Josoa 10:13 - Baiboly Katolika

Dia nijanona ny masoandro ary tsy nandroso koa ny volana Mandra-pamalin’ny firenena ny fahavalony.

Baiboly Protestanta Malagasy 2011

Dia nijanona ny masoandro, ary nijanona koa ny volana, mandra-pamalin’ny olona ny fahavalony. Tsy efa voasoratra ao amin’ny Bokin’i Jasara va izany? Dia nijanona teo afovoan’ny lanitra ny masoandro ka tsy nandroso hilentika saika indray andro manontolo.

DIEM PROTESTANTA

Dia nijanona ny masoandro ary niato ny volana ambara-pandresin’ny firenena israelita ny fahavalony. Araka izay efa voasoratra tao amin’ny bokin’i Ilemahitsy, dia nijanona teo afovoan’ny lanitra tokoa ny masoandro, ka tsy nety hilentika indray andro manontolo.

Dikateny Iombonana Eto Madagasikara

Dia nijanona ny masoandro ary niato ny volana ambara-pandresin’ny firenena israelita ny fahavalony. Araka izay efa voasoratra tao amin’ny bokin’i Ilemahitsy, dia nijanona teo afovoan’ny lanitra tokoa ny masoandro, ka tsy nety hilentika indray andro manontolo.

Baiboly Protestanta Malagasy

Dia nijanona ny masoandro, ary nijanona koa ny volana, Mandra-pamalin’ny olona ny fahavalony. Tsy efa voasoratra eo amin’ny Bokin’i Jasara va izany? Dia nijanona teo afovoan’ny lanitra ny masoandro ka tsy nandroso hilentika tokony ho indray andro maninjitra.

Malagasy Bible

Dia nijanona ny masoandro, ary nijanona koa ny volana, Mandra-pamalin'ny olona ny fahavalony. Tsy efa voasoratra eo amin'ny Bokin'i Jasara va izany? Dia nijanona teo afovoan'ny lanitra ny masoandro ka tsy nandroso hilentika tokony ho indray andro maninjitra.

La Bible en Malgache

Dia nijanona ny masoandro, ary nijanona koa ny volana, mandra-pamalin’ny olona ny fahavalony. Tsy efa voasoratra ao amin’ny Bokin’i Jasara va izany? Dia nijanona teo afovoan’ny lanitra ny masoandro ka tsy nandroso hilentika saika indray andro manontolo.

Josoa 10:13 Rohy Ifampitohizana

2Samoela 1:18

ka nasainy nampianarina ny zanak’i Jodà izany. Io ilay hira hoe: Tsipìka. Indro fa voasoratra ao amin’ny Bokin’ny Marina izany:

2Mpanjaka 20:10

Ka hoy ny navalin’i Ezekiasa: «Zavatra kely ny handrosoan’ny aloka ambaratonga folo, fa aoka hihemotra ambaratonga folo izy.»

Joba 9:7

Mandidy ny masoandro Izy, dia tsy miposaka io; asiany tombokase ny kintana.

Salamo 148:3

Miderà Azy, ry masoandro amam-bolana; miderà Azy, ianareo kintana mamirapiratra rehetra.

Salamo 19:4

Izany tsy mba fiteny, tsy mba teny izay tsisy haharenesana ny feony:

Isaia 24:23

Ary ny volana hihamena, ny masoandro hivaloarika, fa i Iavehn’ny tafika hanjaka ao an-tendrombohitra Siôna sy ao Jerosalema, ary ny voninahitra hamirapiratra eo anatrehan’ny loholony.

Isaia 38:8

Indro aho hampihemotra ny aloka hiverina araka ny ambaratonga efa nampidinan’ny masoandro azy, eo amin’ny ambaratongan’i Akaza, dia ambaratonga folo.› » Dia nihemotra ambaratonga folo, teo amin’ny ambaratonga efa nidinany teo, ny masoandro.

Joela 2:10

Eo anoloan’izy io, mihorohoro ny tany, mihozongozona ny lanitra, mihamaizina ny masoandro amam-bolana, ary mihamaloka ny kintana.

Habakoka 3:11

Tafajanona eo amin’ny fitoerany ny masoandro amam-bolana; ka ny fanjelajelatry ny zana-tsipìkanao no andehanan’ny olona, sy ny fahazavan’ny lefonao mamirapiratra.

Nomery 21:14

Ka izany no ilazana ao amin’ny bokin’ny Adin’i Iaveh hoe: «Lasan’i Iaveh i Vaheba mirimorimo fandeha, sy ny ranon-driakan’i Arnôna,

Nomery 31:2

«Valio amin’ny Madianìta ny nataony tamin’ny zanak’i Israely: rehefa afaka izany dia hangonina any amin’ny razanao ianao.»

Matio 24:29

«Ary raha vao afaka izany andron’ny fahoriana izany, dia hihamaizina ny masoandro, tsy hahazava ny volana, hiraraka avy eny an-danitra ny kintana, ary hihozongozona ny herin’ny lanitra.

Matio 5:45

mba ho zanaky ny Rainareo izay any an-danitra ianareo, dia Ilay mampiposaka ny masoandrony amin’ny tsara fanahy sy ny ratsy fanahy, ary mandatsaka ny ranonorana amin’ny marina sy ny tsy marina.

Lioka 18:7

ka Andriamanitra indray va no tsy hanome rariny ny olom-pinidiny izay mitaraina aminy andro aman’alina, ary tsy halaky hamonjy azy?

Asan’ny Apostoly 2:20

Ny masoandro hanjary maizina, ary ny volana ho ra, alohan’ny hahatongavan’ny andron’ny Tompo, dia ilay sady lehibe no malaza;

Josoa 10:11

Tamin’ny nandosiran’izy ireo teo anatrehan’ny zanak’i Israely teo amin’ny fidinan’i Betôrôna dia nampianjeran’i Iaveh vato vaventy izy ireo hatrany Azekà, ka maty; be lavitra ny matin’ny havandra vato noho ny matin’ny sabatry ny zanak’i Israely.

Josoa 10:14

Tsy nisy andro toy izany, na tany aloha na tatỳ aoriana, izay nihainoan’i Iaveh ny feon’ny olona anankiray, fa niady momba an’i Israely i Iaveh.

Apokalipsy 21:23

Tsy mila masoandro ny tanàna, na volana hanazava azy, fa ny voninahitr’Andriamanitra no mamirapiratra ao aminy, ary ny Zanak’ondry no fanilony.

Apokalipsy 6:10

Ary niantso tamim-peo mahery izy ireo, nanao hoe: «Ry Tompo masina sy marina ô! rahoviana re Ianao vao hitsara sy hanadina ny ranay amin’ny mponina eny ambonin’ny tany?»

Apokalipsy 6:12

Nony nosokafany ny tombokase fahenina, dia hitako, fa indro nisy horohoron-tany mafy, ary ny masoandro tonga mainty toy ny akanjo malailay volom-biby; ny volana manontolo nanjary toy ny ra;

Apokalipsy 8:12

Nitsoka ny trômpetra indray ny Anjely fahefatra, dia voa ny ampahatelon’ny masoandro sy ny ampahatelon’ny volana ary ny ampahatelon’ny kintana, ka tonga maizina ny ampahatelon’ireo, tsy nazava intsony ny ampahatelon’ny andro, ary toraka izany koa ny alina.

Mpitsara 16:28

Dia niantso an’i Iaveh i Samsôna nanao hoe: «Ry Iaveh Tompo ô, mihanta aminao aho, tsarovy re aho, ka omeo hery amin’ity indray mandeha ity monja, ry Andriamanitra ô, mba hamaliako ny Filistinina amin’ny indray mitoraka ihany, noho ny amin’ny masoko roa.»

Mpitsara 5:2

«Nitsangana hitarika ny lehibe ao amin’i Israely; ny vahoaka nanolo-tena an-tsitrapo hiady; ka misaora an’i Iaveh amin’izany ianareo!