2 Pedro 3:18 - Kaxinawá Bíblia (BR) Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro Kashinawa : Diosun Jesúswen taexun yuba bena yiniki Jakia nukun mekenan Xanen Ibu Jesucristo ana unankin beyajaidawai jawen nuiwen ewakubainkanwen. Jadan, dasibibun Jesús kenwankin jeneama jau apakenunbunwen. Jaskakidan. Jatiski, en janchadan. Pedro |
Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.
Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu
Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã
Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.
Haskakẽ betsa tukama tibi Deusũ damiwanirã, hawenaski. Hawẽ kuxipawẽ dasibibu maniabuki. Dasibibu ha hiweabuwẽ Deus benimakũkaĩshanũ, iwanã, habu tibi damiwaniki. Haskakẽ kẽwãkĩ heneyamakubainãkãwẽ, Deusrã. Haskakirã.
Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.
Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.
Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,
Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.
Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.
Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.
Txakabu dasibi nukũ Shanẽ Ibũ ea binumakubaĩkĩ hanu shanẽ ibuai pepa hawẽrua nai anu ea pashawatã ea mekeshanai ẽ unaiĩ. Haskakẽ niti ikama ha duawakĩ kẽwanãkãwẽ. Haskakirã.
Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,
Mã haskai hiwekubainaibu benimakĩ matu kẽwãtxakayamakĩ hawẽ mae bena anu hanu mã hikinũ hawẽ beputi matu bepẽshũtã: “Neri hiki bekãwẽ”, matu washanikiki, hanu nukũ mekenã Shanẽ Ibu Jesus Cristõ matu bitxikinã, niti ikama mã habe hiwepakeshanũbunã.
Deus inũ nukũ Shanẽ Ibu Jesus haibuwakĩ mã hatu unãhairaya unãnuma matu hiwemakĩ matu duawatxakayamai bikubaĩkãwẽ.
Deus kuxipa paepatũ haska hatũ abuai keska hawẽ hiwekĩ nũ hakiri xinãkubainũbũ nuku inãki, Jesus Cristo nũ ikũwãyã Deusũ nuku kenatã hawẽ daya pepa nũ hayashanũbũ hawẽ kuxipa meribiwẽ nuku katukinã.
Mã haska tibi haya mã hawẽ ewairã, txanima nukũ Shanẽ Ibu Jesus Cristo unãkĩ mã hamẽ haibuwamaki. Ha inũ, matũ hiwearã, hamẽmari ishanikiki.
Ha dukũ Nukũ Shanẽ Ibu mekenã Jesus Cristo unãtã hatũ txakabu putakĩ pewabiani habias txakabũ ana hatu atxishũ yabuarã, beshmas ibiani ana txakabui pikuhairamisbuki.
Na habiatiã hawẽ Epa Deus dayashuni nuku habe hãtxanika wakĩ hatũ nuku shanẽ ibu keska waniki. Haskawẽ taea dasibi hawenas kuxipa haya inũ pepa hayakẽ niti ikama kẽwãkubainãkãwẽ. Haskakirã.