Gênesis 3:16 - Kaxinawá Bíblia (BR)

¹⁶ aĩburi Deusũ yuikĩ: —Mĩ bake kaiaĩ tibi isĩhairawakĩ ana ẽ mia tenemapakeshanaii. Hakia: “Isĩhairaki”, mĩ ibiakĩ mĩ bene betxipai mĩ habe txutanamepakeshanaii, mĩ benẽ mia mekekĩ ibu warã— iwanã,

Gênesis 3:16 Referencias Cruzadas

Gênesis 4:7

yuikĩ: —Ẽ mia yusiã nĩkai mĩ benimashanaii— atã ana yuikĩ: —Ẽ yusiã danaĩ mĩ pepamakẽ txakabu miki hikia sinata paẽ mia atxitã kanemakatsis ikikiki, inu pubeĩ keskairã. Hakia mĩ txakabũ mia maemapaya mĩ txakaburã, nemashãwẽ— aka

Ester 1:20

Hanu mĩ yunubainai anu mĩ shanẽ ibũ hãtxa hau unanũbũ hatu banabimakĩ keyuwe. Haskawẽ taeshũ aĩbu mabuyabu inũ aĩbu mabu hayabuma tibitũ hatũ benẽ hãtxawẽ datekĩ nĩkakubaĩshãkanikiki— aka

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Jeremias 6:24

Jerusalém anushũ yurã kaianẽ yuikĩ: “Mesehaira beai uatiã nũ nĩkashinaki. Datei punu nukai nũ ana hawa kushipa hayamaki. Aĩbu bake kaĩ isĩmis keskai itimaskai nũ isĩ tenehairaii.

João 16:21

Haska inũ, aĩbu tuya bake kaĩkatsi punu nukai xinã txãkaĩsmaki. Hakia kaĩtã: “Peki”, ika benimai isĩ hakimamisbuki.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

1 Coríntios 14:34

huni yusĩnãbũ yusĩkĩ keyuaya hunibũ nĩkatã yuka ikeakeaibũ ha itxabu anua aĩbuaiburi yuka ikatsis ibiai hau hãtxayamanũbũwẽ. Hawẽ benẽ mekeawẽ taea aĩbuaibu hau pes tsaunũbũwẽ, Deusũ Moisés kenemakĩ habiaskari yununiwẽ taearã.

1 Coríntios 7:4

Aĩbũ shebirã, hawenabia hawẽ benenaki. Hanua hunĩ hinarã, hawẽ aĩnenaki. Haskakẽ yauxirabeama hau habe txutanamekubainũbũwẽ.

Colosenses 3:18

Beneyabuũ, matu yununũ nĩkakãwẽ. Ikũwaĩ mã ma nukũ Shanẽ Ibuki dasiniburã, matũ benẽ hawarakiri matu hãtxa wai hawẽ hãtxa txibãkĩ nĩkasama ashũkubaĩkãwẽ.

1 Tesalonicenses 5:3

Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.

1 Timóteo 2:15

Hakia aĩbuaibũ Jesus Cristo ikũwaĩ pe hiwei betsabuwẽ nui duanamekĩ haska Deusũ abuai ashuĩ meribikĩ txibãkubainaiburã, tsuãra bake bitã hatuwẽ nuikĩ pe yumewakubaĩmisburã, Deusũ ha aĩbuaibu mekekubaĩshanikiki.

Tito 2:5

Ha inũ, hau tsua Deusũ hãtxaki hãtxa txakabuyamanũbũ hatu yusĩkĩ haska hatũ xinã pe meketirubukiri inũ, ibubis hatũ yura pe meketirubukiri inũ, hatunabu inũ hatũ mabu tibi hiwe anu pe dayakĩ meketirubu inũ, hawara pepabu abutirubu inũ, hatũ benebe hãtxawẽ binunametirubuma txipaxbu yusĩkĩ mĩ hatu unãmariatiruki.