Gálatas 3:27 - Kaxinawá Bíblia (BR)

²⁷ Haska inũ, mã Cristo ikũwãkĩ hatu unãti wamanũ ikaya matu naximabu mã tari sawemis keska wakĩ Cristoki dasikĩ mã ma tari sawekĩ akawaniki.

Kashinawa : Diosun Jesúswen taexun yuba bena yiniki

²⁷ Jaska inun, man Cristo ikunwankin jatu unanti wamanun ikaya matu nashimabu man tadi sawemis keska wakin Cristoki dasikin man ma tadi sawekin akawaniki.

Gálatas 3:27 Referencias Cruzadas

Jó 29:14

Ẽ hãtxawẽ ẽ tsua parãma inũ, ẽ yunuti kushipa pepa bestiwẽ taeshũ ea duawabu haska uĩ ẽ hiwekũkainimaki.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Lucas 15:22

nĩkama hawẽ epã hawẽ dayarubu yunukĩ yuikĩ: “Tari pepa hawaira bitãshũ sawemakãwẽ. Ha inũ, meitxikiti sawematã bitxi tae sawemariakãwẽ”, iwanã,

Hechos 16:15

hanushũ habubetã hawẽ hiwetãshũ ikũwaĩbuwẽ taeshũ unãtã nũ hatu naximakĩ keyua Lídiã nuku yuikĩ: —Txanima nukũ Shanẽ Ibu Jesus ẽ ikũwaĩ mã ea xinaĩnã, ẽ hiwe anu iyui bekãwẽ— akĩ nuku ea akĩ ana nuku ena wanũ ikaya —Peki— itã hari ka nũ habe hiweyuniki.

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 9:18

hakimamari hawaira Saulõ beru anua baka shaka keska niri ikaya ana uĩ pewatã benikaĩ ma hatubetã Jesus ikũwãyã naximatã iyushũ pimabu ana kuxipatã usha eskarabes Damasco anua ikũwaĩbube hiweyunikiaki.

Romanos 13:14

Ana haska txakabu tibi xinãkĩ akama nukũ Shanẽ Ibu Jesus Cristoki dasitã hawẽ kuxipawẽ kuxipakĩ hawẽ bai kayatapia besti txibãkubainãkãwẽ, txakabuwẽ besti pepamarã.

1 Coríntios 10:2

Hanua Deusũ hatu yunua kuĩ pueaiwẽ inũ, Iãnewã Taxipa pukeaibuwẽ ha dabewẽ taea dasibibu Moiséski hau txiti inũbũ Deusũ hatu naximabainikiaki.

1 Coríntios 12:13

Habiaskari wakĩ nũ habũ ikũwaĩ tibi judeubu inũ judeubuma inũ, escravo dayaru inũ tsuã dayarumã nũ Jesus ikũwãyã nuku duawakĩ habias Yushĩ Pepa Deusũ ma nuku inãkeakekẽ ikũwaĩ betsabuki dasinũ nũ ikaya henewẽ nuku naximabu ha Yushinĩ nukũ yura bestitxai keska wamiski.

Efésios 4:24

Matũ hiwea bena tari bena sawea keskakĩ matũ yushĩ bena wakĩ Deusũ matu damiwani hawẽ Yushĩ keskarikãwẽ. Haska txakabu pashkatã meribikũkaini mã hiwea pepaswẽ txanima hãtxa besti txibãkubaĩshanaii.

Colosenses 3:10

Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.