Nomery 32:33 - Baiboly Katolika

³³ Dia nomen’i Môizy ny zanak’i Gada sy ny zana-dRobena ary ny antsasaky ny fokon’i Manase zanak’i Josefa, ny fanjakan’i Sehôna mpanjakan’ny Amôreana, sy ny fanjakan’i Oga mpanjakan’i Basàna, dia ny tany mbamin’ny tanànany sy ny faritany momba azy, ary ny tanàna eny amin’ny tany manodidina.

Baiboly Protestanta Malagasy 2011

³³ Dia nomen’i Mosesy ho an’ny taranak’i Gada sy ny taranak’i Robena ary ny antsasaky ny fokon’i Manase, zanak’i Josefa, ny fanjakan’i Sihona, mpanjakan’ny Amorita, sy ny fanjakan’i Oga, mpanjakan’i Basana, dia ny tany mbamin’ny tanànany ao amin’ny faritany, dia ny tanàna eny amin’ny tany manodidina.

DIEM PROTESTANTA

³³ Dia nomen’i Mosesy ny taranak’i Gada sy ny taranak’i Reobena ary ny antsasaky ny fokon’i Manase zanakalahin’i Jôsefa, ny fanjakan’i Sihôna mpanjakan’ny Amôrita sy ny fanjakan’i Hôga mpanjakan’i Basàna, dia ny tany mbamin’ny tanànany miaraka amin’ny faritra manodidina.

Dikateny Iombonana Eto Madagasikara

³³ Dia nomen’i Mosesy ny taranak’i Gada sy ny taranak’i Reobena ary ny antsasaky ny fokon’i Manase zanakalahin’i Jôsefa, ny fanjakan’i Sihôna mpanjakan’ny Amôrita sy ny fanjakan’i Hôga mpanjakan’i Basàna, dia ny tany mbamin’ny tanànany miaraka amin’ny faritra manodidina.

Baiboly Protestanta Malagasy

³³ Dia nomen’i Mosesy ho an’ny taranak’i Gada sy ny taranak’i Robena ary ny antsasaky ny firenen’i Manase, zanak’i Josefa, ny fanjakan’i Sihona, mpanjakan’ny Amorita, sy ny fanjakan’i Oga, mpanjakan’i Basana, dia ny tany mbamin’ny tanànany ao amin’ny fari-tany, dia ny tanàna eny amin’ny tany manodidina.

Malagasy Bible

³³ Dia nomen'i Mosesy ho an'ny taranak'i Gada sy ny taranak'i Robena ary ny an-tsasaky ny firenen'i Manase, zanak'i Josefa, ny fanjakan'i Sihona, mpanjakan'ny Amorka, sy ny fanjakan'i Oga, mpanjakan'i Basana dia ny tany mbamin'ny tanànany ao amin'ny fari-tany, dia ny tanàna eny amin'ny tany manodidina.

La Bible en Malgache

³³ Dia nomen’i Mosesy ho an’ny taranak’i Gada sy ny taranak’i Robena ary ny antsasaky ny fokon’i Manase, zanak’i Josefa, ny fanjakan’i Sihona, mpanjakan’ny Amorita, sy ny fanjakan’i Oga, mpanjakan’i Basana, dia ny tany mbamin’ny tanànany ao amin’ny faritany, dia ny tanàna eny amin’ny tany manodidina.

Nomery 32:33 Rohy Ifampitohizana

1Tantara 12:31

Avy amin’ny antsasa-pokon’i Manase 18.000, voatendry tamin’ny anarany no avy hampanjaka an’i Davida.

1Tantara 26:32

mbamin’ny rahalahiny, lehilahy maherin’ny 1.700, samy loham-pianakaviana. Ary notendren’i Davida mpanjaka izy ireo hifehy ny Robenita sy ny Gadita ary ny antsasa-pokon’i Manase, amin’ny raharahan’Andriamanitra rehetra sy ny raharahan’ny mpanjaka.

1Tantara 5:18

Tamin’ny tarana-dRobena sy ny Gadita ary antsasaky ny fokon’i Manase dia nisy lehilahy mahery, mahatana ampinga aman-tsabatra, mahalefa tsipìka, zatra an’ady, 44.760 ny isany, samy vonon-kilatsaka ho mpiady.

Nomery 32:1

Ny zana-dRobena sy ny zanak’i Gada dia nanana biby fiompy be tokoa; ka nony hitany fa tany tsara ho fiandrasana biby fiompy ny tany ao Jazera sy ny tany ao Galaada,

Nomery 32:32

Handeha mitam-piadiana izahay ho any amin’ny tany Kanaana eo anatrehan’i Iaveh, ary ho raikitra atỳ andafin’i Jordany ny anjara fananana ho lovanay.»

Nomery 34:14

Fa ny fokon’ny zana-dRobena araka ny fokom-pianakaviany avy, sy ny fokon’ny zanak’i Gada, araka ny fokom-pianakaviany avy, dia efa samy nandray ny azy, ny antsasaky ny fokon’i Manase efa nandray ny lovany.

Nomery 34:15

Samy efa naka ny anjara lovany atỳ an-dafin’i Jordany hitsin’i Jerikô amin’ny lafiny any atsinanana, amin’izay hiposahan’ny masoandro, ny foko roa sy ny antsasa-poko.

Deoteronomia 29:8

Koa tandremo àry ny tenin’ity fanekena ity, ary araho izy, mba hahomby ianareo, amin’izay rehetra hataonareo.

Josoa 12:1

Ireto no mpanjakan’ny tany resin’ny zanak’i Israely, ary nalainy ny taniny any an-dafin’i Jordany any atsinanana, hatramin’ny ranon-driakan’i Arnôna ka hatramin’ny tendrombohitra Hermôna, sy ny Arabaha manontolo any atsinanan’ny ony:

Josoa 12:6

I Môizy mpanompon’i Iaveh sy ny zanak’i Israely no nandresy an’ireo; ary ny Robenita sy ny Gadita, mbamin’ny antsasaky ny fokon’i Manase no nomen’i Môizy mpanompon’i Iaveh ny tanin’izy ireo mba ho fananany.

Josoa 14:3

fa ny foko roa sy ny antsasa-poko efa nomen’i Môizy lova tany an-dafin’i Jordany, fa tsy mba nomeny lova teo amin’izy ireo ny Levita.

Josoa 22:4

Ary ankehitriny, efa nomen’i Iaveh Andriamanitrareo fitsaharana ny rahalahinareo, araka ny efa nolazainy taminy; koa modia ary mankanesa any amin’ny lainareo, any amin’ny tany izay anareo, izay nomen’i Môizy mpanompon’i Iaveh anareo, any andafin’i Jordany.

Josoa 22:7

I Môizy no nanome faritany, any amin’i Basàna, ho an’ny antsasaky ny fokon’i Manase, ary i Jôsoe kosa no nanome faritany ny antsasany sisa amin’ny rahalahiny atỳ an-dafin’i Jordany atỳ andrefana. Nony nampody azy ireo ho any an-dainy i Jôsoe dia nitso-drano azy,

1Samoela 13:7

Nisy Hebrio sasany koa nita an’i Jordany ho any amin’ny tany Gada sy Galaada. I Saola izany dia mbola tany Galgalà ary tera-kovitra avokoa ny vahoaka nanaraka azy.