Gênesis 3:17 - Kaxinawá Bíblia (BR)

huniri yuikĩ: —“Hi bimirã, piyamashãwẽ”, ẽ mia wabiashina mĩ ainẽ hãtxa nĩkatã mĩ pishuki. Haskawẽ taeshũ mai itxakanika ẽ mia washuaiĩ. Bari tibi hiwea mĩ piti mai anua bishũ pi mĩ dayahairapakeshanaii. Mĩ yunu banabia musha inũ txaka maĩ mia benemashũpakeshanikiki. Mĩ mai puturiama mĩ piti pi dayahairai mĩ niskãpakeshanaii. Mai ẽ mia damiwa mĩ mawarã, mĩ ana hawẽri maishanaii— akaya

Gênesis 3:17 Referencias Cruzadas

Gênesis 3:11

—Mĩ tariumarã, tsuã mia yuishumẽ?— atã —Hi bimirã, “Piyamawe”, ẽ mia ashiã mĩ pishumẽ?— aka

Gênesis 3:6

aĩbũ shinãkĩ: —Ha hi bimi piti sharabuki. Hawẽruaki. Hawẽ unãtikiaki— ishũ tsekashũ pishũ hawẽ beneri ma hua inã hatũri pitã

Gênesis 5:29

kenakĩ: “Noéki”, iwanã, “Ha dukũ huni damiwa nĩkamakẽ Deusũ mai yupumaniwẽ taea nukũ daya bikahairakẽ nuku hatũ daya meputakamakĩ huĩrukũmakĩ nuku merabewashanikiki”, ani

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Mateus 22:12

yuikĩ: “Baa, ẽ tari haya nawati haskakĩ mĩ saweama hikiamẽ?” aka dakei hawa hãtxamakẽ

Mateus 25:45

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puibu hawa hayamabiabuwẽ nuiama ewẽri mã nuiama ikubaĩyamabuki”, ẽ hatu washanaii.

Lucas 19:22

hanushũ shanẽ ibũ yuikĩ: “Mĩ ẽ dayaru txakabu txikix txakamaki. Txanima dayakĩ hawa mibã banaumabia ẽ itxawamiski. Ha inũ, heshe sa akamabia ẽ itxawariamiski. Ha unãtã

João 16:33

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Romanos 3:19

Haskakẽ Moisés inũ Deusũ hãtxa yuishunikabũ yusĩni unãhairabianibu: “Mã pepaki”, akĩ Deusũ hatu haskakiri xinãkĩ yuiamaki. Hakia haska yura dasibi mai hirabi anuabũ txakabuwakĩ nũ kanemis nuku unãti washanai dasibibu Deus bebunua nũ hawa hãtxatirumaki.

Hebreus 6:8

Hakia mai betsa anu Deusũ ui imabia yurabũ yunu banaimabu maĩ yumewama txaka inũ musha bestikẽ ha mai txakabu Deusũ danãkĩ yupumisshũ hawẽ henekĩ kuashanikiki. Jesus ikũwãkĩ henetã Deus dayashũtxakaiburã, ha mai keskabuki.