Ñemohenda
VERSIÓN DÍA ESPECIAL REHEGUA
Tupã ningo iporãiterei ha ñandéve omeʼẽ ára ombovyʼa ha ñanembovyʼa hag̃ua ñane familia ha ñane amigo-kuéra ndive. Umi ára ijojahaʼỹva ñahaʼarõitereíva javyʼa hag̃ua, tahaʼe peteĩ kumpleaños, peteĩ aniversario, peteĩ kasamiento, ha ambue ára jevy.
Ha katu, Tupã ñandéve omeʼẽ imbaʼeporã pyahu koʼẽ rire ha ojapo chugui peteĩ ára ijojahaʼỹva, peteĩ ára ñanembovyʼa hag̃ua ñande Ruvicha Jesucristo ndive ha jaikuaa imbaʼe porãite.
Umi vyʼaguasu ñande jahayhuetéva ndive jajapo jave, ikatu voi ñamboʼe Tupã Ñeʼẽ ha ñañemboʼe imbaʼeporãre.
Pemomba’eguasu ichupe mba’epu pararãme ha jeroky reheve, pemomba’eguasu ichupe mba’epu isãva ha mimby reheve.
Torypápe pepurahéi joa Ñanderuetépe, mayma yvyarigua pemomba’eguasu, pepurahéi ha pembopu joa ichupe mba’epu rorýpe.
Pepurahéi pemomba’eguasúvo Ñanderuetépe, mbaraka ha árpa púpe ha pepurahéi hatãkena.
Pembopu turu ha mimby Ñanderuete renondépe, ñane mburuvichaguasuteévape g̃uarã.
Ha og̃uahẽvo Israel retãme ombopu turu Efrain cérrope, ha Israel ñemoñarenguéra oguejy joa hendive cérrogui ha ha’e oho henonderãme.
Upévare che romomba’eguasúta avei árpa púpe. Nde, che Jaraite, Nde reñangareko porã haguére che rekove pukukue rehe che rogueropurahéita mbaraka púpe, Nde ha’égui Israel ha che Jára heko porãva.
Pemomba’eguasu ichupe turu púpe, pemomba’eguasu ichupe mbaraka ha árpa púpe.
Pemomba’eguasu ichupe mba’epu pararãme ha jeroky reheve, pemomba’eguasu ichupe mba’epu isãva ha mimby reheve.
Pemomba’eguasu ichupe platíllo púpe, pemomba’eguasu ichupe platíllo pu rorýpe.
Tetãygua maymáva oma’ẽ mombyry joa arasunu ha aratiri rehe, ha trompéta pu ha pe cérro hatatĩva rehe; ha tetãyguakuéra ohechávo upéva oryryipa ha oñemomombyry.
David ha Israelguakuéra ovy’aiterei Ñanderuete renondépe, ha imbaretekue reheve opurahéi, ojeroky ha ombopu árpa, mbaraka, mba’epu pararã, platíllo ha trompéta.
Ha ko sándalo yvyrágui Salomón ojapouka escaléra Ñanderuete rogaguasúpe ha tetã ruvicha rógape, ha ojapouka avei árpa ha mbarakakuéra umi opurahéivape g̃uarã, araka’eve ndouvéi peichagua sándalo yvyra, ni ndojehechavéi ko ára kóva peve.
Péicha Israelguakuéra ogueraha vy’apópe Ñanderuete karameg̃ua, turu, trompéta, platíllo ha mbaraka púpe.
Ha David ha opaite Israelguakuéra rogaygua ojeroky joa Ñanderuete renondépe opaichagua mba’epu reheve: Árpa, mbaraka, mba’e pararã, mimby ha platillokuéra reheve.
Ha ojehu pe ára mbohapyhápe, ko’ẽ jave, oiko arasunu, aratiri ha arai iñanambusúva ojaho’ipáva pe cérro ru’ã, trompéta ipu hatãitereíva, omboryryipáva mayma tetãygua ijatývape.
Ha ome’ẽ jevy hikuái iñe’ẽ Ñanderuetépe sapukái ha vy’apópe, trompéta ha turu púpe oservi jevytaha ichupe.
Upéramo aháta Ñanderuete kuave’ẽmby rendápe, Ñanderuete chembohory ha chembovy’a jevy hag̃ua, ha romomba’eguasúta árpa púpe, Nde ningo, che Ruete ha che Jaratee.
Oka’u jave ojapysaka hikuái mbaraka ha árpa pu rehe, mimby ha tambor pu rehe, noma’ẽi katu Ñanderuete rembiapokue rehe, ha ndojepy’amongetaséigui ipo rembiapokue rehe.
Oñemboarete hag̃ua, ojejapopa haguére Jerusalen táva tápia rembiapo, oñehenoiuka opaite Leviguakuérape, omomba’eguasu ha opurahéi hag̃ua platíllo púpe, árpa púpe ha mbaraka púpe Jerusalénpe.
Yvyarigua atykuéra oúta omomba’eguasu hag̃ua Ñanderuetépe ha katuete og̃uahẽta che Jára oĩháme, heko jajaipáva rendápe.
Heta opurahéiva oho tenonderãme, ha umi ombopúva mbaraka oho hapykuéri, ha ipa’ũme oho umi kuñataĩ ombopúva mba’epu pararã.
Asaf pe peteĩha; ha’e rire Zacarías, pe mokõiha; upéi: Jeiel, Semiramot, Jehiel, Matitías, Eliab, Benaía, Obed-edom ha Jeiélpe, hi’árpa ha imbarakakuéra reheve; Asaf katu pe platíllo mbopuhára.
Ha pa’ikuéra Benaía ha Jahaziel ombopu trompéta tapiaite Ñanderuete karameg̃ua renondépe.
Upéicha David he’i avei Levigua ruvichakuérape, opurahéi ha ombopu hag̃ua imbaraka, hi’árpa ha iplatillokuéra ovy’apa joa hag̃ua hikuái.
Upéramo pembopu hatã pe turu, pe jasy 7-ha jave, pe ára 10-hápe, og̃uahẽmagui pe ñemoĩ porã jevyha áñope, pembopu pe turu opaite pene retãpy rehe.
Pemomba’eguasu Ñanderuetépe mbaraka púpe, pepurahéi avei ichupe árpa púpe.
Ñane ánga toha’ãrõ Ñanderuete ojapóva rehe, Ha’e ñanepytyvõta ha Ha’e ñanemo’ãta.
Upéicha Ñanderuete ñanembopy’arory jajerovia porãgui héra porãite rehe.
Nde poriahuvereko toĩ orendive, Nde, ore Ruete, ore rojeroviágui nderehe.
Pepurahéi ichupe purahéi pyahu, pembopu hatãkéna ha vy’apópe pene mba’epu.
Mba’upéiko rekañy chembotavy hag̃ua, ndereikuaaukái chéve rehoseha ikatu hag̃uáicha romomaitei paha, tory ha puraheipópe, mba’epu tarara ha árpa púpe.
Mba’eporãite ningo romomba’eguasu ramo ndéve, ore Ruete, ha rogueropurahéi nde réra, Nde, ningo pe Jára Ijyvatetéva.
Nde katu chemombarete mbaretevéta ku tóro hesaitévaicha, ha acéite ryakuã porãme añemona aikóvo.
Ha che resakuéra oma’ẽta umi cherayhu’ỹva rehe (mba’éichapa oñehundi); ha che apysakuéra ohendúta umi cherehe opu’ãva’ekue (mba’éichapa omano).
Pe heko potĩva katu ipotýta mbokajáicha ha okakuaáta ku cédro Líbano peguáicha.
Umía oñeñotỹ Ñanderuete rogaguasúpe ha ikorapýpe ipoty joa hag̃ua.
Ituja rire jepe hi’a porã, imbarete ha hovyũ asy,
omombe’u hag̃ua Ñanderuete hekojojaha, ha ipype ndaiporiha hekopeguaỹva.
Pyharevekuépe omombe’u nde poriahuvereko, ha pyharekuépe nde reko añeteguáva.
Umi mbaraka 10 isãva, arpaguasu ha árpa michĩ púpe romomba’eguasúta.
Umi ombopúva iturukuéra ha umi opurahéiva, umi ombopúva iplatíllo ha ambue mba’epu, omomba’eguasu oñondivepa Ñanderuetépe, ha he’i: Ha’e ipy’aporã ha iporiahuvereko oĩ opaite árape; ha upévo Ñanderuete rogaguasu henyhẽ peteĩ araígui.
Pe arai oĩgui upépe pa’ikuéra ndaikatuvéi opyta ipype ojapo hag̃ua hembiapo; Ñanderuete reko jajaipa omyenyhẽgui hogaguasu.
Chepy’aguapýma, Nde, che Ruete ndive, upévagui apurahéita ha ambopúta che árpa ndéve g̃uarã.
Mávapa chereraháta pe táva oñemongoráva tápia yvate reheve. Mávapa chemog̃uahẽta Edom retã meve.
Nandéi piko, ore Ruete, oremboykemava’ekue, ha Nde, ore Ruete, neresẽvéimava’ekue reiko hag̃ua ore soldádo aty ndive.
Orepytyvõmíkena umi orerehe opu’ãvare, mba’e rei ningo yvyarigua ñepytyvõ.
Ore Ruete rupínte rojapokuaa mba’eguasu, ha Ha’e voi ningo opyrũmbáta umi orerehe ija’e’ỹva rehe.
Pepáykena, mbaraka ha árpa púpe, che amombayséma pe ko’ẽtĩ.
Ha Míriam, pe profetísa, Aaron reindy, ojapyhy ipópe peteĩ mba’epu pararã, ha mayma kuña osẽ ojeroky hag̃ua hapykuéri imba’epu pararã reheve.
Ha Míriam ombohovái jepi kuimba’ekuérape: Pegueropurahéi Ñanderuetépe, toñemomba’eguasu ichupe; Ha’e oitýgui yguasúpe kavaju ha hi’ariguakuérape.
Ha hendivekuéra oĩ avei Heman ha Jedutun, ombopúva trompéta ha platíllo, ha ambue mba’epu omoirũ hag̃ua avei pe purahéi Ñanderuetépe g̃uarã; ha Jedutun ra’ykuéra oñangareko umi okẽguasu rehe.
Upéi reg̃uahẽta Ñanderuete cérro rembe’ýpe, Filisteayguakuéra guárdia oĩháme ha reikévo pe távape rejohúta peteĩ proféta aty oguejýva pe yvy ijyvateve háguio ha henonderãme oĩta umi ombopúva árpa, tamborin, mimby ha mbarakaguasu oprofetiza joáta hikuái.
Umi Levigua opurahéiva, oĩ opaite Asaf, Heman ha Jedutun reheguáva, ita’ýra ha ityvyrakuéra reheve, oñemonde hikuái ao líno hepývape ha ombopu platíllo, mbaraka ha árpa pe kuave’ẽmby rendágui kuarahyresẽ gotýo, ha hendivekuéra oĩ 120 pa’i ombopúva ituru.
Umi ombopúva iturukuéra ha umi opurahéiva, umi ombopúva iplatíllo ha ambue mba’epu, omomba’eguasu oñondivepa Ñanderuetépe, ha he’i: Ha’e ipy’aporã ha iporiahuvereko oĩ opaite árape; ha upévo Ñanderuete rogaguasu henyhẽ peteĩ araígui.
Upéi opaite tetãyguakuéra omoirũ ichupe, ha opurahéi joa mimby púpe, ha ovy’aiterei hikuái, ha’eténte pe yvy oñemboja’oséva isapukaikuéra rupi.
Heta opurahéiva oho tenonderãme, ha umi ombopúva mbaraka oho hapykuéri, ha ipa’ũme oho umi kuñataĩ ombopúva mba’epu pararã.
Pemomba’eguasu Ñanderuetépe hogaguasúpe, pemomba’eguasu ichupe ijyvága tuichahápe.
Pemomba’eguasu ichupe hembiapo tuicha rehe, pemomba’eguasu ichupe imburuvichaguasu pu’aka porãmba rehe.
Oñemboarete hag̃ua, ojejapopa haguére Jerusalen táva tápia rembiapo, oñehenoiuka opaite Leviguakuérape, omomba’eguasu ha opurahéi hag̃ua platíllo púpe, árpa púpe ha mbaraka púpe Jerusalénpe.
Ha oñembyaty umi opurahéiva Jerusalen jere rupigua ha umi Netofatgua oikóva tava’ípe,
Ñanderuete chesalváma; upévare japurahéi joa ha ñambopu pe árpa Ñanderuete rogaguasúpe jaikove aja pukukue.
Upéramo Jahve ojehechaukáta, hu’y osẽta aratirícha. Ñandejára, Jahve, ombopúta ituru, ha oipeju hatãta ijyvytu yvy gotyoyguápe.
Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.
Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.
ha 4.000 Ñanderuete róga rokẽ ñangarekohára ramo, ha 4.000 omomba’eguasu hag̃ua Ñanderuetépe ipurahéi ha imba’epukuéra rupi, David he’iuka haguéicha.
Ha upéi omoĩ che jurúpe peteĩ purahéi pyahu, amomba’eguasu hag̃ua che Ruetépe. Heta oĩta ohechátava ko’ã mba’e, okyhyjéta Ñanderuetégui ha ojeroviáta hese.
Ajerure ndéve, che Ruete, to’a porãite ndéve umi me’ẽmby osẽva che jurúgui ha chembo’emíkena ne rembiapoukapykuéra rehe.
Ha itúva omoakã ichupekuéra opurahéi hag̃ua Ñanderuete rogaguasúpe, ombopu jave platíllo, árpa ha mbaraka. Asaf, Jedutun ha Heman ojapopa tetã ruvicha David he’íva guive ichupekuéra.
Ha’ekuéra ha ipehẽnguekuéra omba’apo Ñanderuete rógape, umi opurahéiva ha ombopúva oĩ 288 kuimba’e.
Opaite mba’e hi’ára, ha opaite mba’e ojejapótava guive yvy apére hi’óra avei.
Che ahechákuri pe tembiapo Ñanderuete ome’ẽmava’ekue yvyariguakuérape ojapo hag̃ua.
Ha’e ojapo porãmbaitékuri hi’árape; ha omoĩkuri apyre’ỹ reko yvyarigua py’apýpe; yvyariguakuéra ndoikuaái katu Ñanderuete ojapovahína iñepyrũ guive ipaha peve.
Che katu aikuaa, pe iporãvéva yvyariguakuérape g̃uarã ovy’a hag̃ua ha ojapo hag̃ua mba’e porã oikove aja.
Ha Ñanderuete me’ẽmby ningo yvyariguakuérape g̃uarã: Umi mba’e ñande ja’uva, ñande jay’úva ha jahecháva guive ñane rembiapo (rekove) rupi, Ha’e ome’ẽ ñandéve javy’a hag̃ua.
Ahechakuaa opaite mba’e Ñanderuete ojapóva guive ndopaiva’erãha; ha umía ári noñembojoajuveimava’erã, ni ndojepe’aveimava’erã ichugui mba’eve; ha upéva Ñanderuete ojapo yvyariguakuérape okyhyje hag̃ua ichugui.
Umi mba’e ohasamava’ekue oikopáma; ha umi mba’e oikótava, oikóma avei; ha umi mba’e ohasamava’ekue oiko jevyva’erã.
Ha ahecha avei ko yvy apére: Pe ñembojovake hekoite pegua rãngue oĩ ñaña reko; ha pe tembiapoukapy rãngue oĩ tembiapoukapy’ỹre.
Ha che ha’e che py’apýpe: Pe heko potĩva ha pe heko ñañávape Ñanderuete ombojovakéta; Ha’e omoĩgui peteĩ ára opaite mba’e ojaposévape g̃uarã ha opaite mba’e ojapóvape g̃uarã.
Upéi ha’éma che py’apýpe: Péva ojehu Ñanderuete oipotágui ha yvyariguakuéra oikuaa hag̃ua ojoguaha mymbakuérape.
Upe ojehúva kuimba’e ha kuñakuérape ojehu avei mymbakuérape, peteĩ mba’énte ojehuhína mokõivévape g̃uarã; peteĩchaiténte omano mokõivéva, ha mokõivéva ipytuhẽ pe yvytu; pe kuimba’e ha pe kuña ojogua mymbakuérape, kuimba’e térã kuña haguére, naiporãvéi mymbakuéragui; opaite mba’e ningo opa rei.
Ñanace hag̃ua hi’ára, ha ñamano hag̃ua hi’ára; ñañotỹ hag̃ua hi’ára, ha ñamono’õ hag̃ua hi’ára;
Mokõivéva oho peteĩ hendapeténte; ojejapo yvy timbógui, ha mokõivévagui oiko jevyva’erã yvy timbo.
Mávapa oikuaa kuimba’e ha kuña ánga ojupiha yvate, ha umi mymbakuéra ánga oguejyha yvy guýpe.
Ha péicharupi ahecha ndaipóri mba’e iporãvéva tetãyguakuérape g̃uarã, ha’ekuéra ovy’a omba’apo aja, péva ningo hembiapo repy ha máva piko ogueraháne ichupe ohechauka hag̃ua umi mba’e ojehútava henonderãme.
Pe jejuka hi’ára, ha pe ñepohãno hi’ára; pe ñehundi hi’ára, ha ñemopu’ã jevy hi’ára.
Pe tasẽ hi’ára, pe puka hi’ára, pe jahe’o hi’ára ha pe jeroky hi’ára.