Malaquias 2:17 - Kaxinawá Bíblia (BR)

¹⁷ Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Malaquias 2:17 Referencias Cruzadas

Isaías 1:14

Ushe bena tashniaitiã inũ haska itxatã mã pi beyuskũkainairã, mã haskabiakubainaiwẽ taea ẽ matuki txikishtxakayamaii. Mã haskakĩ ea bika tenemai ẽ ana haska tenetirumahairaki!

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 43:22

Jacó enabu mã Israelbu matunã, ea kenakatsi ikama eki txikishi mã ma ea hakimaki.

Isaías 43:24

‘Hawara ininipa peiwẽ bitã mã ea benimawanũ’, ikai ẽ matu yunuama inũ, ha binumakĩ: ‘Yuinaka sheni ea kuashũkãwẽ’, iwanã, ẽ matu hawa yunuamaki. Hamẽ haskama maturã, atimapa tibikĩ ea danãmakĩ txakabukĩ mã ea bika tenemakubainaii.

Isaías 7:13

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

Ezequiel 18:25

Ea ẽ pepa bestiwẽ ẽ matu mekebia matũ shinã txakakĩ mã ea txitemisrã, matu yuinũ nĩkakãwẽ. Matũ yuikĩ: ‘Senhor Deusũ nuku pewakubainamaki’, mã ikaii. Hakia mã Israelĩ enaburã, ẽ eamaki, txakaburã. Hakia ea binumakĩ ea nĩkama mã txakabuwamisbuki.

Amós 2:13

Eã matu kupikĩ ina awã tarãbaĩti shekiwã trigo matahairawashũ bumakĩ tarãbaĩkĩ mai purekĩ mishpu wamabaĩmis keska wakĩ habũ matu txai iyuaibu hanu mã paikainai ha mai ẽ matu pure pure amakubaĩshanaii.

Malaquias 2:14

Hakia: “Haskakĩ nukũ inãkuĩ nami Senhor Deusũ nuku dananaĩ ikimẽkaĩ?” ika mã yuka ikairã. Eskaki, matu yuinũ nĩkakãwẽ. Berunã aĩyãtã hawa heneama habe hiwekũkaĩkatsi mĩ habe yubakabiani mĩ haska habe yubakani habe hiwei ikibi ikama itxakawakĩ putai mimebi mĩ parananaĩ Senhor Deusũ matu uĩkĩ unaĩwẽ taeshũ matu danãkubainikiki.

Malaquias 3:8

eãri matu yukakĩ: ‘Huni parananãkĩ tsuã Deus anua yumetsutirumẽ?’ mã ea wa matu kemakĩ: Txanima mã ea parãkĩ meribi betsa enabiakẽ mã ea yumetsũmisbuki. Haskabia mã ea ana yukakĩ: ‘Hawa mia parãkĩ nũ mia yumetsumismẽ?’ mã ea wa ẽ matu yuiai ea nĩkakãwẽ. Hawara hau ea menushũbũ inũ, matũ bai anushũ ma tseka meribi dízimo ea inãti inũ, ea inãkuĩti enabiakẽ yaushikĩ eskarabes ea inãkĩ mã ea yumetsukubaĩmisbuki.

1 Samuel 2:3

Nukũ mekenika Senhor Deusũ dasibi unãmiswẽ taea hau keĩ tsua hãtxayamakubainũbũwẽ. Haska yurabũ amisbu unãti wakĩ pepawẽ inũ txakabuwẽ mĩ hatu kupimiski.