2 Pedro 3:17 - Kaxinawá Bíblia (BR)

¹⁷ Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.

Kashinawa : Diosun Jesúswen taexun yuba bena yiniki

¹⁷ En betsabu inun en puibuun, matuwen nuijaidakin ma bebunkidi jaskaxanaibu en ma matuki chanixuki. Mekeidakubainkanwen, man pebiakainaya jau juni chakabun matu padankin jau matu chintunmayamaxanunbun mestenxankanwen.

2 Pedro 3:17 Referencias Cruzadas

Provérbios 1:17

Isa peiyabũ uiaĩ berubi birũ wãkinã, hamẽ amisbuki.

Mateus 16:11

Haskai fariseubu inũ saduceubũ misi shashawatikiri hãtxai haskai hatũ misi kayabikiri ẽ hãtxamabiakẽ mã xinã txakai?— nuku wa

Mateus 16:6

Jesusũ nuku yuikĩ: —Xinaĩrakãwẽ. Fariseubu inũ saduceubũ misi shashawati meseki. Uĩrashãkãwẽ— nuku wa

Mateus 7:15

—Ha inũ, betsarã, ha parananãmisbu pepa keskakĩ Deuskiri yusĩbiakĩ hawẽ huĩti inu pubẽ keskã txani hãtxa matu yusĩaĩbu ana nĩkama hatu uĩrakubaĩkãwẽ.

João 16:4

Matu haska waibuaibu ẽ matu yuini matu xinãmai buaibuwẽ taeshũ bebũkiri ẽ matu yuiaii. —Matube bebũkiri nibiashũ haska shabakabi ẽ matu yuiama iyuniki.

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

1 Coríntios 10:12

Hatu haska waniwẽ taeshũ tsuabũra: “Jesus txibãkĩ duawai ẽ txĩtuãmaki”, iki keãma mestẽtã hau uĩrakubainũbũwẽ, txakabu tibi huayarã.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 11:3

Jesuskiri nũ ma haska matu yusĩbianikẽ yusĩnã betsabu bushũ matu parãkĩ haska Jesuskiri nũ matu yusĩsma Jesus betsa keska wakĩ matu yusĩaĩbu hawaira hatũ hãtxa hawẽrua abukĩ mã hatu nĩkakubaĩmiski. Ha inũ, nukubũ Deusũ Yushĩ Pepa matuki nũ ma matu dasiwabiayamakẽ yushĩ betsakiri matu yuiaibu mã hawaira atximamiski. Ha inũ, haska kakape nũ matu yuiama ibiayamakẽ kaka betsa mã hawaira txibaĩwẽ taea matuwẽ ẽ dateaii. Haska Éden bai anushũ dunũ Eva parani keska wakĩ hawara pepa Cristokiri mã ma hayabia henetã habũ txakabu txibaĩ mã hamakiri benuaibuwẽ ẽ matuwẽ dateaii.

Gálatas 5:4

Haska Moisés yusĩa txibaĩ pepanũ ika txĩtũkirã Deus matuwẽ nuini pepa danaĩ Cristo henei mã hawenabumaki.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

Filipenses 3:2

Ha huni yusĩnã meketikiri parananaĩ itxakanikai daya pepa wanikapaikĩ matu yusĩkĩ judeubu keska matu hiwemanũ ika ikanikiki, dateyamakaĩ matũ hina kubitxi meshtemanũ ikarã. Matu haska wanũ ikaibu uĩrakãwẽ.

Colosenses 2:5

Haska inũ, ẽ yura ẽ matubemabia ẽ xinã matu anuki. Mã ma Cristo ikũwãnishũ hawẽ daya ashũkĩ txibãkubaĩkĩ mã pewai mã ma pekẽ matuwẽ nui ẽ benimaii.

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

2 Timóteo 4:15

Nũ hatu Jesus Cristo kakape yusĩmiskiri nuku hatu danãmaikiki. Haskawẽ taeshũ miãri hakiri uĩrakubaĩwẽ.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

1 Pedro 5:9

Mã ikũwaĩ mestẽtã Satanásã kemuti ana meama henei hẽ iyamakubaĩkãwẽ, na haska tibi mã meairã, matubetã ikũwaĩbu mai hirabi anuari habias keskari teneriaibu xinaĩrakubaĩkãwẽ.

2 Pedro 2:7

Deusũ hatu haska waitiã Sodoma anu Abraãonẽ berẽ Ló nawabube hiweshũ hatũ txakabuwẽ betsa betsapaibu hatube naxui ika hiweshũ bari tibi haskaibu uĩ inũ habu nĩkai hatũ txakabuwẽ taea huĩti nixma haska washũ hatu merabewatimakẽ txutaname bestinũ ika kemukĩ Ló bikawaibũ hatu kuariama Ló huni pepakẽ Deusũ pashawanikiaki.

2 Pedro 3:1

Ẽ betsabu inũ ẽ puibuũ, matuwẽ nuikĩ ana ẽ matu keneshunairã, eskawẽ taeshũ ẽ matu ashuaiĩ.

Apocalipse 2:5

Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.