Hiwetxakakĩ mã txakabuwakubaini shinaĩ, ea danaĩ mã atimapakubainiwẽ mã ibubis dakekubaĩshanaii.
Efésios 2:11 - Kaxinawá Bíblia (BR) Haskakẽ mã judeubuma ha judeubũ hatũ hina kubitxi meshtemisbu matukiri hãtxakĩ: “Deus yubakani hayama habũ hatũ hina kubitxi meshteabumarã, nukunabumaki”, iki ibubiskiri hãtxakĩ: “Deusũ yubani txibãkĩ nukũ hina kubitxi nũ meshtemis nũ Deusunabuki”, iki hãtxariakanikiki. Kashinawa : Diosun Jesúswen taexun yuba bena yiniki Jaskaken man judiobuma ja judiobun jatun jina kubichi mextemisbu matukidi janchakin: “Dios yubakani jayama jabun jatun jina kubichi mexteabumadan, nukunabumaki”, iki ibubiskidi janchakin: “Diosun yubani chibankin nukun jina kubichi nun mextemis nun Diosunabuki”, iki janchadiakanikiki. |
Hiwetxakakĩ mã txakabuwakubaini shinaĩ, ea danaĩ mã atimapakubainiwẽ mã ibubis dakekubaĩshanaii.
habũri yuikĩ: “Tsuã nuku hawa yunuama nũ ikaii”, akabu bai ibuã hatu yunukĩ: “Maturi ẽ bai anu kashũ ẽ bimi ea tsekashũtãkãwẽ, ma bari hikiaya ẽ matu paka pewairã”, hatu wa buabũ
Nũ judeuburã, oliveira hi kayabi keskabuki. Hakia hawẽ pũyã babu betsa meshtetã oliveira mebi betsa kuxipa haki tsamĩtã nea dasibi habias tatxanua hawẽ shuku hawẽ namibe husitã habias yumemis keska Abraãonẽ bababu Deusũ hatu watã Israelĩ baba betsabũ Deus txibãkĩ ikũwãbuma Deusũ oliveira pũyã meshtea keska wakĩ hatu danãtã maturi Deusũ hawenabu wakĩ Abraão matũ shenipabu keska matu wariakeakeikiki. Haskakẽ Deus hawenabu Israelbuwẽ nuikĩ hatu duawakubaĩshanai Deusũ Abraão yubani keska wakĩ mã Israelbuma matuburi Abraãonẽ bababu keska watã matuwẽ nuikĩ matu duawaikiki, oliveira kuxipaki tsamĩa haki nea keskawakinã.
Haska inũ, hawara Deusũ abuai judeubumã pe txibãkubaĩkĩ hawẽ yunuti haya keska habu hatũ hina kubitxi meshtekeumabia Deusunabu kayabi hatu wamiski, hina kubitxi meshtekeya keska wakinã.
Haska inũ, hawara Deusũ yusĩni mã judeubu hayabiabũ ha nĩkabiakĩ txibãma mã kaneaibũ hanushũ judeubumã hatũ hina kubitxi meshtekeumabia Deusũ yusĩni haya keskakĩ hawara Deusũ abuai txibãkubaĩmisshũ matu binuhairatã matu habũ unãti washanikiki.
Jesus mã ikũwãriama yushĩ txakabũ ha dami betsa txakabu hiwea hayama inũ hãtxa hayamatũ hawa xinãma haskati dabanẽ matu iyua mã kẽwãkubainirã, haskarã, mã unaiĩ.
Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.
Nukubu na nenu mapuaburã, judeubumabũ Deusũ yunuti inũ hawẽ nemati unãbuma keskama judeubu kaĩtã nũ yumeniki.”
Hi cruzkia mawakĩ nukũ txakabu Cristõ buaniki, haska hari hãtxakatsi ikama ha yusĩnanaĩ parananaĩbũ hau judeubũ hatu dakewakĩ danãkĩ hatu bika tenemayamanũbũ ishũ hau hatukiri pe xinãnũbũ, iwanã, nĩkamas maturi hina kubitxi meshtekatsis ikanikiki. Hatu uĩrakãwẽ.
na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.
Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.
Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.
Maturã, uatiã hawa unãma matũ xinãnẽ matũ huĩtinĩ txakabu abukĩ akirã, txaihaira hiwea keskashũ Deus mã sinatamapaunibuki.
Hamẽ, betsarã, Abraão Deusũ yununi txibãkĩ Deus unãmanũ, iwanã, judeubũ hatũ huni bake kaĩyã hatũ hina kubitxi meshtemisbu keska wakĩ natiã mã judeubumã Cristo mã ikũwaĩbu matu haki dasiwakĩ matũ hina kubitxi meshtea keska wakĩ matũ xinã txakabu inũ matũ beya txakabu Deusũ meshtea keska wakĩ matu putamaniki, xinã betsa wamakinã.
Hamẽ uatiã matu hiwearã, matũ txakabu mã heneriamawẽ taearã, mã mawa keska hiwenibuki. Hakia natiã tsuabũra Cristo mã ikũwaĩbu dasibi matũ txakabu Cristowẽ matu buashuniwẽ taeshũ Deusũ Cristoki ma matu dasiwatã hawẽ taeshũ hawẽ hiwea kayabi matu inãniki.
Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.
nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya
Haskakĩ leão inũ urso detekĩ ẽ amis keska ha huni Filisteu nawa Deusuma ẽ habiaskari watirumamẽ? ha Deus hiweatũ detenamenikabu hatu mesewakubainairã.