Deusũ ana yuikĩ: “Yurabu damiwanãwẽ, nuku itsarã, nukũ yushĩ keska wakinã, mai hirabi anu baka inũ, piti yuinaka inũ, pitibuma yuinaka hau hatũ ibu washanũbunã”, ishũ
João 14:23 - Kaxinawá Bíblia (BR) Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii. Kashinawa : Diosun Jesúswen taexun yuba bena yiniki Jesúsun kemakin: —Tsuabunda ea bechipaikinan, en yusian jancha chibankanikiki. En Epan jatu bechipaiaya ea inun en Epa jua nun jatuwen jiwexanaii. |
Deusũ ana yuikĩ: “Yurabu damiwanãwẽ, nuku itsarã, nukũ yushĩ keska wakinã, mai hirabi anu baka inũ, piti yuinaka inũ, pitibuma yuinaka hau hatũ ibu washanũbunã”, ishũ
ana yuikĩ: “Hatu anu butushũ hatũ hãtxa pashkanãwẽ, hãtxa betsa betsapaya wakinã. Haskawẽ taea hau ana hãtxai ana nĩkakanãyamanũbunã”, itã
ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.
Merabenã Benarã, hawẽ Yushĩ Txanima Unãmanikaki. Mai anu yurabũ hawa unãbumã inũ uĩabumã Merabenã Bena ikũwãkĩ haibuwatirubumaki. Hakia natiã matu dapi hiwea txipu matube uke merã hiweshanaiwẽ taeshũ Deusũ Yushĩ Txanima Unãmanika mã ma unaiĩ.
Haskakẽ tsuabũra ẽ yusĩa nĩkakĩ txibãkubaĩkĩ ea unãmai txanima ea abukubaĩshãkanikiki. Haska inũ, tsuabũra ea abuaibũ ẽ Epa Deusũri hatu aburiashanikiki. Haskaibu shabakabi ẽ hatu unãmashanaii, habũ txanima ea abuaiburã— nuku waya
Hakia tsuabũra ea abuabumarã, ẽ yusĩa hãtxa txibãbumaki. Na hãtxa ẽ matu yusĩa mã nĩkakubainairã, enamaki. Ẽ Epa hatũ ea yununitũ hãtxaki.
Hawẽ hãtxa ẽ txibãyã ea abukĩ ẽ Epã ea putaismaki. Haska keskari wakĩ ẽ yunua hãtxa mã txibãyã matu abukĩ ẽ matu putamari ishanaii.
ẽ Epa Deus matuwẽ nuikĩ abuaiwẽ taeshunã. Deus anua ẽ huni ikũwãkĩ mã ea abuaiwẽ taeshũ Epa Deus matuwẽ nuikĩ matu aburiaikiki.
Tsuabũra ẽ nami pi inũ ẽ himi akirã, ebe hiweaibũ eari hatube dasitã ẽ hiwekũkaĩshanaii.
hanua habu Jesuski sinatakĩ yuikĩ: —Txanima mĩ yushĩ txakabu hayaki. Nukũ shenipabu pepa Abraão inũ Deus hãtxashunika dasibiburi mawakubainibuki. Hakia: “Tsuãra ẽ hãtxa nĩkai mawama ishãkanikiki”, ikĩ mĩ yuiairã, shanẽ ibukĩ mĩ hatu binũkĩ keyua iki ikai? Miarã mĩ tsua iki ikai, haska xinaĩ ibubis keĩnã?— akabu
Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,
Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.
Haskakẽ matunã, Deusũ hãtxa mã nĩka taewanirã, matũ huĩti merã ha kaka pepa mã mekea matuki ma dasia hanu hawẽ bake inũ hawẽ Epabe mã ma hatuki dasia hiwekũkaĩriashanaii.
Hamẽ tsuara xinã betsatã Deusũ hãtxa txibãkĩ ashũkayabiairã, txanima kayabi hawẽ shabakabi Deusũ nui haya ha meranua tashnikiki. Hamẽ nukubu nũ haskariaiburã, nũ hakiri dasiabu nũ ma unãkanaii.
Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.
Deus nũ abuairã, hawẽ yunuti inũ hawẽ nemati nũ txibãkubainaii. Hawẽ yunuti txibaĩnã, shãkamama bikamaki.
Deusũ hawẽ hãtxa yunukinã: “Nui abunamei besti hiwetiki”, anirã, ha haska yununirã, ma bebũkiri mã nĩkaniki. Haskawẽ taea nuikipai hiwekubaĩkãwẽ.
Ha inũ, Deusũ maewã bena hirabi anushũ Epa Deus Shanẽ Ibu binu keyua inũ hawẽ bake txashuwã habu kẽwãkubaĩmisbuwẽ taea hawẽ kẽwãti hiwe hayama ẽ uĩshuki.
shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki.
Ha inũ, Deusũ mae anu hawa yupukunãti hayamaki. Ha inũ, shanẽ ibu haki tsauti anua Deus inũ hawẽ bake txashuwã bake tsauwabũ ha mae merãshũ Deusunabũ habũ hatu kẽwãkubaĩshãkanikiki.