ထို့နောက် မိမိသမီးထံမှ နတ်ဆိုးကို နှင်ထုတ်ပေးတော်မူရန် တောင်းပန်လေ၏။ ထိုအမျိုးသမီးသည် ဂရိလူမျိုး၊ ဆီးရီးယားဖိုနီးရှားပြည်သူတစ်ဦးဖြစ်၏။
ရှင်ယောဟန် 12:20 - ခေတ်သစ်မြန်မာ သမ္မာကျမ်း ပသခါပွဲတော်တွင် ဘုရားသခင်ကို ဝတ်ပြုကိုးကွယ်ရန် ဂျေရုဆလင်မြို့သို့ လာကြသောသူတို့ထဲ၌ ဂရိလူမျိုးတချို့ပါ၏။ Common Language Bible ပွဲတော်အတွင်းကိုးကွယ်ဝတ်ပြုရန်ယေရု ရှလင်မြို့သို့သွားကြသောလူတို့အထဲတွင် ဂရိအမျိုးသားအချို့ပါ၏။- Garrad Bible ထိုကာလ ပွဲတွင်ဝတ်ပြုကိုးကွယ်ရန်ရောက်လာသူတို့အနက် ဂရိတ်လူမျိုးအချို့ပါရှိရာ၊ Judson Bible ကိုးကွယ်ခြင်းအမှုနှင့် ထိုပွဲသို့ ရောက်လာသောသူတို့တွင် ဟေလသလူအချို့ပါ၏။- မြန်မာ့စံမီသမ္မာကျမ်း ပွဲတော်တွင် ဝတ်ပြုကိုးကွယ်ရန် တက်လာကြသောသူတို့ထဲ၌ ဂရိလူမျိုးအချို့ပါ၏။ မြန်မာ ကိုးကွယ်ခြင်းအမှုနှင့် ထိုပွဲသို့ ရောက်လာသောသူတို့တွင် ဟေလသလူအချို့ပါ၏။- |
ထို့နောက် မိမိသမီးထံမှ နတ်ဆိုးကို နှင်ထုတ်ပေးတော်မူရန် တောင်းပန်လေ၏။ ထိုအမျိုးသမီးသည် ဂရိလူမျိုး၊ ဆီးရီးယားဖိုနီးရှားပြည်သူတစ်ဦးဖြစ်၏။
ပသခါပွဲတော် မကျင်းပမီ ခြောက်ရက်အလိုတွင် ယေရှုသည် ဗေသနိရွာသို့ ကြွတော်မူ၏။ ထိုရွာမှာ ယေရှုကိုယ်တိုင် သေရာမှပြန်ရှင်စေတော်မူခဲ့သော လာဇရု နေထိုင်သည့်ရွာ ဖြစ်၏။
ထိုအခါ ဖာရိရှဲတို့က “ငါတို့ မည်သို့မျှမတတ်နိုင်တော့ပါ။ တစ်လောကလုံးသည် သူ့နောက်သို့ လိုက်သွားကြပြီ” ဟု အချင်းချင်းပြောဆိုကြ၏။
ဂျူးခေါင်းဆောင်များက “ငါတို့ မတွေ့နိုင်အောင် သူသည် မည်သည့်အရပ်သို့ သွားရန် ကြံစည်နေပါသနည်း။ ဂရိလူမျိုးများကြားတွင် ပျံ့နှံ့နေထိုင်လျက်ရှိသော ငါတို့ဂျူးလူမျိုးများထံသို့ သွား၍ ဂရိလူမျိုးတို့ကိုပင် သွန်သင်ရန် ကြံစည်နေသလော။
ဣကောနိမြို့တွင်လည်း ပေါလုနှင့် ဗာနဗတို့သည် ဂျူးဝတ်ပြုဆောင်သို့ ဝင်၍ ဟောပြောသဖြင့် ဂျူးလူမျိုးနှင့်ဂရိလူမျိုး အမြောက်အမြားသည် ယုံကြည်သက်ဝင်လာကြ၏။
ပေါလုသည် ဒေရဗေမြို့နှင့် လုတ္တရမြို့သို့ ရောက်လာ၏။ လုတ္တရမြို့တွင် တိမောသေဟု ခေါ်သော တပည့်တော်တစ်ဦးရှိ၏။ သူ၏မိခင်သည် ယုံကြည်သူ ဂျူးအမျိုးသမီးဖြစ်ပြီး ဖခင်မှာ ဂရိအမျိုးသားဖြစ်၏။
အချို့သောသူတို့သည် ယုံကြည်သဖြင့် ပေါလု၊ သိလတို့နှင့် ပေါင်းဖော်ကြ၏။ ဘုရားသခင်ကို ကိုးကွယ်သော ဂရိလူမျိုးများနှင့် ထင်ရှားသော အမျိုးသမီးများသည်လည်း ယုံကြည်လာကြ၏။
နောင်တရ၍ ဘုရားသခင်ထံတော်သို့ ပြန်လာကြစေရန်နှင့် ကျွန်ုပ်တို့၏သခင်ယေရှုကို ယုံကြည်စေရန် ဂျူးလူမျိုးများနှင့် ဂရိလူမျိုးများကို လေးနက်စွာ ဟောပြောခဲ့၏။
“အစ္စရေးလူမျိုးတို့… ကူညီကြလော့။ ဤသူသည် ကျွန်ုပ်တို့၏လူမျိုးကိုလည်းကောင်း၊ ပညတ်တရားနှင့် ဤဗိမာန်ကိုလည်းကောင်း ဆန့်ကျင်လျက် နေရာတိုင်း၌ရှိသော လူအပေါင်းတို့အား သွန်သင်နေသူဖြစ်၏။ ထိုမျှမက ဂရိလူမျိုးတို့ကိုလည်း ဗိမာန်တော်ထဲသို့ခေါ်ဆောင်လာ၍ ဤသန့်ရှင်းသောနေရာကို ညစ်ညမ်းစေပါပြီ” ဟု အော်ဟစ်ပြောဆိုကြ၏။
ကောင်းကင်တမန်ဆိုသည့်အတိုင်း ဖိလိပ္ပုသည် သွား၏။ ထိုလမ်းတွင် အီသီယိုးပီးယားပြည်သားတစ်ဦးနှင့် တွေ့ဆုံ၏။ ထိုသူသည် အီသီယိုးပီးယားဘုရင်မ ကန္ဒက်၏ဘဏ္ဍာများအားလုံးကို စီမံရသော အမတ်ဖြစ်၏။ သူသည် ဂျေရုဆလင်မြို့သို့ သွားရောက်ဝတ်ပြုပြီး
ကျွန်ုပ်သည် ခရစ်တော်၏ သတင်းကောင်းအတွက် မရှက်ကြောက်။ အဘယ်ကြောင့်ဆိုသော် ထိုသတင်းကောင်းသည် ယုံကြည်သောသူများဖြစ်သည့် ဦးစွာ ဂျူးလူမျိုးများ၊ ထို့နောက် လူမျိုးခြားများကို ကယ်တင်သော ဘုရားသခင်၏ တန်ခိုးတော်ဖြစ်သောကြောင့်ပင်။
ဂျူးလူမျိုး၊ ဂရိလူမျိုးဟူ၍ ခွဲခြားခြင်းမရှိ။ သူတို့၌ သခင်တစ်ပါးတည်း ရှိ၍ ထိုသခင်ထံ ဆုတောင်းသောသူတို့အား ရက်ရောစွာ ပေးသနားတော်မူ၏။
ထိုအခါ သူတို့သည် ကျွန်ုပ်ကို ထောက်ခံ၍ ကျွန်ုပ်နှင့်အတူ ပါလာသော တိတုကိုပင်လျှင် လူမျိုးခြားဖြစ်သော်လည်း အရေပြားလှီးမင်္ဂလာကို ခံယူရန် မစေခိုင်းခဲ့ပေ။
ထိုသို့ ယေရှုခရစ်တော်နှင့် တပေါင်းတစည်းတည်းဖြစ်ကြသောကြောင့် ဂျူးလူမျိုးနှင့် ဂရိလူမျိုး၊ ကျွန်နှင့် လွတ်လပ်သူ၊ ယောက်ျားနှင့် မိန်းမဟူ၍ ခွဲခြားခြင်း မရှိတော့ပေ။
သို့ဖြစ်၍ ဂျူးလူမျိုးနှင့် ဂရိလူမျိုး၊ အရေပြားလှီးခြင်းမင်္ဂလာကို ခံယူသူနှင့် မခံယူသူ၊ လူမျိုးကွဲ၊ လူရိုင်း၊ ကျွန်နှင့် လွတ်လပ်သူဟူ၍ ခြားနားမှုမရှိပေ။ ခရစ်တော်သည်သာ အရေးပါ၍ ကျွန်ုပ်တို့အားလုံးအထဲတွင် ကိန်းအောင်းတော်မူ၏။