Salmos 69:4 - Kaxinawá Bíblia (BR)

⁴ Eska tibiwẽ taearã, ẽ hawa hatu txakabuwamabia hamẽ ea danãkĩ ẽ bu itxapa binumai eki sinatakanikiki. Tsuabura eki sinataibu ana itxapahaira hayaki. Ẽ hatu hawa wamahairabia ea yamawakatsis ikanikiki. Hatũ hamapai ẽ hatu yumetsuĩsmabia hamẽmẽs ea yunutxakakĩ: “Ea ana inãwẽ”, amisbuki.

Salmos 69:4 Referencias Cruzadas

Salmos 40:12

Enabũ ea hawẽtsaĩs txakabu betsa betsapa wamisbu hati tanatã ẽ mia yui keyutirumaki. Ibubis ẽ txakabu betsa betsapatũ ea kebẽbauna haskatã ẽ ana pe uĩtirumaki. Ẽ txakabu mirimatunã, ẽ bu itxapa binuaki. Haskawẽ taea ẽ benima pae ẽ benua ẽ ana hayamaki.

João 15:25

Haskakẽ Deusũ hãtxa yuishunikã yuikĩ: ‘Hawamawẽ taeshũ itxakawakĩ ea danãnibuki’, iwanã, keneni keska menekĩ ea danãkanikiki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

1 Pedro 2:22

Xinãkãwẽ, Cristorã, matu eskashunikirã. Tsua betsa parãtaskama inũ hawara Deusũ nemani inũ yununi kanekĩ hawa txakabuwamahaira matu ishuniki.

1 Pedro 2:24

Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.