Ester 9:20 - Kaxinawá Bíblia (BR)

Haska hatuki sinataibu Judeu nawabũ hatu maemashinabukiri Mardoqueũ hawẽ kenenikabu unaki hatu kenematã hanu Assuerõ yunubaunai anu província tibi inũ shanẽ ibu benãta hiweabu inũ txaima hiweabu hatu bumanikiaki,

Ester 9:20 Referencias Cruzadas

Ester 1:1

Ha baritiã maewã mishki kenebaunibu kushipahaira hawẽ kena Susã anu hiweshũ ha mai pakea tibi bari huaikiri Índia anu paketani bari kaikiri inũ sulkiri Etiópia anu depia ha dasibi 127 província atxi keyua dasibi shanẽ ibuhaira Assuerõ hatu yunukubaini haska wakĩ hatu dasibi mekekubainikiri matu yuikĩ unãmanũ ea nĩkakãwẽ.

Ester 1:22

hanu Assuerõ yunubaunai anushũ haska pe shinãkĩ yuikĩ tsuabura hatũ hiwe anu hiweabu huni tibitũ haska betxipaiaibu hau yunukubaĩshanũbũ hatu yunukĩ shukuabu tibitũ hãtxa, haska hatũ hãtxa kenemisbuwẽ Assuerõ yunuti hãtxa hatu kenemashũtã província tibi anu hawẽ shanẽ ibu beshmasbu hatu buma akeakenibukiaki.

Ester 3:12

kaĩkaĩ ha habias shabatiã ushe ha dukũ Nisã shaba 13tiã shanẽ ibuhairatũ keneshunika itxapa kenakĩ Hamãnẽ hatu itxawashũ maewã yununika tibi inũ, província yununika tibi inũ, yura shukuabu shanẽ ibubu tibi hawẽ yunuti hãtxa hau hatu kenenũbũ Hamãnẽ hatu yunua província tibi inũ, yura shukuabu tibitũ hãtxa inũ, haska kenemisbuwẽ Hamãnẽ yunuti hãtxa keneabu shanẽ ibuhaira Assuero hawẽ kena keneshũkĩ shanẽ ibuhairatũ meitxikiti kenayawẽ kene tibi Hamãnẽ netãkĩ tsamĩpakekĩ keyutã

Ester 8:9

ushe 3tiã hawẽ kena Sivã shaba 23tiã shanẽ ibuhairatũ keneshunikabu hawaira Mardoqueũ hatu kena bei itxashũ maewã bari huaikiria Índia anua taekirana 127 província bari kaikiri inũ sulkiri Etiópia anu depia hanu Assuerõ hatu yunumis anu hiweabu Judeu nawabu shukuabu tibi inũ, maewã yununikabu tibi inũ, província yununikabu tibi inũ, yura shukuabu betsa betsapa shanẽ ibubu tibi hau hatu bushũtanũbũ habũ hãtxa inũ haska kenemisbuwẽ Mardoqueũ yunuti bena hatu kenemabu

Ester 9:19

hakia mae hatiubuma inũ mae kenekauana hayabuma anu Judeu nawabu hiweabu ushe Arartiã shaba 14tiã benimakĩ piti mirima pewatã pi besikĩ hatũ hamapai inananãbukunibukiaki.

Ester 9:21

ano tibi ushe Arartiã shaba 14 inũ shaba 15tiã hau besikubaĩshanũbũ hatu yunukinã.

Ester 9:26

Haskawẽ taeshũ ha shabatiã hatu maematã benimanibu shinãkĩ hanu besiti beya kenakĩ: “Purimki”, anibukiaki. Mardoqueu bika tenei hiwekũkaĩkĩ hawara uĩmawẽ taeshũ Mardoqueũ kene uĩ: “Txanimaki”, ishũ

Ester 9:27

hamebi inũ hawenabu pakubaĩshanaibu inũ Judeumabia hatũ beya txibãkĩ ibubis txani: “Nũ Judeu nawabuki”, ikubainaibu ano tibi ha shaba dabetiã anu haska Mardoqueũ hatu yusĩma txibãkĩ hawa hakimama Purim besiti beya hau akubaĩshanũbũ Judeu nawa shanẽ ibu dasibibũ hatu yusinikiaki.

Ester 9:29

Hanushũ shanẽ ibuhairatũ aĩ kayabi Abiailĩ bake Ester inũ Judeu nawa Mardoqueũ besiti Purimkiri hãtxa kushipa mesewẽ ha dukũ keneima hau txibãpakeshanũbũ ana ha katxu kenekĩ

Êxodo 17:14

Txipu Senhor Deusũ Moisés ana yuikĩ: —Mai hirabi anu Amaleque nawabukiri shinãtima wakĩ ẽ tere akĩ keyushanaii. Habias hãtxa hawẽ hatu shinãmati una anu kenetã Josué yuikĩ unãmawe— aka