Masalimo 150 - Buku Lopatulika

Zolengedwa zonse zilemekeze Mulungu

¹ Aleluya. Lemekezani Mulungu m'malo ake oyera; mlemekezeni m'thambo la mphamvu yake.

² Mlemekezeni chifukwa cha ntchito zake zolimba; mlemekezeni monga mwa ukulu wake waunjinji.

³ Mlemekezeni ndi kulira kwa lipenga; mlemekezeni ndi chisakasa ndi zeze.

⁴ Mlemekezeni ndi lingaka ndi kuthira mang'ombe: Mlemekezeni ndi zoimbira za zingwe ndi chitoliro.

⁵ Mlemekezeni ndi nsanje zomveka: Mlemekezeni ndi nsanje zoliritsa.

⁶ Zonse zakupuma zilemekeze Yehova. Aleluya.