Ha dikabi ha shabatianã, matũ dayarubu hunibu inũ aĩbuaibu anu ẽ Yushĩ Kushipa ẽ hatuki buteriashanaii.
Gálatas 3:28 - Kaxinawá Bíblia (BR) Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ. Kashinawa : Diosun Jesúswen taexun yuba bena yiniki Jaskai man yuda bestichai keskaki. Judiobu kasmai judiobuma inun, tsumayabu kasmai tsumabuuma inun, junibu kasmai ainbuaibu shinanma jakia man Jesucristo ikunwainbu besti dasibi man yuda bestichai keska man jaki dasia shinankubainkanwen. |
Ha dikabi ha shabatianã, matũ dayarubu hunibu inũ aĩbuaibu anu ẽ Yushĩ Kushipa ẽ hatuki buteriashanaii.
Nenu besti enabumaki, na txashuwã kene anuarã. Hakia txashuwã betsaburi Deusũ ea ma yununiki. Israelbumabiakẽ haturi ẽ mekekubaĩshanaii. Ẽ hui nĩkaibu txashuwã shukua bestitxai mekenika bestitxaiya keska Israelbũ ea ikũwaĩbube Deusũ enabu dasibi ea iweshũshãkanikiki, hatuki dasi wakinã.
Na haska yunuirã, habu bestikiri ikama hakia Deusũ bakebu pashka hiweakeakeabu habũ ikũwaĩbu dasibi itxawashanũ ika merabewai Jesus nuku mawashũshanai
Natianã, ma mia anu ẽ mibe iki kaii. Na mai anu ẽ ana hatube hiwekũkainamaki. Hakia enaburã, na mai anu hatube hiweyukubaĩkanikiki. Haskawẽ taeshũ Epa meribi pepa bestituũ, mĩ kena kuxipawẽ ea hatu mekeshũshãwẽ, ha kena kuxipa mĩ ea inãniwenã, nũ pashkama keskariai hau haburi pashkamari iriakubaĩshanũbunã.
Tsuabũra Deusũ kakape nĩkatã ikũwaĩbu Deusũ habũ txakabu buakĩ ana xinãma hawẽ kuxipa paewẽ hawenabu hatu wamisshũ mekepakeshanikiki. Haskawẽ taea ha dukũ judeu hatiribũ ikũwãkĩ taewanibuki. Hanushũ ha katxu judeubuma betsabũri ikũwãriakanikiki. Haskakẽ Deusũ kakape Jesus Cristokiri yuikĩ datã akĩ hawa hawẽ dakeama ẽ hatu yusĩkubainaii.
Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.
Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.
Haska inũ, mĩ benẽ ikũwãmabiakẽ mĩ ma habe biakananiwẽ taeshũ Deusũ mia danãma hakia mĩ ikũwaĩwẽ taeshũ mĩ benẽ ikũwãtirukẽ duawaikiki. Habiaskari wakĩ mĩ aĩnẽ ikũwãmabiakẽ Deusũ danãma hakia mĩ ikũwaĩwẽ taeshũ mĩ aĩnẽ ikũwãtirukẽ duawariaikiki. Huni inũ aĩbũ Jesus ikũwãbumã bake yumeriabumarã, meribi pepatirubumaki. Hakia hunĩ Jesus ikũwaĩ kasmai aĩbũ ikũwaĩ kasmai ha dabe bakeya hatũ bake yumeriamarã, Deus hatuwẽ nuiaya habũ bakẽ ikũwãtiruki, Deusũ duawaiwẽ taeshunã.
Judeubũ beya txibãkĩ nũ hina kubitxi meshtemis inũ judeubũ beya txibãmarã, nũ haskai hiwekĩ Deus benimawatirumaki. Hakia Deusũ hãtxa besti txibãkĩ nũ Deus benimawatirubuki.
Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.
ẽ yura ẽ isĩ tenei atimapakĩ matu unãti wamabia mã ea hawa danãma Deusũ nai tsuma keska ea wai ewẽ benimai Jesus Cristo kayabi keska wakĩ mã ea duawaimaki.
Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.
Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.
Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ tsuabura Éfeso mae ewapa anuabu Deusũ hawenabu meribi matu wani mã habũ ikũwaĩ Jesus Cristobe ketashamei mã haki dasia xinãkĩ ẽ hãtxa ẽ matu bumai uĩrakãwẽ.
Maturã, habias yura matu wakatsis ikĩ Deusũ matu kenanishũ habias Yushĩ Pepa matu inãtã hawẽ kuxipawẽ habias hiwekuĩa matu manakamaikiki, Jesus mã ikũwaĩburã.
Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.
Matukiria kaka huai ẽ nĩkamiski, mã Jesus Cristo ikũwaĩ nukubetã ikũwaĩbu betsa hatube abunamei mã hatuwẽ nuimis nĩkairã.
Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.
Nukũ Shanẽ Ibu Jesus Cristõ ekiri pe xinãkĩ ẽ txĩtũtiruma xinãkĩ ea duawakĩ hawẽ daya ea yununiwẽ taeshũ txanima hatũ ea kuxipa wa ẽ kẽwãkubainaii.
Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.