Ester 9:27 - Kaxinawá Bíblia (BR)

²⁷ hamebi inũ hawenabu pakubaĩshanaibu inũ Judeumabia hatũ beya txibãkĩ ibubis txani: “Nũ Judeu nawabuki”, ikubainaibu ano tibi ha shaba dabetiã anu haska Mardoqueũ hatu yusĩma txibãkĩ hawa hakimama Purim besiti beya hau akubaĩshanũbũ Judeu nawa shanẽ ibu dasibibũ hatu yusinikiaki.

Ester 9:27 Referencias Cruzadas

Ester 8:17

hanira província tibi inũ mae tibi inũ hiwebaunabu anu shanẽ ibuhairatũ yunuti bei hikiabu yununikabũ hatu banabimabuwẽ taea Judeu nawabu benima txakayamai piti washũ pi besibaunaibũ ha dikabi Judeu nawabũ hatu maematã hamapai sharabu haya hatu mebĩtirubuwẽ taea hatuwẽ datei nawa betsa betsapabia: “Nũ Judeu nawaki”, ikubainibukiaki.

Ester 9:20

Haska hatuki sinataibu Judeu nawabũ hatu maemashinabukiri Mardoqueũ hawẽ kenenikabu unaki hatu kenematã hanu Assuerõ yunubaunai anu província tibi inũ shanẽ ibu benãta hiweabu inũ txaima hiweabu hatu bumanikiaki,

Ester 9:21

ano tibi ushe Arartiã shaba 14 inũ shaba 15tiã hau besikubaĩshanũbũ hatu yunukinã.

Ester 9:28

Judeu nawabu dasibi inũ hatunabu pai hiwekubaĩshanaibu hau hatũ shinã hakimayamanũbarinũbũ Judeu nawabu shukuabu tibi inũ, província tibi inũ, maewã tibi anu hiwebaunabu pakubaĩkĩ habias shaba dabetiã shinaĩ Purim besikubaĩmisbuki.

Isaías 2:3

Sião anu Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu nũ mapekenũ bekãwẽ, Jacó mekenika Senhor Deusũ kẽwãti hiwe anurã. Harishũ hawẽ pe hiweti shinãkiri nuku yusiãbu ha bai keska hawẽ yusiã txibãkĩ tapĩ nũ pepashãkanaii”, ika bebirã bebirãshãkanikiki.