Isaías 63:10 - Kaxinawá Bíblia (BR)

¹⁰ Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Isaías 63:10 Referencias Cruzadas

Gênesis 6:6

Mai anu yurabu ẽ hatu damiwabiani hatũ txakabuwẽ taea ẽ huĩtinĩ ẽ bika tenehairaii”, ishũ ana shinã txãkãma

Salmos 51:11

Ẽ mibe nia ea pashkayamawe. Mĩ Yushĩ Pepa ea meranua ea mebĩyamawe.

Êxodo 15:24

ha hene mukahairakẽ Moiséski sinatakĩ ana yuãkĩ: “Ũpash manutxakayamakĩ nũ hania akai?” ikaibũ

Êxodo 16:8

Moisĩ ana hatu yuikĩ: —Mã Senhor Deus yuaĩ nĩkashũ mã pinũbũ bari kaya nami matu inã mã yani wanũbũ penaya misi itxapari matu inãriashanikiki. Mã nukuki ha ibiaya nukurã, nũ hawamaki. Hakia nukuki ha ikama nukũ mekenika Senhor Deuski mã ha ikaii— hatu watã

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Isaías 1:2

Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.

Isaías 63:11

Ẽ hatu haska wakubirana Israelbũ hatũ shenipabu Moisĩ hatu merabewakĩ Egito anua tashnimani habũ shinaĩ hatumebi yuka ikĩ: ‘Ha Moisés hawẽ txashuwã mekenika wakatsi ianẽwã anua neshenirã, hanimẽ, ha Deusrã? Hatũ hawẽ Yushĩ meribi kushipa Moisés inãnirã, hanimẽ?

Isaías 65:2

Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Ezequiel 2:3

ea yuikubaĩkĩ: “Mĩ miaki, hunirã. Ẽ mia yunuai Israelĩ enabu ea hatu yuishũtãwẽ, habũ ẽ hãtxa nĩkakĩ txibaĩsbuma patapabũ ea danaĩ eki sinatamisbu anurã. Hatũ shenipabũ ea danãkĩ taewanikẽ na habiatiãri habũ bababũri ea danãriakubaĩkanikiki.

Ezequiel 2:7

Ẽ hãtxa danãhairai eki sinatamisbũ mĩ hãtxa mia nĩkakanimẽkaĩ, mia nĩkabumabiakẽ habiaskabiakẽ ẽ hãtxa hatu yuikubaĩshãwẽ.

Mateus 22:7

hanua shanẽ ibu sinatahairakĩ hau hawẽ soldadobũ ha sinatapabu tenãtã hatũ mae tibi hau kuabaũtanũbũ hatu yunutã

Hechos 7:42

Haskaibuwẽ taea Deus Israelbuki sinatakĩ nai anua bixi besti hau kẽwãnũbũ ha hatuwẽ nuiai beshtenibukiaki. Haskakubiranibukiri hawẽ hãtxa yuishunika Amós Deusũ hãtxamakĩ yuima: ‘Israelbuũ, hanu tsua hiweabuma anu 40 ano hiweshũ ina awa inũ txashuwã bake deteshũ kua keyubiakĩ earã, ea kẽwãkĩ mã hawa ea inãkĩ ea kẽwãma ikubiranibuki.

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.