ရှင်ယောဟန် 7:35 - ခေတ်သစ်​မြန်မာ သမ္မာကျမ်း

³⁵ ဂျူးခေါင်းဆောင်များ​က “ငါတို့ မတွေ့​နိုင်အောင် သူ​သည် မည်သည့်​အရပ်​သို့ သွား​ရန် ကြံစည်​နေပါသနည်း။ ဂရိလူမျိုးများ​ကြားတွင် ပျံ့နှံ့​နေထိုင်​လျက်​ရှိသော ငါတို့​ဂျူးလူမျိုးများ​ထံသို့ သွား​၍ ဂရိလူမျိုးတို့​ကိုပင် သွန်သင်​ရန် ကြံစည်နေသလော။

Common Language Bible

³⁵ ယု​ဒ​အာ​ဏာ​ပိုင်​တို့​က ``ငါ​တို့​ရှာ​၍​မ​တွေ့​စေ​ရန် သူ​သည်​အ​ဘယ်​အ​ရပ်​သို့​သွား​ပါ​မည်​နည်း။ ယု​ဒ အ​မျိုး​သား​တို့​နေ​ထိုင်​ရာ​ဂ​ရိ​မြို့​များ​သို့​သွား​၍ ဂ​ရိ​အ​မျိုး​သား​တို့​အား​ဟော​ပြော​သွန်​သင်​ပါ မည်​လော။-

Garrad Bible

³⁵ သို့ဖြစ်၍ယုဒလူမျိုးတို့က ငါတို့ရှာ၍မတွေ့နိုင်အောင် မည်သည့်အရပ်သို့သွားမည်နည်း။ ဂရိတ်လူမျိုးတို့ရှိရာတွင် ကွဲလွင့်နေထိုင်သူတို့ထံသွားပြီးလျှင် ဂရိတ်လူမျိုးတို့အား ဒေသနာပေးမည်လော။

Judson Bible

³⁵ ယု​ဒ​လူ​တို့​က၊ ငါ​တို့​ကို​မ​တွေ့​စေ​ခြင်း​ငှာ သူ​သည် အ​ဘယ်​အ​ရပ်​သို့​သွား​လိမ့်​မည်​နည်း။ ဟေ​လ​သ​လူ​တို့​တွင် အ​ရပ်​ရပ်​သို့ ကွဲ​ပြား​လျက်​နေ​သော သူ​တို့​ရှိ​ရာ​သို့​သွား၍ ဟေ​လ​သ​လူ​တို့​အား တ​ရား​ဟော​လိမ့်​မည်​လော။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³⁵ ဂျူး​လူမျိုး​တို့​က​လည်း “ငါ​တို့​ရှာ​၍​မ​တွေ့​စေရန် ဤ​သူ​သည် မည်သည့်​အရပ်​သို့​သွား​ရန် ကြံရွယ်​နေ​သနည်း။ ဂရိ​လူမျိုး​တို့​ရှိ​ရာ​အရပ်ရပ်​တို့​၌ ကွဲလွင့်​ပျံ့နှံ့​နေ​သော​သူ​တို့​ထံသို့​သွား​၍ ဂရိ​လူမျိုး​တို့​ကို​သွန်သင်​ရန် ကြံရွယ်​နေ​သလော။

မြန်မာ

³⁵ ယု​ဒ​လူ​တို့​က၊ ငါ​တို့​ကို​မ​တွေ့​စေ​ခြင်း​ငှာ သူ​သည် အ​ဘယ်​အ​ရပ်​သို့​သွား​လိမ့်​မည်​နည်း။ ဟေ​လ​သ​လူ​တို့​တွင် အ​ရပ်​ရပ်​သို့ ကွဲ​ပြား​လျက်​နေ​သော သူ​တို့​ရှိ​ရာ​သို့​သွား၍ ဟေ​လ​သ​လူ​တို့​အား တ​ရား​ဟော​လိမ့်​မည်​လော။-

ရှင်ယောဟန် 7:35 ပူးပေါင်းရင်းမြစ်များ

မဿဲ 12:21

သူ​၏ နာမတော်​သည်လည်း လူမျိုး​အပေါင်းတို့​၏ မျှော်လင့်ရာ​ဖြစ်​လိမ့်မည်” ဟူ၍ ဖြစ်၏။

လုကာ 2:32

ထို​ကယ်တင်ရှင်​သည် လူမျိုးခြားတို့​အား ကိုယ်တော့်​အကြောင်း​ကို ဖော်ပြပေးမည့်​အလင်း​နှင့် ကိုယ်တော်​၏​လူမျိုးတော်​ဖြစ်သော အစ္စရေးလူမျိုးတို့​၏ ဘုန်းအသရေ​အတွက် အလင်း​ဖြစ်တော်မူ၏” ဟု ဆိုလေ၏။

ရှင်ယောဟန် 12:20

ပသခါပွဲတော်​တွင် ဘုရားသခင်​ကို ဝတ်ပြုကိုးကွယ်​ရန် ဂျေရုဆလင်မြို့​သို့ လာကြသော​သူတို့​ထဲ၌ ဂရိလူမျိုး​တချို့​ပါ၏။

ရှင်ယောဟန် 7:1

ထို့နောက် ယေရှု​သည် ဂါလိလဲပြည်​၌ လှည့်လည်တော်မူ၏။ ဂျူး​ခေါင်းဆောင်တို့​သည် ကိုယ်တော်​ကို သတ်​ရန် ရှာကြံ​လျက်​ရှိ​သောကြောင့် ကိုယ်တော်​သည် ယုဒပြည်​၌ လှည့်လည်​ရန် အလို​ရှိတော်မမူပေ။

ရှင်ယောဟန် 8:22

ထိုအခါ ဂျူးလူမျိုးတို့​က “သူ​သည် ‘ငါ​သွားမည့်​အရပ်​သို့ သင်တို့ လိုက်နိုင်မည်​မဟုတ်’ ဟု ပြောဆိုသည်​မှာ မိမိ​ကိုယ်ကိုယ် သတ်သေ​ရန် ကြံစည်နေသလော” ဟု ပြောဆိုကြ၏။

တမန်တော်ဝတ္ထု 11:18

ဤ​အကြောင်းအရာများ​ကို ထို​သူတို့​ကြားရ​သောအခါ ငြိမ်သက်သွားကြပြီး “ဤသို့​ဆို​လျှင် ဘုရားသခင်​သည် လူမျိုးခြားတို့​အား ထာဝရ​အသက်ရှင်​စေရန်​နောင်တရခြင်း​အခွင့်​ကို ပေးသနားတော်မူပြီ” ဟု ဆို​၍ ဘုရားသခင်​ကို ချီးမွမ်းကြ၏။

တမန်တော်ဝတ္ထု 11:20

သို့သော် ထို​သူတို့​အထဲ​တွင် ဆိုက်ပရပ်ကျွန်း​နှင့် ကုရေနေမြို့သား​တချို့​ပါရှိ​၍ အန္တိအုတ်မြို့​သို့​သွားကြ​ပြီးလျှင် ဂရိစကား​ပြောသော​လူတို့​အား သခင်​ယေရှု​အကြောင်း​ကို ဟောပြောကြလေ၏။

တမန်တော်ဝတ္ထု 14:1

ဣကောနိမြို့​တွင်​လည်း ပေါလု​နှင့် ဗာနဗ​တို့​သည် ဂျူးဝတ်ပြုဆောင်​သို့ ဝင်​၍ ဟောပြော​သဖြင့် ဂျူးလူမျိုး​နှင့်​ဂရိလူမျိုး အမြောက်အမြား​သည် ယုံကြည်သက်ဝင်လာကြ၏။

တမန်တော်ဝတ္ထု 17:4

အချို့သော​သူတို့​သည် ယုံကြည်​သဖြင့် ပေါလု၊ သိလ​တို့​နှင့် ပေါင်းဖော်ကြ၏။ ဘုရားသခင်​ကို ကိုးကွယ်သော ဂရိ​လူမျိုးများ​နှင့် ထင်ရှားသော အမျိုးသမီးများ​သည်လည်း ယုံကြည်လာကြ၏။

တမန်တော်ဝတ္ထု 18:4

ပေါလု​သည် ဥပုသ်နေ့​တိုင်း ဂျူးဝတ်ပြုဆောင်​၌ တရား​ဆွေးနွေး​၍ ဂျူးလူမျိုးများ​နှင့် ဂရိလူမျိုးများ ယုံကြည်လာ​ရန် စည်းရုံး​လျက်​နေ၏။

တမန်တော်ဝတ္ထု 21:21

သင်​သည် လူမျိုးခြားတို့​အထဲ​တွင် နေထိုင်ကြသော​ဂျူးလူမျိုး​အပေါင်းတို့​အား မောရှေ​၏​ပညတ်တရား​ကို စွန့်လွှတ်​၍ ကလေးငယ်များ​ကို အရေပြားလှီးခြင်း​မပြုပေး​ရန်​နှင့် ဓလေ့ထုံးတမ်းစဉ်လာ​အတိုင်း မလိုက်နာ​ရန် သွန်သင်နေ​သည့်​အကြောင်း​ကို သူတို့​ကြားသိထားကြ၏။

တမန်တော်ဝတ္ထု 22:21

ထိုအခါ သခင်ဘုရား​က ‘သွားလော့။ ငါ​သည် သင့်​ကို ရပ်ဝေးရှိ​လူမျိုးခြားတို့​ထံသို့ စေလွှတ်မည်’ ဟူ၍ မိန့်တော်မူသည်” ဟု ပြောလေ၏။

ရော​မ 1:16

ကျွန်ုပ်​သည် ခရစ်တော်​၏ သတင်းကောင်း​အတွက် မရှက်ကြောက်။ အဘယ်ကြောင့်ဆိုသော် ထို​သတင်းကောင်း​သည် ယုံကြည်သောသူများ​ဖြစ်သည့် ဦးစွာ ဂျူး​လူမျိုးများ၊ ထို့နောက် လူမျိုးခြားများ​ကို ကယ်တင်သော ဘုရားသခင်​၏ တန်ခိုးတော်​ဖြစ်​သောကြောင့်​ပင်။

ဧ​ဖက် 3:8

ကျွန်ုပ်​သည် ယုံကြည်သူများ​ထဲတွင် အသေးနုပ်ဆုံးသောသူ ဖြစ်​သော်လည်း ဘုရားသခင် ပေးသနားတော်မူသော ကျေးဇူးတော်​ကို ခံစားရ၏။ ဤသို့ ခံစားရခြင်း​သည် လူမျိုးခြားတို့​ကို ခရစ်တော်​၏ အကန့်အသတ်မဲ့ ကြွယ်ဝခြင်း​အကြောင်း ဟောပြော​ရန်​နှင့်

ကော​လော​သဲ 1:27

ဤ​လျှို့ဝှက်နက်နဲသော​အရာ​၏ ဘုန်းစည်းစိမ်​သည် လူမျိုးခြားတို့​အတွက် မည်မျှ ကြီးမားကြောင်း ယုံကြည်သူတို့ သိ​စေရန် ဘုရားသခင် အလိုရှိတော်မူ၏။ ဤ​လျှို့ဝှက်နက်နဲသော​အရာ​သည် သင်တို့​ထဲ၌ ကိန်းအောင်းတော်မူသည့်​ခရစ်တော်​ပင် ဖြစ်၏။ ခရစ်တော်​ကြောင့် သင်တို့​သည် ဘုရားသခင်​၏ ဘုန်းအသရေ​ကို ရရှိ​ရန် မျှော်လင့်ရ၏။

၁ တိ 2:7

ထို့ကြောင့် လူမျိုးခြားတို့​ကို ယုံကြည်ခြင်း​နှင့် သမ္မာတရား​အကြောင်း သင်ကြား​ရန် ကျွန်ုပ်​သည် တရားဟောဆရာ​အဖြစ်​လည်းကောင်း၊ တမန်တော်​အဖြစ်​လည်းကောင်း ခန့်အပ်ခံရ၏။ ထိုသို့ ဆိုသော် ကျွန်ုပ်​သည် မလိမ်ညာဘဲ အမှန်​အတိုင်း​သာ ပြောဆိုခြင်း​ဖြစ်၏။

၂ တိ 1:11

ဤ​သတင်းကောင်း​အတွက် တရားဟောဆရာ၊ တမန်တော်​နှင့် ဆရာ​အဖြစ် ကျွန်ုပ်​ကို ခန့်ထားတော်မူပြီ။

ယာ​ကုပ် 1:1

ဘုရားသခင်​နှင့် သခင်​ယေရှု​ခရစ်တော်​တို့​၏​ကျွန် ကျွန်ုပ်​ယာကုပ် စာရေးလိုက်၏။ ဤ​စာ​သည် အနယ်နယ်​အရပ်ရပ်တို့​တွင် ကွဲလွင့်​ပျံ့နှံ့​နေသည့်​ဂျူးလူမျိုး​ဆယ့်နှစ်မျိုး​ထံသို့ ပို့လိုက်သော​စာ​ဖြစ်၏။

၁ ပေ 1:1

ကျွန်ုပ်​သည် ယေရှု​ခရစ်တော်​၏ တမန်တော်​ပေတရု​ဖြစ်၏။ ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာရှပြည်၊ ဗိသုနိပြည်​တို့​တွင် ကွဲလွင့်​ပျံ့နှံ့​လျက် ဧည့်သည်များ​အဖြစ် နေထိုင်ကြသည့် ဘုရားသခင်​ရွေးချယ်တော်မူသော လူများ​ထံသို့ ကျွန်ုပ်​စာရေးလိုက်၏။