1 Coríntios 6:11 - Kaxinawá Bíblia (BR)

¹¹ Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

Kashinawa : Diosun Jesúswen taexun yuba bena yiniki

¹¹ Matudan, betsabu ja ikaibu keska jiwebiakunkainkin Jesucristo man ikunwainbu nukun Xanen Ibu Jesucriston kushipa inun Diosun Yushin Pepatun kushipawen matu shinan betsa wamaya ikunwain betsan matu nashimabu matun chakabu detsis daxkia keska wakin medibi jabias besu keska wakin Diosun Yushin Pepatun matu pepawaniki.

1 Coríntios 6:11 Referencias Cruzadas

Salmos 51:2

Ibubis ẽ txakabumis ea txukashũwẽ! Eã ẽ kanemis ea tere ashũwẽ!

Salmos 51:7

Ẽ txakabu mĩ ea txuka ẽ ana txakabu hayama ishanaii. Ẽ txakabu ea txukakĩ mĩ ea shũpĩ wanã, ha matsi tãki hushupamis ẽ binushanaii, hawa ana txakabu hayamairã.

Isaías 1:16

Matũ mekẽ mepanui perikãwẽ! Ẽ uiaĩ anua hawara txakabu mã amis henerikãwẽ! Mã txakabuwai hanũ beshtekerikãwẽ!

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Mateus 20:4

hatu yunukĩ: “Matũri ẽ bai anu ẽ bimi ea tsekashũtãkãwẽ, bari kai hikiaya ẽ matu paka pewairã”, hatu wa buabũ

Lucas 18:14

abaini inũ kaya Deus hawẽ nuikĩ hawẽ txakabu buashũkĩ pewashunimaki. Hakia fariseũ hãtxa nĩkama Deusũ hawa buashunama ikimaki. Haskakẽ tsuabura ibubis kẽmis Deusũ dake washanikiki. Hakia tsuabura keĩsma Deusũ duawashanikiki— hatu wa

João 13:10

Jesusũ kemakĩ: —Tsuabura dama naxitani huirã, hawẽ tae besti hau ana hutxuki bestinũbũwẽ. Haskarã, mã ana detsismaki. Haska keskai ẽ hãtxawẽ taea besti mã pepaki, mawaira dasibimarã— nuku watã

João 13:8

Pedrõ ana yuikĩ: —Duawakĩ ea hutxuwe, iwanã, ẽ mia yunuamaki— aka Jesusũ nemakĩ: —Ẽ mia hutxuamarã, mĩ enabu kayabi iturumaki— aka

Hechos 22:16

“Haskakenã, ana hatishuĩra manama mĩ Deuskiri txakabukũkaĩmis hau mia buashunũ Jesusũ kenawẽ taeshũ ẽ mia naximai kanũ beniriwe”, ea waniki.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Romanos 3:24

Deus nũ hawa washũkĩ daewatirumabiakẽ Deus duapatũ hawẽ pepa hatu uĩmakĩ hawẽ bake hawa yauxiama hamẽ inãkuĩkĩ Deusũ Cristo hatu nuku tenãmashũkĩ hawẽ himi habawanirã, Jesus Cristõ nukũ kupiti biniwẽ taeshũ tsuabũra mã Cristo ikũwaĩ hawẽ nukũ txakabu buati waniki. Haska xinãkĩ tsuabũra nukũ txakabu nũ buamakatsis iki haki txaniaya txanima Deus pepa kaneismatũ nuku unãmakĩ nũ hawẽ bake ikũwaĩwẽ taeshũ besti nukũ txakabu buashũtiruki. Cristo mawakĩ nukũ txakabu besti nukuna buashunama hakia uatiã hiweshũ ikũwãniburi hatũ txakabu hatu buashũrianiki.

Romanos 4:5

Hamẽ, tsuabũra Deus duawanũ, iwanã, hatũ huĩti merã Deus ikũwaĩbu Deusũ hatũ aka pepawẽ hatu pepa wama hakia hatuwẽ nuikĩ yurabũ hatũ xinã betsa wawẽ taeshũ hatũ xinã txakabu hatu buashũtã: “Ha yura pepabuki”, akĩ haskawẽ Deusũ hatukiri xinãkubaĩmiski.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 5:9

Cristo mawakĩ nukũ kupiti ma nuku bishũkẽ Deusũ nukukiri yuikĩ: “Mã ana txakabu hayamaki”, iniwẽ taea Cristo Shanẽ Ibuhairai hanu hawẽ henei yurabu kupinũ ika hushanaitiã Deus nukuki sinatabiamis hawẽ kupiti nũ hawa ana hayamahaira ishanaii, Cristo nukuwẽ hiwekũkaĩkĩ nuku pashawamiskenã.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Romanos 8:33

Deusũ ma nuku katunishũ ma nuku pepawabianikẽ Deus bebũshũ tsuã nuku ha akĩ nuku txitetirumaki.

1 Coríntios 1:2

Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 12:2

Jesus mã ikũwãriama yushĩ txakabũ ha dami betsa txakabu hiwea hayama inũ hãtxa hayamatũ hawa xinãma haskati dabanẽ matu iyua mã kẽwãkubainirã, haskarã, mã unaiĩ.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Gálatas 3:11

Haska inũ: “Ikũwaĩ pepabu hiwekuĩshãkanikiki”, iwanã, Deusũ hawẽ hãtxa yuishunika kenemaniwẽ taeshũ hawẽ yunuti inũ hawẽ nemati besti txibãkĩ Deus daewatirubumaki, nũ unãnã.

Gálatas 3:24

Haska inũ, Cristokiri unãkĩ ikũwãkĩ nũ txibaĩbu nukũ txakabu buatã hau pepabu keska Deusũ nuku washanũ, iwanã, hawẽ yunuti inũ hawẽ nematiwẽ nuku mekeyukubainiki.

Gálatas 3:8

Hanua judeubuma dikabibũ hatũ xinã betsa watã hatũ txakabu henetã Jesus ikũwãshanaibuwẽ taeshũ Deusũ unãkĩ hawẽ hãtxa yuishunika Deusũ Yushĩ Pepatũ Abraão kenemashũkĩ yuikĩ: “Deus mĩ ikũwaĩwẽ taeshũ yura shukua tibibu dasibibũ hawẽ bake ikũwaĩbu hiwekuĩmakĩ Deusũ miwẽ taeshũ hatu duawashanikiki”, aniki.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Efésios 5:8

Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 10:29

Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

Hebreus 2:11

Dasibibũ nũ Deus abukĩ txibaĩburã, nukũ Epa Deus meribitũ nuku hawẽ bakebu wakĩ nuku meribi wamiski. Haskawẽ taea hawẽ bake Jesus Cristo nukuki dakeama nuku kenakĩ: “Ẽ betsabuki”, ikĩ nukukiri yuimiski.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

1 João 2:12

Ẽ bake keskabuũ, Jesus Cristõ hawẽ hiweawẽ nuku merabewanũ ika tashnitã nuku mawashuniwẽ taeshũ Epa Deusũ matũ txakabu buatã matu haibuwani xinãkĩ ẽ matu keneshunaii.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”