Ester 9:19 - Kaxinawá Bíblia (BR)

¹⁹ hakia mae hatiubuma inũ mae kenekauana hayabuma anu Judeu nawabu hiweabu ushe Arartiã shaba 14tiã benimakĩ piti mirima pewatã pi besikĩ hatũ hamapai inananãbukunibukiaki.

Ester 9:19 Referencias Cruzadas

Ester 8:17

hanira província tibi inũ mae tibi inũ hiwebaunabu anu shanẽ ibuhairatũ yunuti bei hikiabu yununikabũ hatu banabimabuwẽ taea Judeu nawabu benima txakayamai piti washũ pi besibaunaibũ ha dikabi Judeu nawabũ hatu maematã hamapai sharabu haya hatu mebĩtirubuwẽ taea hatuwẽ datei nawa betsa betsapabia: “Nũ Judeu nawaki”, ikubainibukiaki.

Ester 9:20

Haska hatuki sinataibu Judeu nawabũ hatu maemashinabukiri Mardoqueũ hawẽ kenenikabu unaki hatu kenematã hanu Assuerõ yunubaunai anu província tibi inũ shanẽ ibu benãta hiweabu inũ txaima hiweabu hatu bumanikiaki,

Ester 9:22

Ha shaba dabetiã hatuki sinataibu Judeu nawabũ hatu maemakĩ yamawatã habias ushe punu nuka datei kasha txakayamabiashinabu maĩ beshteketã habu benimakĩ besi taewabainibukiaki, ha shaba dabetiã inananãbukũkĩ ha dikabi nuitapaibu merabewakĩ hatu inaĩ benimai Judeu nawabu dasibi hau besikĩ pikubaĩshanũbũ hawa henetima wakinã.

Lucas 11:41

Ha inũ, ha dukũ matũ xinã pewatã Deus duawakatsi ikĩ yauxiama nuitapaibu inãkuĩ mã pepakũkaĩshanaii.

Apocalipse 11:10

Deusũ hãtxa yuikĩ habũ hatu ha akaibu ma mawabuwẽ taea mirimabu mai anu hiweabu benimai xinã txãkaĩ hatũ haibuaibube hatũ hamapai hamẽ inãnãnaĩbũ