Mpitsara 5:2 - Baiboly Katolika

² «Nitsangana hitarika ny lehibe ao amin’i Israely; ny vahoaka nanolo-tena an-tsitrapo hiady; ka misaora an’i Iaveh amin’izany ianareo!

Baiboly Protestanta Malagasy 2011

² Noho ny fanokanan-tena tanteraka teo amin’ny Israely sy ny fanoloran-tena an-tsitrapo nataon’ny vahoaka dia miderà NY TOMPO!

DIEM PROTESTANTA

² Efa samy vonon-kiantafika ny vatan-dehilahy eto Israely, nanolo-tena hiady ny vahoaka; koa isaory ny TOMPO izany!

Dikateny Iombonana Eto Madagasikara

² Efa samy vonon-kiantafika ny vatan-dehilahy eto Israely, nanolo-tena hiady ny vahoaka; koa isaory ny TOMPO izany!

Baiboly Protestanta Malagasy

² Noho ny fitarihan’ ny lehibe tamin’ny Isiraely Sy ny fahazotoan’ny vahoaka nanolo-tena, Dia miderà an’i Jehovah.

Malagasy Bible

² Noho ny fitarihan'ny lehibe tamin'ny Isiraely sy ny fahazotoan'ny vahoaka nanolotena, dia miderà an'i Jehovah.

La Bible en Malgache

² Noho ny fanokanan-tena tanteraka teo amin’ny Israely sy ny fanoloran-tena an-tsitrapo nataon’ny vahoaka dia miderà NY TOMPO!

Mpitsara 5:2 Rohy Ifampitohizana

2Tantara 17:16

Ary teo anilany i Amasiasa zanak’i Zekri, izay nanokan-tena an-tsitrapo ho an’i Iaveh sy lehilahy mahery 200.000 niaraka taminy.

Nehemia 11:2

Ary nisaoran’ny vahoaka izay rehetra nanolo-tena ho azy, honina ao Jerosalema.

Salamo 103:2

Misaora an’i Iaveh, ry fanahiko, ary aza manadino ny soa rehetra avy aminy.

Salamo 110:3

Midodododo aminao ny vahoakanao amin’ny andro hamorianao ny tafikao, mitondra ny fanamiana masina: avy ao ampofoan’ny mazava atsinanana, dia mankao aminao ny ranonandon’ny mpiadinao tanora.

Salamo 136:15

Ary namarina an’i Faraôna sy ny tafiny tao amin’ny Ranomasina Mena, fa mandrakizay ny famindram-pony.

Salamo 18:47

Ho velona anie i Iaveh, ary hisaorana anie ny vatolampiko! Hankalazaina anie ny Andriamanitry ny famonjeko,

Salamo 48:11

Tahaka ny Anaranao, ry Andriamanitra, toy izany koa ny fiderana Anao tonga hatrany am-para vazantany. Feno fahamarinana ny tananao ankavanana.

Salamo 94:1

Ry Iaveh, Andriamanitry ny famaliana, ry Andriamanitry ny famaliana, misehoa!

Salamo 97:8

Nandre i Siôna, ka nifaly; niravoravo ireo zanakavavin’i Jodà,

1Korintiana 9:17

Raha safidim-poko fotsiny no anaovako izany, dia hoe mendri-baly aho; fa didy no anaovako azy, ka dia adidy napetraka hiandraiketako izany.

2Korintiana 8:12

Fa rehefa eo ny fahazotoana hanao, dia araka izay ananana ihany, fa tsy araka izay tsy ananana, no ankasitrahana izay atao.

2Korintiana 9:7

Samia manao araka izay efa nokasainy tao am-pony avy, tsy amin’alahelo na an-tery, fa mpanome an-kafaliana no sitrak’Andriamanitra.

Deoteronomia 32:43

Ry firenena, aoka hanao horakora-pifaliana ianareo, ho voninahitry ny vahoakany. Fa valian’i Iaveh ny ran’ny mpanompony asiany valim-bonoana izay mandrafy Azy. Dia manao fanonerana ho an’ny taniny, ho an’ny vahoakany Izy.

Deoteronomia 33:21

Nifidy ny voalohan-tany ho azy izy; fa anjara-mpifehy no voaafina ao, ary nandroso nialoha lalana ny vahoaka, nanatanteraka ny fahamarinan’i Iaveh izy sy ny fitsaràny, niaraka tamin’i Israely».

Filipiana 2:13

fa Andriamanitra no manao ao aminareo ny mikasa sy ny manao, sy hanatanteraka ny hevi-pitiavany ny aminareo.

Filemona 1:14

saingy naleoko tsy nanao na inona na inona raha tsy teny ierana aminao, mba tsy ho an-tery setra ny asa soanao, fa ho an-tsitrapo tokoa.

Apokalipsy 18:20

Mifalia noho ny nanjò azy ianao, ry lanitra, sy ianareo olo-masina, mbaminareo apôstôly sy mpaminany koa, fa fanomezan-drariny anareo no nanamelohan’Andriamanitra azy.

Apokalipsy 19:2

fa marina sy mahitsy ny fitsaràny, satria Izy nanameloka ilay Vehivavy janga malaza izay nandoto ny tany tamin’ny fijangajangany, sy namely an’io noho ny ran’ny mpanompony izay nalatsaky ny tanany.»

Mpitsara 5:9

Miantoraka amin’ny mpitondra an’i Israely ny foko sy amin’ny vahoaka anisan’ny nanolo-tena: Misaora an’i Iaveh!