Josoa 17:1 - Baiboly Protestanta Malagasy

¹ Ary nahazo zara-tany tamin’ny filokana koa ny firenen’i Manase (fa izy no lahimatoan’i Josefa), dia Makira, lahimatoan’i Manase, rain’i Gileada, fa izy no mpanafika ka nahazo an’i Gileada sy Basana.

Baiboly Protestanta Malagasy 2011

¹ Nahazo zaratany tamin’ny antsapaka koa ny fokon’i Manase, fa izy no lahimatoan’i Josefa, dia i Makira, lahimatoan’i Manase, rain’i Gileada, fa izy no mpanafika ka nahazo an’i Gileada sy i Basana.

DIEM PROTESTANTA

¹ Izao no zaratany navoakan’ny antsapaka ho an’ny fokon’i Manase izay lahimatoan’i Jôsefa. Teny atsinanan’i Jôrdàna, ny tarik’i Makira, lahimatoan’i Manase sady rain’i Gilehada, dia nomena ny faritany Gilehada sy Basàna, satria miaramila mahery fo i Makira.

Dikateny Iombonana Eto Madagasikara

¹ Izao no zaratany navoakan’ny antsapaka ho an’ny fokon’i Manase izay lahimatoan’i Jôsefa. Teny atsinanan’i Jôrdàna, ny tarik’i Makira, lahimatoan’i Manase sady rain’i Gilehada, dia nomena ny faritany Gilehada sy Basàna, satria miaramila mahery fo i Makira.

Baiboly Katolika

¹ Mbola nisy zara tany koa ho an’ny fokon’i Manase araka ny filokana noho izy lahimatoan’i Josefa. I Makira lahimatoan’i Manase sy rain’i Galaada dia nahazo an’i Galaada sy i Basana, satria lehilahy mpiantafika izy.

Malagasy Bible

¹ Ary nahazo zara-tany tamin'ny filokana koa ny firenen'i Manase (fa izy no lahimatoan'i Josefa), dia Makira, lahimatoan'i Manase, rain'i Gileada, fa izy no mpanafika ka nahazo an'i Gileada sy Basana.

La Bible en Malgache

¹ Nahazo zaratany tamin’ny antsapaka koa ny fokon’i Manase, fa izy no lahimatoan’i Josefa, dia i Makira, lahimatoan’i Manase, rain’i Gileada, fa izy no mpanafika ka nahazo an’i Gileada sy i Basana.

Josoa 17:1 Rohy Ifampitohizana

Genesisy 41:51

Ary ny anaran’ny lahimatoa dia nataon’i Josefa hoe Manase; fa hoy izy: Andriamanitra efa nampanadino ahy ny fahoriako rehetra sy izay rehetra tao an-tranon’ny raiko.

Genesisy 41:52

Ary ny anaran’ny zandriny kosa nataony hoe Efraima; fa hoy izy: Andriamanitra efa nahamaro ahy teto amin’ny tanin’ny fahoriako.

Genesisy 46:20

Ary ny zanakalahin’i Asenata, zanakavavin’i Poti-fera, mpisorona tao Ona, izay naterak’i Josefa tany amin’ny tany Egypta, dia Manase sy Efraima.

Genesisy 48:17

Ary rehefa hitan’i Josefa fa ny rainy nametraka ny tanany ankavanana teo amin’ny lohan’i Efraima, dia tsy sitrany izany; ka noraisiny ny tànan’ny rainy, mba hampiala azy amin’ny lohan’i Efraima ho amin’ny lohan’i Manase,

Genesisy 48:18

ka hoy Josefa tamin’ny rainy: Tsy izao no izy, ry ikaky; fa ity no lahimatoa, ka apetraho eo amin’ny lohany ny tànanao ankavanana.

Genesisy 50:23

Ary hitan’i Josefa ny zafiafin’i Efraima; ny zanak’i Makira koa, zanakalahin’i Manase, dia noraisin’ i Josefa ho eo am-pofoany.

2Samoela 2:9

dia nampanjaka azy tamin’i Gileada sy ny Asorita sy Jezirela sy ny Efraima sy ny Benjamina ary ny Isiraely rehetra. (

1Tantara 2:23

Ary nalain’i Gesora sy Arama tamin’ny Jaïrita ny tanàna madinika an’i Jaïra mbamin’i Kenata sy ny zana-bohiny, dia tanàna enim-polo izany. Ireo rehetra ireo no an’ny zanak’i Makira, rain’i Gileada.

Ezekiela 47:13

IZAO no lazain’i Jehovah Tompo: Izao no faritry ny tany hozarainareo ho lova araka ny firenen’Isiraely roa ambin’ny folo; anjaran-droa no ho an’i Josefa.

Ezekiela 48:4

Ary mifanolotra amin’ny fari-tanin’i Naftaly, hatrany atsinanana ka hatrany andrefana, dia iray koa ho an’i Manase.

Nomery 26:29

Ny taranak’i Manase dia izao: avy tamin’i Makira ny fokon’ny Makirita; ary Makira niteraka an’i Gileada; avy tamin’i Gileada ny fokon’ny Gileadita.

Nomery 27:1

ARY avy ny zanakavavin’i Zelofada, zanakalahin’i Hefera, zanak’i Gileada, zanak’i Makira, zanak’i Manase, avy tamin’ny fokon’i Manase, zanak i Josefa (ary izao no anarany: Mahala sy Noa sy Hogla sy Milka ary Tirza),

Nomery 32:33

Dia nomen’i Mosesy ho an’ny taranak’i Gada sy ny taranak’i Robena ary ny antsasaky ny firenen’i Manase, zanak’i Josefa, ny fanjakan’i Sihona, mpanjakan’ny Amorita, sy ny fanjakan’i Oga, mpanjakan’i Basana, dia ny tany mbamin’ny tanànany ao amin’ny fari-tany, dia ny tanàna eny amin’ny tany manodidina.

Deoteronomia 21:17

fa ny lahimatoa, zanak’ilay tsy tiany ihany, no hekeny ka homeny anjaran-droa amin’izay rehetra ananany; fa voalohan’ainy izy, ka azy ny fizokiana.

Josoa 17:2

Ary nisy koa ho an’ny taranak’i Manase sisa araka ny fokony, dia ho an’ny taranak’i Abiezera sy Heleka sy Asriela sy Sekema sy Hefera ary Semida: ireo no zanakalahin’i Manase, zanak’i Josefa, araka ny fokony.

Josoa 22:7

Ary ny antsasaky ny firenen’i Manase efa nomen’i Mosesy lova tany Basana; fa ny antsasany kosa efa nomen’i Josoa teo amin’ny rahalahiny etỳ an-dafy andrefan’i Jordana. Ary raha nampodin’i Josoa ho any amin’ny lainy koa ireo, dia notsofiny rano izy

Mpitsara 5:14

Ny avy amin’i Efraima, izay miorina amin’i Amaleka, Dia nomba anao teo amin’ny firenenao, ry Benjamina; Avy tany Makira no nidinan’ny mpanao lalàna, Ary avy tamin’i Zebolona ireo mitana ny tehin’ny mpifehy.