Esdras 1:1 - Kaxinawá Bíblia (BR)

¹ Pérsia nawa shanẽ ibuhaira Cirõ hatu shanẽ ibushuni taekaĩkĩ ano bestitxai yunukĩ taewabaĩkĩ haska Senhor Deusũ hãtxa yuishunika Jeremias Deusũ yuimani keska hau Cirõ ashanũ Deusũ hawẽ shinã unãmaiwẽ taeshũ shanẽ ibuhaira Cirõ hawẽ yunuti hãtxa hau dasibibũ nĩkanũbũ hãtxawẽ hatu yuitã keneri hatu buma akeakekĩ Cirõ hatu yuikĩ:

Esdras 1:1 Referencias Cruzadas

Esdras 1:5

Jerusalém anu bushũ Senhor Deus kẽwãti hiwe hau ana benawai bunũbũ Deusũ hatu shinã betsa wamakĩ benimawakubainaya kanũ ika shinã txãkaĩ Judá enabu shanẽ ibu itxapa hawenabuya inũ, Benjamimnẽ enabu shanẽ ibu itxapa hawenabuyari inũ, hawenabu Deusbe hãtxashunikabu inũ, Levĩ enabu shanẽ ibu itxapa hawenabuyari bunũ, iwanã, dasibibu hiwebaunabũ hatũ mabu pewakubainaibũ

Esdras 6:14

Haska wakinã, Deusũ hãtxa yuishunika dabe Ageu inũ Idõ huni bake Zacariasĩ haska bebũkiri Deusũ hatu yuimaima keska txibãkĩ hau dayakubainũbũ Judá enabu dayarubu yununikabũ hatu yunukubainabu Deus kẽwãti Templo bena wakubaĩkĩ haska Israelĩ enabu mekenika Deusũ hatu yunuima inũ haska Pérsia nawa shanẽ ibuhairabu Ciro inũ Dario inũ Artaxerxesĩ hatu yunukubainabu txibãkĩ akubainaibũ

Esdras 6:22

Israelĩ enabu mekenika Deus kẽwãti Templo hau bena wanũbũ Pérsia nawa shanẽ ibuhairatũ hatu betxipaikĩ hatu merabewakubainimawẽ taea Judá enabu benimahairakĩ 7 shaba binui ana ha katxu besikĩ misi shashawatiuma ashĩshũ benimakĩ pikubainibukiaki.

Esdras 6:3

“Shanẽ ibui taeima ano bestitxai kakĩ shanẽ ibuhaira Cirõ eska hawẽ yunuti hãtxa hatu kenemakĩ: ‘Jerusalém anu hawẽ Deus kẽwãti hiwekiri matu yununũ nĩkakãwẽ. Hanushũ Deus kẽwãkĩ inabu hirabi menukĩ hau keyukubaĩshanũbũ haki tsamabaũti washũ hawẽ kẽwãti hiwe hau ana anũbũwẽ, hawẽ keyatapa 27 metro inũ hawẽ hashpa 27 metrorirã.

Esdras 7:27

Eskawẽ taeshũ Esdrasĩ Deus kẽwãkĩ yuikĩ: “Nukũ shenipabũ mekenika Senhor Deusuũ, mĩ pepahairaki. Jerusalém anu mĩ kẽwãti hiwe ana atimapa uĩkatsi ikama hau pewanũbũ Pérsia nawa shanẽ ibuhairatũ shinã mĩ pe shinãma hatu yunua akimabuki.

Provérbios 21:1

Haska shanẽ ibuhairatũ shinãkĩ atirurã, Senhor Deusũ kushipawẽ haska betxipaiai amamiski, hawẽ shinã hene bai tapia keska washũkinã.

Isaías 44:28

Hanushũ Pérsia shanẽ ibuhaira Ciro yuikĩ: ‘Miarã, mĩ ẽ hatu mekeshunikaki. Dasibi haska ẽ betxipaiai miã mĩ ea ashũshanaii’, akĩ ẽ yunushanaii. Ha inũ, Jerusalém yuikĩ: ‘Miarã, mĩ ana mae benikishanaii’, akĩ ẽ yuishanaii. Ha inũ, Templo yuikĩ: ‘Mĩ mestẽwãti mishki habũ buyabirãshãkanikiki’, akĩ ẽ yuiriashanaii.”

Isaías 45:1

Senhor Deusũ Ciro katukĩ shanẽ ibuhaira watã hawẽ mekẽ yusiuri tsumatã hau mai pakea betsa betsapa maemakĩ hawena watã shanẽ ibu betsa betsapabũ detenameti yamawakĩ hau mebĩshanũ yununikiaki. Hanushũ mae tibitũ beputi Ciro Senhor Deusũ bepẽshũtã hau tsuã ana bepuyamanũbũ nemashũkubainikiaki. Ha haska wanishũ natiã Senhor Deusũ Ciro yuikĩ:

Jeremias 1:1

Hilquiasĩ huni bake Jeremiasĩ yuini inũ akubaini matu yuinũ nĩkakãwẽ. Benjamimnẽ enabũ mai pakea anu mae betsa Anatote anu Jeremias hiweniki. Hawẽ epa inũ hawẽ shenipabu hunibu hawenabu Deusbe hãtxashunikabu ipaunibuki.

Jeremias 29:10

Senhor Deusũ hawenabukiri shinãkĩ Jeremias eska yuimakĩ: “Babilônia anu mã hiwei kani 70 ano mã ma hiwekẽ haska yubakai ẽ matuki tanani ha mae anu ana hari matu imama Jerusalém anu ẽ ana matu txĩtũmai kaii.

Daniel 1:21

Babilônia anu bari itxapa hiwekũkaini Pérsia nawabu shanẽ ibuhaira Cirõ hatu yunu taewabainaya Daniel dayashũriakũkainikiaki.

Daniel 2:1

Nabucodonosor shanẽ ibuhairai ma 2 ano kainaitiã usha namakĩ nama betsa betsapa uĩkubainaiwẽ taea datekĩ shinãhairai ana ushatiruma

Daniel 6:25

hanushũ yurabu dasibi inũ nawa shukuabu betsa betsapa tibi inũ hãtxa betsa betsapawẽ hãtxamisbu mai hirabi anu hawẽ yunuti hãtxa hatu bumakĩ shanẽ ibuhaira Dariõ hatu kenemakĩ yuikĩ: “Hawa nuitapama unanuma hiwei mã mabuyakũkaĩshanũ haska ẽ matukiri shinaiĩ.

João 1:23

hanushũ Naximanika Joãonẽ hatu yuikĩ: —Haskakiri Deus hãtxashunika Isaíasĩ keneni keskarã: “Hanu tsua hiweabumanushũ hãtxa kuxipawẽ hatu yuikĩ: ‘Nukũ Shanẽ Ibu nai anua matuki bayui ma kemaikiki. Matũ huĩtinĩ xinã pewarikãwẽ, bai kayatapia keska wakinã’ ”, akĩ kenenirã, ẽ haki— hatu wa