Levitikosy 16:21 - Baiboly Katolika hapetrak’i Aarôna eo ambonin’ny lohan’ny osy lahy velona ny tanany roa, dia holazainy eo amboniny avokoa ny otan’ny zanak’i Israely sy ny fahadisoany rehetra araka izay fahotana nataony, hataony eo ambonin’ny lohan’ilay osy lahy izany ota izany, vao halefany ho any an’efitra izy, hoentin’ny olona efa voaomana. Baiboly Protestanta Malagasy 2011 Dia hapetrak’i Arona amin’ny lohan’ny osilahy velona ny tanany roa ka hekeny eo amboniny ny heloky ny Zanak’Israely rehetra sy ny fahadisoany rehetra, dia ny fahotany rehetra; ary hametraka izany eo amin’ny lohan’ilay osilahy izy ka hampandeha azy ho any an-tany efitra hoentin’ny lehilahy iray izay voatendry ho amin’izany. DIEM PROTESTANTA Hapetrany amin’ny lohan’io osilahy io ny tanany roa, ary hotanisainy eo amboniny avokoa ny heloka amam-pahadisoan’ny Israelita, araka ny fahotana rehetra vitany. Hatambesatr’i Aharôna amin’ilay osilahy ireo fahotana rehetra ireo; izay izy vao hampandroaka azy hankany an-taniefitra, hoentina lehilahy anankiray voatendry. Dikateny Iombonana Eto Madagasikara Hapetrany amin’ny lohan’io osilahy io ny tanany roa, ary hotanisainy eo amboniny avokoa ny heloka amam-pahadisoan’ny Israelita, araka ny fahotana rehetra vitany. Hatambesatr’i Aharôna amin’ilay osilahy ireo fahotana rehetra ireo; izay izy vao hampandroaka azy hankany an-taniefitra, hoentina lehilahy anankiray voatendry. Baiboly Protestanta Malagasy Dia hapetrak’i Arona amin’ny lohan’ny osilahy velona ny tànany roa, ka hekeny eo amboniny ny heloky ny Zanak’Isiraely rehetra sy ny fahadisoany rehetra, dia ny fahotany rehetra; dia hametraka izany eo amin’ny lohan’ny osilahy izy ka hampandeha azy ho entin’ny lehilahy voatendry hankany an-efitra. Malagasy Bible Dia hapetrak'i Arona amin'ny lohan'ny osilahy velona ny tànany roa, ka hekeny eo amboniny ny heloky ny Zanak'Isiraely rehetra sy ny fahadisoany rehetra, dia ny fahotany rehetra; dia hametraka izany eo amin'ny lohan'ny osilahy izy ka hampandeha azy ho entin'ny lehilahy voatendry hankany an-efitra. La Bible en Malgache Dia hapetrak’i Arona amin’ny lohan’ny osilahy velona ny tanany roa ka hekeny eo amboniny ny heloky ny Zanak’Israely rehetra sy ny fahadisoany rehetra, dia ny fahotany rehetra; ary hametraka izany eo amin’ny lohan’ilay osilahy izy ka hampandeha azy ho any an-tany efitra hoentin’ny lehilahy iray izay voatendry ho amin’izany. |
Raha mbola nitomany sy niankohoka teo anoloan’ny tranon’Andriamanitra i Esdrasa nanao izany fivavahana amam-pieken-keloka izany, dia nisy vahoaka Israelita maro be, lehilahy sy zaza amam-behivavy nivory teo aminy; fa samy nirotsaka be ihany ny ranomason’ny vahoaka.
Nambarako taminao ny fahotako, tsy mba nafeniko ny heloko. Hoy aho: «Hiaiky ny fahadisoako amin’i Iaveh aho.» Dia navelanao kosa ny heloky ny fahotako - Selà
Andriamanitra ô, mamindrà fo amiko, araka ny fiantranao; vonoy ny hadisoako, araka ny haben’ny famindram-ponao.
«Ny ombalahy hoentinao mankeo anoloan’ny trano lay fihaonana, ary i Aarôna sy ireo zanany hametraka ny tanany eo ambonin’ny lohan’ny ombalahy.
Izay manafina ny fahotany tsy mba hambinina; fa izay mitsotra sy mahafoy izany dia hahazo famindram-po.
Efa mpaniasia toy ny ondry avokoa isika, samy nanaraka ny lalany avy isika; ary nazeran’i Iaveh taminy avokoa ny helotsika rehetra.
Hametra-tanana eo ambonin’ny lohan’ny sorona dorana izy, dia horaisina izany mba ho soa ho azy, mba hanaovana fanonerana ho azy.
«Rehefa vita ny fanonerana ho an’ny fitoerana masina sy ny trano lay fihaonana ary ny ôtely, dia hateriny ny osy lahy velona;
Dia hoentin’ity osy lahy amin’ny tenany ho any amin’ny tany tsy misy mponina ny otan’izy rehetra, ka halefan’ilay olona any an’efitra ny osy lahy.
Fa hiaiky ny helony sy ny heloky ny razany izy ireo, noho ny fahadisoana nataony tamiko; hiaiky izy fa noho ny nandrosoany nanohitra Ahy,
Koa izay nahazo fahotana tamin’ny iray amin’ireo zavatra ireo, dia hiaiky amin’izay nahadiso azy tamin’ireo,
Satria ny finoana amin’ny fo no ahazoana fahamarinana; ary ny fanekena amin’ny vava no ahazoana famonjena,
Fa he ity izy: Ilay tsy nahalala ota, dia nataony ota ho antsika, mba ho tonga fahamarinan’Andriamanitra ao aminy isika!