João 19:11 - Kaxinawá Bíblia (BR)

¹¹ haska yuiai nĩkatã atimas Jesusũ kemakĩ: —Deusũ dasibi damiwanitũ mia kuxipa yunuama ekiri mĩ kuxipa hayama ikeanaii. Haskakẽ habũ ea atxishũ mianu yunushũ ea nitxiãbunã, habũ txakaburã, mina binuabuki, Deus sinatamakinã— aka

Kashinawa : Diosun Jesúswen taexun yuba bena yiniki

¹¹ jaska yuiai ninkatan atimas Jesúsun kemakin: —Diosun dasibi damiwanitun mia kushipa yunuama ekidi min kushipa jayama ikeanaii. Jaskaken jabun ea achixun mianu yunuxun ea nichianbunan, jabun chakabudan, mina binuabuki, Dios sinatamakinan— aka

João 19:11 Referencias Cruzadas

Daniel 4:17

Deus kushipahaira dasibi hatu binuatũ yurabu tsumashũ tsuara shanẽ ibubu wakatsi ikĩ ibubis katutiruki, yura shukua betsa anu huni hawauma hatu shanẽ ibu wamiski, hatu yunukubaĩti wakinã. Na kupiti hiweabu dasibibũ hau tapĩshanũbũ hawẽ nai tsuma meribibu yununiwẽ taeshũ ha nai tsuma uinikatũ mekenikabũ nũ mia ma banabimaii, ea wa ẽ nĩkashinaki.

Daniel 4:25

Mĩ shanẽ ibubiakẽ txai tari yurabu pashkatã mĩ hiwenũ mia nitxiãbu inabube hiweshũ ina awa keskakĩ basi mĩ pikubaĩshanaii, basnũmã mĩ yura txa akubainarã. Deus kushipahaira dasibi hatu binua yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis mĩ tapĩriama yuinaka keskai 7 ano hiwekũkaĩkĩ atimas tapĩtã mĩ unãshanaii.

Daniel 4:32

Tari mĩ benãta hiwenũ minabũ mia nitxĩshãkanikiki. Inabube hiweshũ ina awa keskakĩ basi mĩ pikubaĩshanaii. Deus kushipahaira dasibi hatu binuatũ yurabu shukuabu tibi manibaunabu yunukĩ tsuabura shanẽ ibu wakatsi ikĩ ibubis katutiru mĩ tapĩriama yuinaka keska 7 ano hiwekũkaĩkĩ atimas tapĩtã mĩ unãshanaii”, akaya

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Daniel 5:21

hau tari hiweyukũkaĩshanũ nitxiãbu dami betsai yuinaka keskai jumento inamabe hiweshũ ina awa keskakĩ basi pikubaini basnũmã hawẽ yura txa akubaina Deus kushipahaira dasibi hatu binuatũ yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis tapĩriama yuinaka keskai hiwekũkaĩkĩ atimas mĩ hutxĩ tapĩkĩ unaniki.

Mateus 26:65

Deusbe nukunabu hãtxashunika shanẽ ibuhaira haki sinatahairakĩ hawẽ tima tari uxnitã yuikĩ: —Deus itxaikiki. Ana hatira hãtxai ẽ nĩkakatsi ikamaki.

Mateus 27:2

Jesus meneshshũ Romano shanẽ ibu Pôncio Pilatos anu iyuaibũ

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

Marcos 14:44

Jesuski nukuyukĩ Judas Iscariotẽ bebũkiri hatu yubakĩ yuikĩ: —Ha ẽ tãtsu akairã, haki. Atxishũ iyukãwẽ— hatu abirãshuwẽ taeshũ

João 18:13

iyukĩ ha dukũ hatũ shanẽ ibu Anásĩ hiwe anu iyuabũ hawẽ dais Caifás na bari bestitxai Deusbe nukunabu hãtxashunika shanẽ ibuhairatũ

João 18:3

hari hatu iyui Deusbe nukunabu hãtxashunika shanẽ ibubu inũ fariseububetã hatu yunuabu hatiri Templo mekenikabu inũ Romano soldadobu shuku betsa Judasĩ hatu iyua hatũ detetiya mesebaini bĩ dekutã txasha dakabainaibũ

João 19:10

haki sinatakĩ Pilatõs ana yuikĩ: —Mĩ ea ana hãtxa wamamẽ? Ẽ kuxipawẽ hawa wama ẽ mia nitxĩtiru inũ ẽ kuxipawẽri ẽ mia hatu mastamatiru, mĩ unãmamẽ?— aka

João 3:27

Joãonẽ hatu yuikĩ: —Huni betsa Deusũ yunuama shanẽ ibu kayabi itirumaki.

João 7:30

hanua haskaiwẽ taeshũ atxinũ ishũ xinãbiaibũ hanu mawashanai kemariamawẽ taeshũ tsuã meabuma iniki.

João 9:41

Jesusũ hatu yuikĩ: —Deusũ yusĩa unãriama matũ txakabuwẽ mã kaneama ikeanaii. Hakia yuikĩ: “Nũ Deus unaiĩ”, ikĩ hawa nĩkama mã kaneaii— hatu watã,

Hechos 2:23

Haska yubakani Deusũ ha huniwẽ abainai xinãma haska wai beshtenũ, iwanã, matũ hawẽ bake danãkĩ haki yubakatã hatu atximatã tenãmanũ, iwanã, huni txakabu mã hatu mastamaimaki.

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

Hechos 4:28

Haska dasibi bebũkiri mĩ hakiri yubakani hau haska wai bunũbũ mĩ yuinirã, txanima haska keskarã, habunã, ma akimabuki.

Romanos 11:36

Haskakẽ betsa tukama tibi Deusũ damiwanirã, hawenaski. Hawẽ kuxipawẽ dasibibu maniabuki. Dasibibu ha hiweabuwẽ Deus benimakũkaĩshanũ, iwanã, habu tibi damiwaniki. Haskakẽ kẽwãkĩ heneyamakubainãkãwẽ, Deusrã. Haskakirã.

Romanos 13:1

Ẽ betsabu inũ ẽ puibuũ, unãnuma nũ hiwenũbũ haska huni kuxipabu matũ shanẽ ibubu mã nĩkakubainũbũ matu yusĩnũ nĩkakãwẽ. Haska Deusũ amis habũ unãbumabiakẽ dasibi shanẽ ibu betsa betsapa mai anua katushũ Deusũ hawẽ kuxipawẽ hatu yunukĩ mistukubaĩmiski. Haskawẽ taeshũ hatũ yusĩa txibãkĩ hatũ yunuti inũ hatũ nemati dasibibũ nĩkakĩ hau txibãkubainũbũwẽ.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Santiago 4:17

Haskawẽ taeshũ tsuabũra hawara pepa Deusũ abumis unãbiakĩ mã akamarã, txakabukĩ Deus mã pashkaii.