Colosenses 2:13 - Kaxinawá Bíblia (BR)

¹³ Hamẽ uatiã matu hiwearã, matũ txakabu mã heneriamawẽ taearã, mã mawa keska hiwenibuki. Hakia natiã tsuabũra Cristo mã ikũwaĩbu dasibi matũ txakabu Cristowẽ matu buashuniwẽ taeshũ Deusũ Cristoki ma matu dasiwatã hawẽ taeshũ hawẽ hiwea kayabi matu inãniki.

Kashinawa : Diosun Jesúswen taexun yuba bena yiniki

¹³ Jamen uatian matu jiweadan, matun chakabu man jenediamawen taeadan, man mawa keska jiwenibuki. Jakia natian tsuabunda Cristo man ikunwainbu dasibi matun chakabu Cristowen matu buaxuniwen taexun Diosun Cristoki ma matu dasiwatan jawen taexun jawen jiwea kayabi matu inaniki.

Colosenses 2:13 Referencias Cruzadas

Salmos 32:1

Tsuãra txakabu Senhor Deusũ ma bua keyushuna ana txakabu hayamawẽ taea benimamisbuki.

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Lucas 15:32

Haskabiakẽ mĩ betsa mashku mawa keska ixiã ma ana hiwea keskaki. Uatiã benuxina ikis nũ ma betxiawẽ taea benimai nũ beyusi nawai pehairaii”— hatu watã

Lucas 9:60

nemakĩ Jesusũ yuikĩ: —Haskamaki. Ikũwãma mawa keskabũ mĩ epa maiwatirubuki. Hakia mianã, na habiatiã ebe kai taekĩ Deus shanẽ ibushanaikiri yusĩkubaĩshãwẽ— akaya

João 5:21

Haska inũ, ẽ Epa Deusũ mawabu hiwemamiski. Habiaskari wakĩ hawẽ bakẽri tsuabura katutã hatu hiwekuĩmariatiruki.

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

Romanos 4:17

Haska inũ, ha Abraãonẽ ikũwãkubainai Deusũ yurabu mawa bestẽwãtiru inũ hawẽ xinãnẽ hawara xarabu dami hayariama damiwamistũ Abraão yuikĩ: “Yurabu betsa betsapabũ hatũ shenipabu ẽ mia waii”, inikẽ Moisés hakiri keneniki.

Romanos 6:13

Haska inũ, matũ yura ana txakabu tsumawamayamakãwẽ, ha hamapaiwẽ nukũ yura hawẽ txakabu watimakirã. Eska wakinã, matũ xinã pe mekekĩ matũ yura hirabi Deus inãkĩ mekemariakubaĩkãwẽ. Ha inũ, yurabu mawatã ana besteã keskatã matũ yura pe mekekĩ matũ hiwea Deus inãtã pepashũkubaĩkãwẽ, matũ yura hirabiwẽ Deus duawakinã. Hawa kaneama ha bebũshũ pepakĩ akubaĩkãwẽ.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

1 Coríntios 15:36

Haska mã yuka ikairã, hawa unãmabia mã ikaii. Heshe banakiri yusĩkĩ haska nukũ yura bestẽshanai ẽ matu nĩkamatiruki. Eskaki, nĩkairakãwẽ. Yunu heshe bana hawẽ bimi txapuaya hawẽ heshe peshei hukuĩ betsai ana hiwemiski.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

2 Coríntios 3:6

Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

2 Coríntios 5:19

Na habias Deusũ xinãni ẽ matu ana yuiai ea nĩkakãwẽ. Cristowẽ yurabũ txakabu ana xinãtimawani Cristobe Deus dayakĩ yura dasibibu hatu haibuwakatsis ikĩ habũ Cristo unãtã ikũwaĩ hau unãnuma hiwekubaĩshanũbũ na txanima hãtxa nũ hatu yusĩkubainũ nuku yununiki.

Efésios 2:1

Uatiã matu hiwearã, txakabu betsa betsapa aki Deusuma pashka mawawẽ datei mã hiwenibuki,

Efésios 2:11

Haskakẽ mã judeubuma ha judeubũ hatũ hina kubitxi meshtemisbu matukiri hãtxakĩ: “Deus yubakani hayama habũ hatũ hina kubitxi meshteabumarã, nukunabumaki”, iki ibubiskiri hãtxakĩ: “Deusũ yubani txibãkĩ nukũ hina kubitxi nũ meshtemis nũ Deusunabuki”, iki hãtxariakanikiki.

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.

Colosenses 2:12

Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.

1 Timóteo 5:6

Hakia aĩbu ewa beneyabiani betsabũ Deusũ hãtxa xinãma patapakĩ hawara akatsi ikai amisburã, hiwebia hawẽ yushĩ ma mawaki. Haskawẽ taea Deus hatuki sinataikiki.

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

Hebreus 6:1

Haska tapĩkubaini ewairã, nũ yura ewa keska itirubukiaki. Haska bebũkiri Cristokiri matu yusĩkĩ taewanibu haskakiri nũ ana hawẽtxaĩs txĩtuãbirãbirãkĩ nũ matu yusĩtirumaki. Eska tibikirirã, ikũwãriabuma hatu ikũwãmatikirirã, hawara txakabu betsa betsapa aki hawẽ taea mawa kayabi anu bumisbu hatu putamakĩ yusĩakirirã, haska wakĩ Deus txibãkĩ ikũwãtikirirã,

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Santiago 2:17

Hamẽ tsuara: “Deus ẽ ikũwaiĩ”, iwanã, kesha bestiwẽ yuiairã, haska besti kaĩmaikiki, haska Deusũ abuai shabakabi ashũkĩ uĩmamarã. Hawẽ akarã, mawa keskaki.

Santiago 2:20

Haskakẽ Deus ikũwaĩnã, ana unaĩsmapayamakãwẽ. Cristowẽ Deus mã hamẽ ikũwã bestiairã, hamẽki. Haskakẽ mã kanemis hamẽwãma unãtã ana hamẽama ikũ kayabi wakĩ Cristowẽ Deus dayashũkubaĩkãwẽ.

Santiago 2:26

Ha inũ, yura yushĩyãbia hawẽ yushĩ kaĩkainaya mawamiski. Haska keskariai ikũwã bestikĩ haska Deusũ yunua txibãkĩ dayashunama hawẽ akarã, hamẽki, hatũ xinã pewama mawa keskarã.

1 João 2:12

Ẽ bake keskabuũ, Jesus Cristõ hawẽ hiweawẽ nuku merabewanũ ika tashnitã nuku mawashuniwẽ taeshũ Epa Deusũ matũ txakabu buatã matu haibuwani xinãkĩ ẽ matu keneshunaii.