Ka ny lahy matoa nataon’i Josefa hoe Manase, fa hoy izy: «Efa nampanadinoin’Andriamanitra ahy ny fahoriako rehetra sy ny tranon’ikaky rehetra»;
Josoa 17:1 - Baiboly Katolika Mbola nisy zara tany koa ho an’ny fokon’i Manase araka ny filokana noho izy lahimatoan’i Josefa. I Makira lahimatoan’i Manase sy rain’i Galaada dia nahazo an’i Galaada sy i Basana, satria lehilahy mpiantafika izy. Baiboly Protestanta Malagasy 2011 Nahazo zaratany tamin’ny antsapaka koa ny fokon’i Manase, fa izy no lahimatoan’i Josefa, dia i Makira, lahimatoan’i Manase, rain’i Gileada, fa izy no mpanafika ka nahazo an’i Gileada sy i Basana. DIEM PROTESTANTA Izao no zaratany navoakan’ny antsapaka ho an’ny fokon’i Manase izay lahimatoan’i Jôsefa. Teny atsinanan’i Jôrdàna, ny tarik’i Makira, lahimatoan’i Manase sady rain’i Gilehada, dia nomena ny faritany Gilehada sy Basàna, satria miaramila mahery fo i Makira. Dikateny Iombonana Eto Madagasikara Izao no zaratany navoakan’ny antsapaka ho an’ny fokon’i Manase izay lahimatoan’i Jôsefa. Teny atsinanan’i Jôrdàna, ny tarik’i Makira, lahimatoan’i Manase sady rain’i Gilehada, dia nomena ny faritany Gilehada sy Basàna, satria miaramila mahery fo i Makira. Baiboly Protestanta Malagasy Ary nahazo zara-tany tamin’ny filokana koa ny firenen’i Manase (fa izy no lahimatoan’i Josefa), dia Makira, lahimatoan’i Manase, rain’i Gileada, fa izy no mpanafika ka nahazo an’i Gileada sy Basana. Malagasy Bible Ary nahazo zara-tany tamin'ny filokana koa ny firenen'i Manase (fa izy no lahimatoan'i Josefa), dia Makira, lahimatoan'i Manase, rain'i Gileada, fa izy no mpanafika ka nahazo an'i Gileada sy Basana. La Bible en Malgache Nahazo zaratany tamin’ny antsapaka koa ny fokon’i Manase, fa izy no lahimatoan’i Josefa, dia i Makira, lahimatoan’i Manase, rain’i Gileada, fa izy no mpanafika ka nahazo an’i Gileada sy i Basana. |
Ka ny lahy matoa nataon’i Josefa hoe Manase, fa hoy izy: «Efa nampanadinoin’Andriamanitra ahy ny fahoriako rehetra sy ny tranon’ikaky rehetra»;
ary ny zandriny nataony hoe Efraima, fa hoy izy: «Efa nampitombo ahy Andriamanitra aty amin’ny tany nijaliako.»
izay naterak’i Aseneta zanaka vavin’i Potifara, mpisorona ao Ona, dia i Manase sy i Efraima.
Nony hitan’i Josefa fa napetra-drainy tamin’ny lohan’i Efraima ny tanany havanana, dia tsy sitrany izany, ka nalainy ny tanan-drainy hesoriny eo ambonin’ny lohan’i Efraima hatao eo amin’ny an’i Manase.
Ary hoy i Josefa tamin-drainy: «Tsy izao no izy, ry ikaky, fa ity no lahy matoa ka apetraho eo amin’ny lohany ny tananao havanana.»
Nahita ny terak’i Efraima hatramin’ny taranaka fahatelo izy. Ary nisy koa zanak’i Makira zanak’i Manase izay teraka ka noraisin’i Josefa teo am-pofoany.
dia natsangany ho mpanjaka amin’i Galaada, amin’ny Asorita, amin’i Zesraela, amin’i Efraima, amin’i Benjamina ary amin’i Israely rehetra.
Nalain’ny Gesorianina sy ny Sirianina taminy ny vohitr’i Jaira, sy i Kanata mbamin’ny tanàna momba azy, tanàna enimpolo. Ireo rehetra ireo no zanaka lahin’i Makira, rain’i Galaada.
Izao no lazain’ny Tompo Iaveh: Lohasaha iray no ho faritry ny tany horaisinareo ho zarataninareo araka ny foko 12 amin’i Israely; anjaran-droa no ho an’i Josefa.
Manolotra ny sisin-tanin’i Neftalì, hatramin’ny faritra atsinanana ka hatramin’ny faritra andrefana: anjara iray, ho an’i Manase.
Zanak’i Manase: ny fokon’ny Makirita avy tamin’i Makira, ary i Makira niteraka an’i Galaada, ny fokon’ny Galaadita avy tamin’i Galaada.
Tamin’izay tonga ny zanakavavin’i Salfaada, zanak’i Hefera, zanak’i Galaada, zanak’i Makira, zanak’i Manase, avy amin’ny fokon’i Manase zanak’i Josefa; ny anaran’izy ireo dia izao: Maalà, Nôà, Heglà, ary Tersà.
Dia nomen’i Môizy ny zanak’i Gada sy ny zana-dRobena ary ny antsasaky ny fokon’i Manase zanak’i Josefa, ny fanjakan’i Sehôna mpanjakan’ny Amôreana, sy ny fanjakan’i Oga mpanjakan’i Basàna, dia ny tany mbamin’ny tanànany sy ny faritany momba azy, ary ny tanàna eny amin’ny tany manodidina.
Fa ny zanak’ity tsy tiany ihany no hataony lahimatoa, sy homeny anjaran-droa amin’ny ananany rehetra, satria santatry ny fahatanjahany io zanany io, ka an’io ny fizokiana.»
Ny taranak’i Manase sisa koa dia samy nomena anjara araka ny fianakaviany avy, dia ny taranak’i Abiezera, ny taranak’i Sekema, ny taranak’i Hefera, ary ny taranak’i Semidà; ireo no zanaka lahin’i Manase zanak’i Josefa, araka ny fianakaviany.
I Môizy no nanome faritany, any amin’i Basàna, ho an’ny antsasaky ny fokon’i Manase, ary i Jôsoe kosa no nanome faritany ny antsasany sisa amin’ny rahalahiny atỳ an-dafin’i Jordany atỳ andrefana. Nony nampody azy ireo ho any an-dainy i Jôsoe dia nitso-drano azy,
Avy any amin’i Efraima ny olona izay mandatsa-paka amin’i Amaleka; nikambana tamin’ny antokonao i Benjamina teo aorianao; avy any amin’i Makira nisy lehibe nidina, avy any amin’i Zabolôna nisy mpitondra nitana ny tehin’ny mpanoratra.