Hebreus 13:1 - Kaxinawá Bíblia (BR)

Ma hawẽ henea yusĩa kene ẽ matu bumai uĩkãwẽ. Jesus matubetã ikũwaĩbube nui heneama hatube abunamei duanamepakekubaĩkãwẽ.

Kashinawa : Diosun Jesúswen taexun yuba bena yiniki

Ma jawen jenea yusian kene en matu bumai uinkanwen. Jesús matubetan ikunwainbube nui jeneama jatube bechipainamei duanamepakekubainkanwen.

Hebreus 13:1 Referencias Cruzadas

João 15:17

Na haska ẽ matu yunuai keska wakinã, habũ ea ikũwaĩ betsabube hatuwẽ nui abunamekubaĩshãkãwẽ— iwanã,

Hechos 2:1

Hanua ana betsatiã judeubu Pentecostes nawai besiaibũ Jesus ikũwaĩbu dasibi hanus itxabũ

Hechos 4:32

Habũ Jesus ikũwaĩbu mirimabũ hatũ xinã habiaskas xinãwẽ xinaĩ habũ mabu tibi yui: “Ena bestiki”, ikama hakia dasibibũ mekubainibukiaki.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Efésios 4:3

Ha Yushĩ Pepatũ matu dasi waiwẽ taea unãnuma hiwei ikũwaĩ dasibibube putanameama haskas hiwekubaĩkãwẽ.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

Hebreus 10:24

Ha inũ, nũ habũ ikũwaĩburã, merabenaĩ abunamei pepai duanamekubainãkãwẽ.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 2:17

Dasibibũ matu yunumisbu hatu nĩkakĩ uĩmakubaĩkãwẽ, matubetã ikũwaĩbube nuinamei inũ Deusũ kuxipaki mesekĩ hawẽ hãtxa txibaĩ inũ Romano shanẽ ibu binuatũ hawẽ hãtxa nĩkatã txibãriakinã.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

1 Pedro 4:8

Matu dasibirã, eska besti ikubaĩkãwẽ. Hawara mã hatubetã kanemis mã nui itxapa hayarã, hawẽri matũ txakabu mã buatiruwẽ taea nuinamei inũ abuname kayabikubaĩkãwẽ.

2 Pedro 1:7

matubetã ikũwaĩbube haibunaĩ beyanamei haska tibiwẽ nuii hiwekubaĩkãwẽ.

1 João 3:23

Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

Apocalipse 2:4

Hakia na bestiwẽ ẽ matu txiteai nĩkakãwẽ. Ha dukũ ea ikũwãkĩ taewakĩ mã ea duahairawakubaini keskama mã ana habias keska ea wamaki.