2 Pedro 1:3 - Kaxinawá Bíblia (BR)

³ Deus kuxipa paepatũ haska hatũ abuai keska hawẽ hiwekĩ nũ hakiri xinãkubainũbũ nuku inãki, Jesus Cristo nũ ikũwãyã Deusũ nuku kenatã hawẽ daya pepa nũ hayashanũbũ hawẽ kuxipa meribiwẽ nuku katukinã.

Kashinawa : Diosun Jesúswen taexun yuba bena yiniki

³ Dios kushipa paepatun jaska jatun bechipaiai keska jawen jiwekin nun jakidi shinankubainunbun nuku inanki, Jesucristo nun ikunwanyan Diosun nuku kenatan jawen daya pepa nun jayaxanunbun jawen kushipa medibiwen nuku katukinan.

2 Pedro 1:3 Referencias Cruzadas

Salmos 110:3

Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Provérbios 12:4

Aĩbu unanepa pepatũ hawẽ bene duawakĩ shanẽ ibuhaira keska wa hawẽ taea kẽtiruki. Hakia hawẽ aĩ txakabutũ hawẽ bene duawakĩ merabewama hawẽ hiwea txakabuwamakĩ nuitapawamiski, ana hatu shinãtima wamakinã.

Provérbios 31:10

Aĩbu duapa pepa bikatsi benabaunarã, bikahairaki. Hawaira hania mĩ betxitirumaki. Ha aĩbu pepa haska mĩ betxitirurã, hamapai dauti kushipa hawẽrua karuhaira binuhairaki.

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

Romanos 9:24

Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.

1 Coríntios 1:9

Ha inũ, Deusũ bake nukũ Shanẽ Ibu Jesus Cristobe mã hiwekubaĩshanũbũ Deusũ matu katunitũ duawakĩ hawa matu hakimakĩ henebainama ishanikiki, haska yubakani amis betsa wakĩ kaneismawẽ taearã.

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Efésios 4:4

Maturã, habias yura matu wakatsis ikĩ Deusũ matu kenanishũ habias Yushĩ Pepa matu inãtã hawẽ kuxipawẽ habias hiwekuĩa matu manakamaikiki, Jesus mã ikũwaĩburã.

Filipenses 3:8

Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

Filipenses 4:8

Ẽ betsabu inũ ẽ puibuũ, kenekĩ ẽ ma matu keyushunai ea nĩkairakãwẽ. Eska tibi pepa xinãkãwẽ. Dasibi hãtxa kayabi inũ, dasibiwẽ pepa wai nũ haki mesetiru inũ, dasibi nũ kanetiruma inũ, dasibi pepas inũ, dasibi hawẽ nũ xinã txãkãtiru inũ, dasibibu tsuara hawẽ pepawẽ kẽwãmisbu inũ, haska tibi hatukiri xinã kayabikubaĩkãwẽ, haskakĩ Deus benimawakinã.

Colosenses 1:16

Cristowenã, Deusũ dasibi nai anua inũ mai anua nũ uĩtiru inũ nũ uĩtiruma yushĩ betsa betsapa kuxipayabu inũ paepabu Cristowẽ damiwanikiaki. Haska damiwakinã, Cristowẽ taeshũ atã Deusũ Cristo hawena wamaniki.

1 Tesalonicenses 4:7

Hakia nũ haska txakabui atimapakũkaĩmis Deusũ abuismaki. Haskawẽ taea nũ pepa bestikubainũbũ hawenabu wakĩ Deusũ nuku katuniki.

2 Tesalonicenses 2:14

Kakapekiri datã akĩ nũ matu yusĩayã Deusũ matu ikũwãmaniki, hau nukũ Shanẽ Ibu Jesus Cristõ kuxipaki dasitã mã hawenabu ikubaĩshanũbunã.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

1 Pedro 1:15

Natiã ana haskama matũ hiwea betsa watã meribi pepakubaĩkĩ bika tenekĩ hatu uĩmakubaĩkãwẽ, hatũ matu katuni meribi pepa hiwea keskariairã.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.

1 Pedro 2:21

Eskawẽ taeshũ Deusũ matu katukĩ kenaniki. Mã hawa bika teneriamakẽ Cristo dukũ ha dukũtũ matu bika teneshuniki, ha txibãkĩ matũri mã bika teneriashanũbunã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

2 Pedro 1:10

Ẽ betsabu inũ ẽ puibuũ, Deusũ matu kenashũ katutã hawena meribis matu wakatsis iniki. Mã hawenabu heneama ikatsis ikaiburã, txanima ikũwaĩ mã haki nukukatsis ikai matũ xinã mestẽtã ikubaĩkãwẽ. Haska tibi ẽ matu yunuai keskairã, mã haskakubainaiburã, babui txakabuwẽ taea kanei mã txĩtuãma ishãkanaii.

2 Pedro 1:2

Deus inũ nukũ Shanẽ Ibu Jesus haibuwakĩ mã hatu unãhairaya unãnuma matu hiwemakĩ matu duawatxakayamai bikubaĩkãwẽ.

2 Pedro 1:5

Haskawẽ taea mã ikũwaĩ kuxipakĩ eska tibiwẽ ana matsãkĩ binumakubaĩkãwẽ. Jesus Cristo ikũwaĩ matũ xinãwẽ pe hiwekubaĩkãwẽ. Ana Deusũ kakape nĩka pehairawatã

2 Pedro 1:6

ibubis matũ yurakiri xinã pewatã mekekubaĩkãwẽ. Haskai mã hĩ hĩ imis tapĩ beshtekekubaĩkãwẽ. Haskai Deusbe mã haibunamehairai

2 Pedro 1:8

Mã haska tibi haya mã hawẽ ewairã, txanima nukũ Shanẽ Ibu Jesus Cristo unãkĩ mã hamẽ haibuwamaki. Ha inũ, matũ hiwearã, hamẽmari ishanikiki.

2 Pedro 2:20

Ha dukũ Nukũ Shanẽ Ibu mekenã Jesus Cristo unãtã hatũ txakabu putakĩ pewabiani habias txakabũ ana hatu atxishũ yabuarã, beshmas ibiani ana txakabui pikuhairamisbuki.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro

Rute 3:11

Mĩ aĩbu pepahairakĩ hatu uĩmaya dasibi ẽ mae anu hiweabũ unaĩbuwẽ taea hawa dateyamawe. Haskawẽ taeshũ mĩ ea haska yukai keska ẽ mia atiruki.