29 Hanushũ shanẽ ibuhairatũ aĩ kayabi Abiailĩ bake Ester inũ Judeu nawa Mardoqueũ besiti Purimkiri hãtxa kushipa mesewẽ ha dukũ keneima hau txibãpakeshanũbũ ana ha katxu kenekĩ
Mardoqueũ epa betsa Abiailĩ aĩbu bake Ester hau hari Assuero anu katanũ hawẽ merabewanikabũ Ester pewakubainaibũ Esterĩ dasibibu hatu pe shinãmakubainaiwẽ taeshũ aĩbuaibu bebũkiri haska iki kai hatũ mekenika Hegaĩ yunua besti Ester habe iki kaya
kene tibiki shanẽ ibuhairatũ kena “Assuero” Mardoqueũ keneshũ shanẽ ibuhairatũ meitxikiti kenayawẽ netãpakekĩ keyushũ shanẽ ibuhairatũ cavalo mirima anua kushibaĩmisbu katuabu ha cavaloki katsaumebaĩkĩ kene tibi bushũ hau hatu inãbaũtanũbũ Mardoqueũ hatu yunua buabu
Haska hatuki sinataibu Judeu nawabũ hatu maemashinabukiri Mardoqueũ hawẽ kenenikabu unaki hatu kenematã hanu Assuerõ yunubaunai anu província tibi inũ shanẽ ibu benãta hiweabu inũ txaima hiweabu hatu bumanikiaki,
ano tibi ushe Arartiã shaba 14 inũ shaba 15tiã hau besikubaĩshanũbũ hatu yunukinã.
Judeu nawabu dasibi inũ hatunabu pai hiwekubaĩshanaibu hau hatũ shinã hakimayamanũbarinũbũ Judeu nawabu shukuabu tibi inũ, província tibi inũ, maewã tibi anu hiwebaunabu pakubaĩkĩ habias shaba dabetiã shinaĩ Purim besikubaĩmisbuki.