Masalimo 149 - Buku Lopatulika Buku Lopatulika
Masalimo 149

¹ Aleluya, Muimbireni Yehova nyimbo yatsopano, ndi chilemekezo chake mu msonkhano wa okondedwa ake.

² Akondwere Israele mwa Iye amene anamlenga; ana a Ziyoni asekere mwa mfumu yao.

³ Alemekeze dzina lake ndi kuthira mang'ombe; amuimbire zomlemekeza ndi lingaka ndi zeze.

⁴ Popeza Yehova akondwera nao anthu ake; adzakometsa ofatsa ndi chipulumutso.

⁵ Okondedwa ake atumphe mokondwera mu ulemu: Afuule mokondwera pamakama pao.

⁶ Nyimbo zakukweza Mulungu zikhale pakamwa pao, ndi lupanga lakuthwa konsekonse m'dzanja lao;

⁷ kubwezera chilango akunja, ndi kulanga mitundu ya anthu;

⁸ kumanga mafumu ao ndi maunyolo, ndi omveka ao ndi majerejede achitsulo,

⁹ kuwachitira chiweruzo cholembedwacho. Ulemu wa okondedwa ake onse ndi uwu. Aleluya.