Provérbios 3:6 - Kaxinawá Bíblia (BR)

⁶ Hawara dasibi Senhor Deusũ betxipaiai shinãkĩ mĩ akubainaya Senhor Deusũ mia tapĩmakĩ hawẽ bai pepa mia yusĩkubaĩshanikiki.

Provérbios 3:6 Referencias Cruzadas

Esdras 7:27

Eskawẽ taeshũ Esdrasĩ Deus kẽwãkĩ yuikĩ: “Nukũ shenipabũ mekenika Senhor Deusuũ, mĩ pepahairaki. Jerusalém anu mĩ kẽwãti hiwe ana atimapa uĩkatsi ikama hau pewanũbũ Pérsia nawa shanẽ ibuhairatũ shinã mĩ pe shinãma hatu yunua akimabuki.

Neemias 1:11

Mibe hãtxakĩ ẽ mia ea akai ea nĩkawe. Senhor Deusuũ, ẽ shanẽ ibu ewẽ nuimawe. Ha ẽ shanẽ ibu Artaxerxes ewẽ nuikĩ ekiri pe shinãyã haskawẽ taeshũ ẽ mia duawakatsi haskakiri ẽ mia yukaii”, anikiaki. Ea Neemiasinã, shanẽ ibuhaira Artaxerxesĩ nushuti pewakĩ hawẽ kẽtxaki hushkeshũ dau hayamẽkaĩ, iwanã, eã dukũ metã hawa dau hayamakẽ ẽ amakubainiki.

Neemias 2:4

shanẽ ibũ ea yukakĩ: —Mia haska washũkĩ ẽ mia merabewatirumẽ?— ea wa hau ea merabewanũ Deus nai anua ẽ huĩtinĩ yukatã

Salmos 32:8

Shanẽ ibu Senhor Deusũ ea yuikĩ: “Mikiri shinãkĩ ẽ mia uiaĩ ea uĩwẽ. Ẽ mia tapĩmakatsis ikaii, hãtxa pewẽ yusĩkinã, haska ẽ shinaĩwẽ haratu bai pe ha katutã mĩ hawẽ kakũkainunã.

Provérbios 11:5

Huni pepabũ kaneaibũ ha yunuti pepatũ hatũ shinã hatu kayatapĩmakubaĩmiski. Hakia huni txakabubũ kanekĩ hatũ txakabuwẽ ibubis ana pikumisbuki.

Provérbios 16:3

Hamẽ haska akatsi ikĩ bebũkiri haki txiti ikĩ Senhor Deus mĩ yuishina mĩ yubaka pekẽ hawara pepa Senhor Deusũ mia amakubaĩshanikiki.

Provérbios 16:9

Hawara wakatsi hunibu yubakakĩ shinaĩbu Senhor Deusũ hatu merabewakĩ haska wai buaibu hatu yunukubaĩmiski.

Isaías 45:13

Ha dikabi eãri Ciro ẽ tashnimaniki, hau hatu maemanunã. Hawẽ kati bai dasibi ẽ hawama washũshanaii. Hanushũ hatũ ẽ maewã ea benishũshanikiki. Haska watã enabu habũ hatu iyunibu hatu mebikinãkĩ hatu henematã hatu ea akĩ pakamama manakuti yukama ishanikiki”, iki Senhor Deus dasibi binua hãtxashuki.

Números 9:20

hanu haki nukuti tari hiwe mamakia nai kuĩ kayuama niti iyukẽ hatira shaba besti niti itã ana Senhor Deusũ hatu yunua nai kuĩ txibaĩ buaibũ ana betsatiã Senhor Deusũ hatu yunuama buama hanu bashikukubaini

1 Coríntios 10:31

Hamapai pikĩ nushuti akĩ hamapai betsa betsapa akinã, Deus duawanũ, iwanã, akubaĩkãwẽ.

2 Coríntios 8:16

Hanushũ matu merabewakatsi iki nũ matuwẽ nuiai keskai Titori habias xinã haya matuwẽ nuiriai kakatsis iki kaya benimakĩ Deus pepa wakĩ ẽ kẽwaiĩ. Hau matu anu kanũ nũ nitxiã hawaira matu anu kaikiki.

Filipenses 4:6

Haska inũ, ana hamapaiwẽ dabanã iyamakãwẽ. Hakia Deusbe hãtxakĩ yukai inũ kẽwaĩnã, mĩ hamapai hakiri shabakabi yui txanikubaĩkãwẽ. Hanushũ Deusũ matu nĩkashũ ashũkẽ hawẽ duapa kẽwãkubaĩkãwẽ.

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

Colosenses 3:23

Hawara daya tibi mã hatu ashuainã, txikixbetanã hatu ashũama nukũ Shanẽ Ibu mã duawai keska wakĩ hatu ashũkubaĩkãwẽ, yurabu hatu uĩmakĩ ashũamarã.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.