama keskarã. Hakia huni pepabu hatũ hiwea mestẽwãti hi tapũ uke merãhaira beshea keskabuki, tsuã hatu betsetirumarã.
Huni duapabu hatũ pepawẽ mekemisbuki. Hakia hunĩ txakabuwakubaĩmisbu hatũ txakabuwẽ keyui yamamisbuki.
Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.
Txikishĩ hiwearã, hawẽ hiwea bairã, mushã kaiã besheaki. Huni pepabũ hiwearã, bai hashpa hawa tã akama shũpĩ anu mapua keskabuki.
Huni txakabubu datebiai bemakis mestẽ pe itsai mapumisbuki. Hakia huni pepabu hawa shinã txakabuwaismawẽ taea dateama hiwekubaĩmisbuki.
Hawara dasibi Senhor Deusũ betxipaiai shinãkĩ mĩ akubainaya Senhor Deusũ mia tapĩmakĩ hawẽ bai pepa mia yusĩkubaĩshanikiki.
Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.