Esdras 6:22 - Kaxinawá Bíblia (BR) Israelĩ enabu mekenika Deus kẽwãti Templo hau bena wanũbũ Pérsia nawa shanẽ ibuhairatũ hatu betxipaikĩ hatu merabewakubainimawẽ taea Judá enabu benimahairakĩ 7 shaba binui ana ha katxu besikĩ misi shashawatiuma ashĩshũ benimakĩ pikubainibukiaki. |
Pérsia nawa shanẽ ibuhaira Cirõ hatu shanẽ ibushuni taekaĩkĩ ano bestitxai yunukĩ taewabaĩkĩ haska Senhor Deusũ hãtxa yuishunika Jeremias Deusũ yuimani keska hau Cirõ ashanũ Deusũ hawẽ shinã unãmaiwẽ taeshũ shanẽ ibuhaira Cirõ hawẽ yunuti hãtxa hau dasibibũ nĩkanũbũ hãtxawẽ hatu yuitã keneri hatu buma akeakekĩ Cirõ hatu yuikĩ:
Babilônia anushũ hanu una mekekĩ arumisbu anua hau ha una Judá enabukiri Cirõ hatukiri keneshũ arumani hau benakĩ betxishunũbũ Pérsia nawa shanẽ ibuhaira Dariõ hawẽ tsumabu yunua
Eskawẽ taeshũ Esdrasĩ Deus kẽwãkĩ yuikĩ: “Nukũ shenipabũ mekenika Senhor Deusuũ, mĩ pepahairaki. Jerusalém anu mĩ kẽwãti hiwe ana atimapa uĩkatsi ikama hau pewanũbũ Pérsia nawa shanẽ ibuhairatũ shinã mĩ pe shinãma hatu yunua akimabuki.
Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.
Haska shanẽ ibuhairatũ shinãkĩ atirurã, Senhor Deusũ kushipawẽ haska betxipaiai amamiski, hawẽ shinã hene bai tapia keska washũkinã.
ha bari Páscoa besi taemisbutiã habianuri misi shashama pikubaĩmisbutiã ikaya, hanushũ nũ hawẽ tsuma betsabũ Jesus yukakĩ: —Hani kashũ nawakĩ bari kaya piti bawakĩ mia pewashũtãpa?— akabu
haska yuiai nĩkatã atimas Jesusũ kemakĩ: —Deusũ dasibi damiwanitũ mia kuxipa yunuama ekiri mĩ kuxipa hayama ikeanaii. Haskakẽ habũ ea atxishũ mianu yunushũ ea nitxiãbunã, habũ txakaburã, mina binuabuki, Deus sinatamakinã— aka