Gálatas 3:26 - Kaxinawá Bíblia (BR)

²⁶ dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Kashinawa : Diosun Jesúswen taexun yuba bena yiniki

²⁶ dasibi man Jesucristo ikunwain man ma Diosun bakebuken jatun besti matu mekekubainikiki.

Gálatas 3:26 Referencias Cruzadas

João 1:7

hawẽ Xinaĩ Hãtxatikiri hau dasibibũ nĩkakĩ ikũwãshanũbũ bebũkiri hatu yui huniki, Joãonã.

João 20:17

Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:19

Mai hirabiki dasibi habu Deusũ damiwani: “Haratu hawẽ bakebu kayabimẽkaĩ?” ishũ shabakabi uĩkatsis ikĩ hĩ hĩ itxakayamakĩ manakanikiki.

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

2 Coríntios 6:18

matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Gálatas 4:14

ẽ yura ẽ isĩ tenei atimapakĩ matu unãti wamabia mã ea hawa danãma Deusũ nai tsuma keska ea wai ewẽ benimai Jesus Cristo kayabi keska wakĩ mã ea duawaimaki.

Gálatas 5:24

Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Efésios 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ tsuabura Éfeso mae ewapa anuabu Deusũ hawenabu meribi matu wani mã habũ ikũwaĩ Jesus Cristobe ketashamei mã haki dasia xinãkĩ ẽ hãtxa ẽ matu bumai uĩrakãwẽ.

Efésios 1:5

nuku mebikinãshũ hawenabu nuku washanũ, iwanã, bebũkiri Jesus Cristowẽ hawẽ bakebu nuku wakatsi hawẽ duapawẽ nuku katuniki, hawẽ xinã nuku inã nũ ikũwãshanũbunã.

Efésios 5:1

Matubu mã Deusũ bakebu kayabi pepabunã, haska Deusũ abuai haska besti txibãkĩ mawakubaĩkãwẽ.

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Filipenses 1:8

Haska inũ, matube dasibi haibunaĩ nũ pekubainiburã, Deusũ nuku unaĩkiki, Jesus Cristõ nui duapa ea inã ẽ matu ashuniwẽ taea matukiri ẽ hakimaismaki.

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

Colosenses 1:4

Matukiria kaka huai ẽ nĩkamiski, mã Jesus Cristo ikũwaĩ nukubetã ikũwaĩbu betsa hatube abunamei mã hatuwẽ nuimis nĩkairã.

Colosenses 2:6

Haskakẽ mã ma Jesus Cristo ikũwãkubainaiburã, matũ Shanẽ Ibu Cristo hiweshunirã, haska abuai keska ishũkubaĩkãwẽ.

Filemom 1:1

Ẽ Paulo Jesus Cristokiri kakape ẽ yusĩbaunai ea nemakĩ beshtenũ ishũ ea bitxikĩ akawanibu inũ nukũ betsa Timóteobetã mĩ nukube dayamis nukũ haibu pepa Filemoom, ẽ mia keneshũ bumaii,

Filemom 1:9

haskakiri ẽ mia xinãma hakia nui nũ haibunameaiwẽ taeshũ ẽ mia ea akaii. Earã, ẽ ma mestebuaii. Haskabiakẽ Jesus Cristo ẽ dayashũkũkainaiwẽ taeshũ natiã ea bitxikĩ akawashũ ea meneshimabuki.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.