Gênesis 30:15 - Kaxinawá Bíblia (BR)

¹⁵ inãkatsi ikama haki sinatakĩ Léiã yuikĩ: —Ha dukũ ẽ bene mĩ ea mebiniki. Ikis ẽ bakẽ bimi batapa ea beshuã mĩ ea mebĩriakatsis ikai?— aka Raquelĩ hawẽ bimi sheanũ ishũ —Haskakenã, na meshu merã hau mibe iki kanũ Jacó ẽ mia anu yunuaii. Haskakẽ mĩ bakẽ bimi mia beshuã ea dabukũ inãriwe— aka haska yubaiwẽ taeshũ inãkẽ

Gênesis 30:15 Referencias Cruzadas

Gênesis 30:14

Hanu shekiwã tsekakĩ meshteaibutiã Léiã bake Rúbenẽ bai anu kashũ sheati bimi batapa betxishũ beshũ hawẽ ewa inãkẽ hanushũ Raquelĩ uĩtã Léia ea akĩ yuikĩ: —Mĩ bakẽ sheati bimi batapa mia beshuanã, eskarabe ea inãwẽ— aka

Gênesis 30:16

hanua bari kaya hawẽ bai anua Jacó huaya Léia ka haki nukushũ yuikĩ: —Ẽ bakẽ sheati bimi ea beshuã Raquel ẽ inãshuwẽ taeshũ ẽ mia yubayushuki. Haskawẽ taea na meshu merã ebe iyuyuwe— aka Jacó nĩkatã hawẽ hiwe anu meshu merã ka habe ishũ txutakẽ

Isaías 7:13

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

1 Coríntios 4:3

Mã ea danã duakabiaiwẽ taea haska bestikiri ẽ xinãyã matũ besti mã ea atiruki, haska mã yura itxapabubetã ea unãti wakatsi ikairã. Emebirã, haskatã ẽ xinã emebi ẽ unãti watirumaki.