João 15:25 - Kaxinawá Bíblia (BR) Haskakẽ Deusũ hãtxa yuishunikã yuikĩ: ‘Hawamawẽ taeshũ itxakawakĩ ea danãnibuki’, iwanã, keneni keska menekĩ ea danãkanikiki. Kashinawa : Diosun Jesúswen taexun yuba bena yiniki Jaskaken Diosun jancha yuixunikan yuikin: ‘Jawamawen taexun ichakawakin ea dananibuki’, iwanan, keneni keska menekin ea danankanikiki. |
Eska tibiwẽ taearã, ẽ hawa hatu txakabuwamabia hamẽ ea danãkĩ ẽ bu itxapa binumai eki sinatakanikiki. Tsuabura eki sinataibu ana itxapahaira hayaki. Ẽ hatu hawa wamahairabia ea yamawakatsis ikanikiki. Hatũ hamapai ẽ hatu yumetsuĩsmabia hamẽmẽs ea yunutxakakĩ: “Ea ana inãwẽ”, amisbuki.
Haska wakĩ isĩ teneaibu shushawakĩ mawabu bestẽwãkĩ yuraki txaminibu kayawakĩ yushĩ txakabu hayabu kaĩmakĩ akubaũtãkãwẽ. Na kuxipa hawa pakama mã bishuwẽ taea habiaskari wakĩ habias kuxipawẽ hatu merabewakĩ hawẽ hatũ hamapai hatu yukayamakubaũtãkãwẽ.
yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,
ana hatu yuikĩ: —Manakãwẽ. Ẽ Deus itxamaki. Deusũ hãtxa yuishunikatũ kenekĩ: “Ha irabeaibu pewanika hatu wakĩ Deusũ hawẽ hãtxa hatu yunukĩ yuikĩ: ‘Mã hatu merabewakubainairã, mã deusbuki’, ikĩ Deusũ hatu yuiniki”, akĩ hatu keneshuniki, na kenerã, nũ unãkanaii.
Na haska hãtxairã, matu dasibikiri ẽ hãtxamaki. Eã ẽ matu katunishũ ẽ unaiĩ. Hamẽ ekiri Deusũ hãtxa yuishunikatũ ea dayuikĩ: “Ebetã pibiakĩ ea detenũ ishũ xinaĩkiki”, ini keskai haska ekiri kenenibu yuiaiwẽ taea txanima matu bestitxaitũ mã ea habiaskari wakatsis ikaii.
Haskakẽ Moisés inũ Deusũ hãtxa yuishunikabũ yusĩni unãhairabianibu: “Mã pepaki”, akĩ Deusũ hatu haskakiri xinãkĩ yuiamaki. Hakia haska yura dasibi mai hirabi anuabũ txakabuwakĩ nũ kanemis nuku unãti washanai dasibibu Deus bebunua nũ hawa hãtxatirumaki.
Deus nũ hawa washũkĩ daewatirumabiakẽ Deus duapatũ hawẽ pepa hatu uĩmakĩ hawẽ bake hawa yauxiama hamẽ inãkuĩkĩ Deusũ Cristo hatu nuku tenãmashũkĩ hawẽ himi habawanirã, Jesus Cristõ nukũ kupiti biniwẽ taeshũ tsuabũra mã Cristo ikũwaĩ hawẽ nukũ txakabu buati waniki. Haska xinãkĩ tsuabũra nukũ txakabu nũ buamakatsis iki haki txaniaya txanima Deus pepa kaneismatũ nuku unãmakĩ nũ hawẽ bake ikũwaĩwẽ taeshũ besti nukũ txakabu buashũtiruki. Cristo mawakĩ nukũ txakabu besti nukuna buashunama hakia uatiã hiweshũ ikũwãniburi hatũ txakabu hatu buashũrianiki.
Matu anu kayamashũ Deusũ kakape datã akĩ matu yusĩkĩ ẽ hawara hayamabia pei inũ mabu matu yukakĩ ẽ matu txakabu wayamamẽ? Ẽ matu haska wama iyamaki.
Haska inũ, Moisés keneni txibaĩ ẽ pepa bestiaya Cristo hamẽ nuku mawashũkeaniki. Hakia natianã, ẽ ana haskamaki. Deus ewẽ nuiaya Cristõ ea mekeawẽ taeshũ ẽ shenipabũ beya henetã Cristo besti ẽ txibãkubainaii”, akĩ ẽ Pedro yusĩniki, dasibitũ nĩkaibunã.
ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.
hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.