Isaías 7:13 - Kaxinawá Bíblia (BR)

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

Isaías 7:13 Referencias Cruzadas

Gênesis 30:15

inãkatsi ikama haki sinatakĩ Léiã yuikĩ: —Ha dukũ ẽ bene mĩ ea mebiniki. Ikis ẽ bakẽ bimi batapa ea beshuã mĩ ea mebĩriakatsis ikai?— aka Raquelĩ hawẽ bimi sheanũ ishũ —Haskakenã, na meshu merã hau mibe iki kanũ Jacó ẽ mia anu yunuaii. Haskakẽ mĩ bakẽ bimi mia beshuã ea dabukũ inãriwe— aka haska yubaiwẽ taeshũ inãkẽ

Isaías 1:14

Ushe bena tashniaitiã inũ haska itxatã mã pi beyuskũkainairã, mã haskabiakubainaiwẽ taea ẽ matuki txikishtxakayamaii. Mã haskakĩ ea bika tenemai ẽ ana haska tenetirumahairaki!

Isaías 1:24

Haskawẽ taeshũ Senhor Deus kushipa dasibi binuatũ hawẽ kushipawẽ Israel merabewamis hawẽ hãtxa kushipawẽ hatu yuikĩ: “Hatishũ besti matũ txakabu ẽ tenetiruki! Mã habu eki sinataiburã, matũ txakabu tanatã matube detenameai keskakĩ ẽ matu kupishanaii.

Isaías 43:24

‘Hawara ininipa peiwẽ bitã mã ea benimawanũ’, ikai ẽ matu yunuama inũ, ha binumakĩ: ‘Yuinaka sheni ea kuashũkãwẽ’, iwanã, ẽ matu hawa yunuamaki. Hamẽ haskama maturã, atimapa tibikĩ ea danãmakĩ txakabukĩ mã ea bika tenemakubainaii.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Isaías 7:12

Acazĩ Isaías nĩkatã kemakĩ: “Eã ẽ haska watirumahairaki, ẽ shanẽ ibu Senhor Deus unãti wakĩ hawẽ unãmati yukakinã”, ikaya

Isaías 7:2

Haskaibutiã tsuãra shanẽ ibuhaira Acaz inũ hawenabu anu hatu banabimakĩ: “Síria nawabu Efraim enabube dasitã matuki yubakakanikiaki”, hatu wa hanua Acaz inũ hawenabũ haska nĩkatã datebauni huĩti bene bene iki hi shukua niwẽ hatu bubi bubi amis keskaibũ

Amós 3:13

Mekenika Deus kushipahaira dasibi binua Senhor Deusũ hawẽ hãtxa txanima mestẽwãkĩ yuikĩ: “Matubũ ẽ hãtxa nĩkatã Jacó enabu txakabumisbukiri shabakabi hatuki txanikubaĩshãkãwẽ.

Malaquias 2:17

Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Lucas 1:69

Mĩ tsuma Davĩ baba betsa kuxipahaira mekenã kayabi nuku anu mĩ ma nuku nitxĩshũxinaki.

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Hebreus 3:10

Ha yurabũ ea haska waibu hatuki sinatakĩ hatu yuikĩ: ‘Ẽ xinã abukĩ unãti wakatsi ikama danãkĩ hatũ huĩti pepariabumã hatũmebi benui mapuabuki’, iki