Mpitsara 5:2 - DIEM PROTESTANTA

² Efa samy vonon-kiantafika ny vatan-dehilahy eto Israely, nanolo-tena hiady ny vahoaka; koa isaory ny TOMPO izany!

Baiboly Protestanta Malagasy 2011

² Noho ny fanokanan-tena tanteraka teo amin’ny Israely sy ny fanoloran-tena an-tsitrapo nataon’ny vahoaka dia miderà NY TOMPO!

Dikateny Iombonana Eto Madagasikara

² Efa samy vonon-kiantafika ny vatan-dehilahy eto Israely, nanolo-tena hiady ny vahoaka; koa isaory ny TOMPO izany!

Baiboly Katolika

² «Nitsangana hitarika ny lehibe ao amin’i Israely; ny vahoaka nanolo-tena an-tsitrapo hiady; ka misaora an’i Iaveh amin’izany ianareo!

Baiboly Protestanta Malagasy

² Noho ny fitarihan’ ny lehibe tamin’ny Isiraely Sy ny fahazotoan’ny vahoaka nanolo-tena, Dia miderà an’i Jehovah.

Malagasy Bible

² Noho ny fitarihan'ny lehibe tamin'ny Isiraely sy ny fahazotoan'ny vahoaka nanolotena, dia miderà an'i Jehovah.

La Bible en Malgache

² Noho ny fanokanan-tena tanteraka teo amin’ny Israely sy ny fanoloran-tena an-tsitrapo nataon’ny vahoaka dia miderà NY TOMPO!

Mpitsara 5:2 Rohy Ifampitohizana

2Tantara 17:16

ary nanarakaraka azy indray dia i Hamasià, zanakalahin’i Zikry sady nanolo-tena an-tsitrapo ho an’ny TOMPO, mpifehy lehilahy maherifo nisy andiany roanjato.

Nehemia 11:2

Nisaoran’ny vahoaka manokana ny lehilahy rehetra izay nanolo-tena honina ao Jerosalema.

Salamo 103:2

Eny, aoka hisaotra ny TOMPO aho, ka tsy hisy hohadinoiko ny soa nataony!

Salamo 110:3

Miaramila voafantina no miaraka aminao amin’ny andro amorianao ny tafikao. Eny amin’ny tendrombohitra masina no hanatona Anao ireo zatovolahinao toy ny ando napoitran’ny mazavatsinanana.

Salamo 136:15

fa nanipy ny Farao sy ny tafiny tao; –eny, maharitra mandrakizay ny fitiavany!

Salamo 18:47

Velona ny TOMPO! Isaorana ny Vatolampiko. Hasandratra anie Andriamanitra mpamonjiko!

Salamo 48:11

Hatrany am-paran’ny tany ny lazanao, ka hatrany koa no hiderana Anao. Feno fahamarinana ny tananao ankavanana;

Salamo 94:1

TOMPO Andriamanitra mpamaly ny natao ô, ry Andriamanitra mpamaly ny natao ô, mba misehoa!

Salamo 97:8

Mandre izany i Tsiôna ka miravo; ireo tanànan’i Joda mifaly noho ny fifehezanao, TOMPO ô,

1Korintiana 9:17

Raha safidim-poko no anaovako izany, dia tokony hahazo valisoa aho; fa raha baiko no anaovako izany, dia andraikitra nankinin’Andriamanitra tamiko.

2Korintiana 8:12

Fa raha misy ny risi-po hanome, dia ny manome araka izay ananana ihany no ankasitrahin’Andriamanitra, fa tsy hoe ny manome araka izay tsy ananana.

2Korintiana 9:7

Aoka samy hanome araka izay nokasain’ny fony avy, tsy amin’alahelo na an-terivozona, satria ny mpanome an-kafaliana no tian’Andriamanitra.

Deoteronomia 32:43

Ry hafa firenena, hobio ilay vahoakan’Andriamanitra! Fa valian’ny TOMPO ny nahafatesan’ny mpanompony; eny, valiany tokoa ireo mpandrafy Azy, ary avotany kosa ny taniny mbamin’ny vahoakany.

Deoteronomia 33:21

Nahazo ny zaratany tsara indrindra ho azy izy, dia anjara voatokana ho an’ny mpifehy; avy eo niaraka tamin’ny lehiben’ny vahoaka izy ka nanao ny marina soritan’ny TOMPO sy ny fitsipiny hanasoavana an’i Israely.»

Filipiana 2:13

satria miasa ao anatinareo hatrany Andriamanitra hahatonga anareo hikasa sy hahatanteraka izay mifanaraka amin’ny safidim-pony.

Filemona 1:14

Kanefa tsy te hanao na inona na inona aho raha tsy teny ierana aminao; tsy tiako ny hanoavanao ahy tsy sazoka fa mba ho nahim-ponao tokoa.

Apokalipsy 18:20

Mifalia amin’ny manjo an’i Babilôna ianao, ry lanitra, sy ianareo vahoakan’Andriamanitra mbamy ianareo apôstôly sy mpaminany, satria efa nitsara azy Andriamanitra ka nanome rariny anareo!

Apokalipsy 19:2

fa mahitsy sy ara-drariny ny fitsarana ataony, satria Izy efa nanameloka ilay vehivavy janga malaza izay nandoto ny tany tamin’ny fijangajangàny, ary efa namaly azy noho ny ran’ireo mpanompon’Andriamanitra efa nalatsany.»

Mpitsara 5:9

Ny ahy ny fo dia miandany amin’ireo komandin’i Israely; ny foko dia miandany amin’ireo vahoaka nanolo-tena hiady; koa isaory ny TOMPO izany!