Hechos 7:51 - Kaxinawá Bíblia (BR)

⁵¹ Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Kashinawa : Diosun Jesúswen taexun yuba bena yiniki

⁵¹ Estebanen Junta Suprema ana jatu yuikubainkin: —Dasibi kushipa Dios jaya mesebiaken matun xenipabu ipaunibu keskai matubudan, matun besu inun, matun juinti inun, matun pabinki kushiken Diosun Yushin Pepatun matu yusinbiakubainaya man ninkaisbumaki, nawabun Dios unanbuma keskadan.

Hechos 7:51 Referencias Cruzadas

Êxodo 32:9

akĩ ana yuikĩ: —Ha yurabu ẽ hatukiri shinainã, mawa huĩti kushihairabu ẽ hatu uiaiĩ.

Êxodo 33:3

Ha mai pakea anu mã kairã, hanu inapã txutxu inũ buna bata hamẽ itxakayamai anu mã piti pepa hayashanai anu bukãwẽ. Hakia earã, ẽ matube kamaki. Minabu patapabube kakĩ bai namakishũ ẽ hatu yamawakatsi ikamaki.

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Ezequiel 2:4

Hamẽ hatũ bakeburã, huĩti kushi inũ bushka kushi shinã betsa wakatsi isbuma anu ẽ mia yunuaii. Kashũ hatu yuikĩ: ‘Senhor Deusũ eska matu yuikiki’,

Números 27:14

Hanu tsua hiweabuma hawẽ kena Zim anushũ ũpash manuhairakĩ yurabu ha ikĩ ũpash matu yukaibũ shabakabi ẽ matu yunubia ea kẽwãkĩ pewama ẽ hãtxa txibãma matũ shinã bestiwẽ shinãkĩ ũpash hatu tueshũkĩ hatu bebũshũ mã aniwẽ taea miari mĩ hari hikitirumariki— akinã, hanu tsua hiweabumanu Zim mae Cades anushũ ha Txatxa Meribá tueimanushũ yuinikiaki.

Hechos 6:10

Deusũ Yushĩ Pepatũ Estêvão unãnepa wakubainaiwẽ taeshũ tsuã Estêvão maemakĩ hãtxawẽ binũtirubumakẽ

Hechos 7:27

ha hatũ hawenabu deteaitũ Moisés tu akĩ shututã yuikĩ: “Mĩ nuku uĩnũ tsuã mia shanẽ ibu wakĩ nukũ pewanika mia waxinamẽ, nuku anurã?

Hechos 7:35

Uatiã ha habias Moisés danãkĩ hawenabũ yuikĩ: “Mĩ nuku uĩnũ tsuã mia shanẽ ibu wakĩ nukũ pewanika mia waxinamẽ, nuku anurã?” abianibu habias Moisés shanẽ ibu wakĩ hatũ merabenã wakĩ hawenabu merabewamakatsi ha nai tsuma hi mashu kui menui keska here hi hi ikai anua hãtxamakĩ Deusũ Moisés yununikiaki.

Hechos 7:39

Haska hatu yusĩkĩ unãmabiakubaina nukũ shenipabũ txibãkatsi ikama Egito anu ana txĩtũkatsis ikĩ Moisés danãkĩ

Hechos 7:9

Hanua ha nukũ shenipabu Israelĩ huni bake betsa José hawẽ betsabũ danaĩ haki sinatakĩ hau tsuma wabaĩ Egito mai pakea anu iyutanũbũ hawẽ taeshũ pei bikĩ nawa betsabu inãbu iyuyamabu harishũ Deusũ duawakĩ José merabewaya

Romanos 2:25

Haska inũ, dasibi hawara Deusũ Moisés judeubũ shenipabu hatu yusĩmani habũ txibãkĩ yuikĩ: “Hawara Deusũ abuai dasibi nũ txibãkubainaii”, ikĩ matũ hina kubitxi mã meshteairã, ha txanima mã pewaii. Hakia habũ matũ hina kubitxi meshtebiatã hawara Deusũ judeubũ shenipabu yusĩni habũ mã txibãma matũ hina kubitxi hamẽ meshtekeyabia mã hawenabu kayabimaki, mã hawẽ hãtxa txibãmawẽ taearã.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Colosenses 2:11

Hamẽ, betsarã, Abraão Deusũ yununi txibãkĩ Deus unãmanũ, iwanã, judeubũ hatũ huni bake kaĩyã hatũ hina kubitxi meshtemisbu keska wakĩ natiã mã judeubumã Cristo mã ikũwaĩbu matu haki dasiwakĩ matũ hina kubitxi meshtea keska wakĩ matũ xinã txakabu inũ matũ beya txakabu Deusũ meshtea keska wakĩ matu putamaniki, xinã betsa wamakinã.