Ñemohenda
56 Versíkulo bíblico Sy Árape g̃uarã
Ndaikatúi ñambojoja pe mborayhu ha ñangareko ñane sykuéra ome’ẽva’ekue ñandéve. Upévare, tekotevẽ ñame’ẽ aguyje Tupãme chupekuéra rehe káda día, jajerure’asývo chupekuéra imbarete meme ha’ekuéra akóinte ñanevendesívo iñarandu ha he’ẽ porãme.
Ñane sykuéra ha’e peteĩ Tupã rembirakuete iporãitereíva, upévare ani ñanderesarái jahayhu ha ñamomba’eguasúvo ñande ru ha ñande sýpe, ha’éva pe ñe’ẽme’ẽ ypykue: “Ehayhu nde ru ha nde sýpe. Kóva hína pe ñe’ẽme’ẽ ypykue, oguerekóva peteĩ ñe’ẽme’ẽ: ikatu hag̃uáicha reiko porã ha reñeñandu porã ko yvy ape ári” (Efesios 6:2-3).
Ehechauka chupe mba’eichaitépa remomba’e ha rehayhu ko’ã Ñandejára Ñe’ẽ rupive ha eme’ẽ chupe vy’a’ỹ káda día umi mba’e’atã michĩvéva rupive. Eiporu porã pe tiémpo reguerekóva hendive ani hag̃ua reñembyasý upe rire ha’e ndaipórivéi ramo nde ykére.
Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.
Ñanderuete tanderovasa, ha toñangareko nderehe. Ñanderuete rova tojajái nde ári ha tandeporiahuvereko. Ñanderuete toma’ẽ nderehe ha tanembopy’aguapy.
Ñanderuete, pende rukuéra Jára, tapenemboheta 1.000 jevyve gueteri ha tapenderovasa, Ha’e opromete haguéicha peẽme.
Pevy’a tapia Hesu Cristopype, ha ha’e jevy: Pevy’ákena. Pende py’aporã tojekuaauka opavavépe, Hesu Crísto jeju hi’ag̃uíma. Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve. Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.
Túva yvyarigua ohejapava’erã ita’yrakuérape: Hóga ha imba’erepyeta; Ñanderuete remime’ẽ katu peteĩ tembireko iñakãguapy porãva.
Emboetéke (ehayhúke) nde ru ha nde sýpe, nde reikove puku hag̃ua pe tetãme nde Ruete, nde Jára, ome’ẽtava ndéve.
Pe mborayhu añetegua oha’arõkuaa, ipy’a porã, pe mborayhu noñemohakate’ỹi, pe mborayhu noñembotuichái ni ndojererovúi, pe mborayhu naitie’ỹi (ndojapói mba’e iky’áva), ndohekái imba’évante, ndaipochýiri, ndaipy’a rasýi avave ndive, ndovy’ái ohendúvo hapicha oikoha hekope’ỹ, ovy’a añetegua reheve uvei. Pe mborayhu añeteguáva ogueropu’aka opaite mba’e ha opaite mba’e oguerovia, opaite mba’e oha’ãrõ ha ogueropu’akapa.
Tombou iñepytyvõ hogaguasu guive, ha Sion guive tome’ẽ ndéve pu’aka. Taimandu’a opaite ne kuave’ẽmbynguéra rehe, ha toguerohory ne kuave’ẽmby ojehapypáva. Selah Tome’ẽ ndéve umi mba’e nde py’apy oipotáva ha tomoañete opaite mba’e rejaposéva guive.
Pe tembireko arandu omopu’ã hóga; ha pe tembireko itavýva katu ipoite rupi oitypa jevy hóga.
Mbarete ha terakuã porãhína ijaokuéra; ha ha’e opukavymi umi ára ouva’erãva rehe. Arandupópe ojejurupe’a, ha ipy’a porã reheve ijuru ohekombo’e. Ohecha oho porãmba hóga ryepýpe, ha ndo’u reíri hembi’u. Imembykuéra ovy’aite hendive ha iména avei omomba’eguasu ichupe.
Emomba’e nde ru ha nde sýpe, péva ningo pe tembiapoukapy peteĩha oñeme’ẽmava promésa reheve; Upevarã che aĩ cárcelpe amombe’u hag̃ua Ñanderuete ñe’ẽ akyhyje’ỹre. Peẽ peikuaa hag̃ua mba’éichapa che aiko’aína, Tíquico, che hermáno ahayhúva ha Hesu Crísto remimondo heko peguáva, omombe’upáta peẽme peikuaaséva. Ichupe amondo pene rendápe, peikuaa hag̃ua mba’éichapa ore rohasaroína, ha’e penemoangapyhy hag̃ua. Ñandejára Ñanderuete ha Ñandejára Hesu Crísto tome’ẽ peẽme py’aguapy, mborayhu ha jerovia. Ha Ñanderuete py’aporã (grácia) toĩ tapia penendive, pehayhu guive Ñandejára Hesu Crístope. oho porã hag̃ua ndéve, ha reikove puku hag̃ua ko yvy ape ári, (Éxodo 20,12).
Ehendúke che ra’y nde ru rekombo’e ha aníke rejahéi nde sy nembo’évare; umíva ningo jeguaka iporãitéva ne akã rehe, ha ojogua nde ajurigua oroguiguávape.
Mávapa ojehukuaa pe tembireko heko potĩva. Ha’e iporãve ita vera hepyetévagui. Iména py’apy ojerovia hese, ha’e oguerekopava’erã oikotevẽva guive. Iporãvante ojapo hese ha mba’evete ivaíva ndojapói hese. Oheka ovecha rague ha ka’avo inimbo (líno) ha kyre’ỹpópe ha’e omba’apohína. Ojogua ku ñemuhára barcoguasúpe guáicha oguerúva pe tembi’ueta. Opu’ã ko’ẽ mboyve ombosako’i hag̃ua pe tembi’u hogayguakuérape g̃uarã ha ohechauka hembiguái kuñakuérape hembiaporã. Ohecha iporãpa pe yvy pehẽngue (lóte) ha ojogua, oñotỹuka iparralty ipo rembiapo repy rupi. Ojeku’akua mbarete, ha’e omomýi ijyvakuéra omba’apo puku hag̃ua. Ha’e oñandu hembiapo oguerutaha jehovasa; hataindy ndoguéi pyharekue. Omoĩ ipo pe he’ỹ (hílo pokaha rehe), ha ipokuéra pe mandyju povãha rehe. Mba’épa che ha’éta, che memby ahayhuetévape, mba’épa che ha’éta che memby che ryepy peguarépe, ha mba’épa rohekombo’evéta che memby ajerureiteva’ekuépe: Oipyso ipo imboriahu ha ojejopy vaietereívape. Hogaygua ndoguerokyhyjéi ro’ýgui, opaite hogayguakuéra oñemonde porã ao aku ovecha ragueguiguávape. Ojapo ijupe g̃uarã ijahoja, ijaokuéra ka’avoguigua, inimbo hepýva ha pytãguiguáva. Iménape ojekuaa porã pe táva okẽ rupi (oñembojovakehápe), oguapývo tetãygua karai ancianokuéra ndive. Ojapo aorã, ha oñemu hese, ha ovende ku’akuaha po’i ñemuharakuérape. Mbarete ha terakuã porãhína ijaokuéra; ha ha’e opukavymi umi ára ouva’erãva rehe. Arandupópe ojejurupe’a, ha ipy’a porã reheve ijuru ohekombo’e. Ohecha oho porãmba hóga ryepýpe, ha ndo’u reíri hembi’u. Imembykuéra ovy’aite hendive ha iména avei omomba’eguasu ichupe. Heta kuña oĩ ojapova’ekue mba’eporã, nde katu rehasapaite opavavépe. Ani reme’ẽ kuñakuérape nde pu’aka, ha ani reiko umía ndive, ha’ekuéra ombyaíta tetã ruvicha reko, Kuña juky ñanembotavykuaa, pe kuña rete porãngue ohasava’erã, pe tembireko ohayhu ha ojeroviáva Ñanderuete rehe péva ningo pe tembireko oñemomba’eva’erãva. Peropurahéi ichupe hembiapo porã ha toñemomba’eguasu hembiapo porãngue umi táva plazaha rehe.
Nde voi che rekove apohare, Nde cheapova’ekue che sy ryépe. Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
oĩgui ndepype pe jerovia añeteguáva, tenonderãite oĩva’ekue nde jarýi Lóida ha nde sy Eunicepype, ha katuete oĩ ndepype avei.
ore rojehechaukakuaa ramojepe Hesu Crísto apostolkuéra ramo, upéva rãngue ore roiko py’aporã reheve pende apytépe peteĩ sy omokambu háicha ha oñangareko porã háicha imemby rehe. Ore pohayhúgui romyasãi Ñanderuete ñe’ẽ porãite pende apytépe ha hi’ári rome’ẽse ore rekove jepe peẽme.
Ovy’aitehína umi kuimba’e okyhyjéva Ñanderuetégui, ha ipy’a rory hembiapoukapy reheve. Upe tekove ñaña ohecha ramo upéva ipochyetereíta, omopururũta hãinguéra ha ikusuguepáta. Umi tekove ñaña rembipota katuete opa reiva’erã. Iñemoñare imbareteva’erã ko yvy apére, umi heko potĩva ñemoñare ojehovasáta.
Pejohayhu oñohermánoicha, pejo’apo mba’e ramo, péva he’ise emomba’eve ne hermánope ndejehegui voi.
Peẽ ta’yrakuéra ha tajyrakuéra peneñe’ẽrenduva’erã pende rúpe ha pende sýpe Ñanderuete oipota háicha. Péva ningo mba’e heko peguáva peteĩ mitãme g̃uarã. Peñemokyre’ỹke Ñanderuete pu’akaguasu rupi, peẽ penembarete hag̃ua. Peiporu hekópe Ñanderuete ñorãirõ rembiporukuéra peñemoĩ hag̃ua Satana rehe, ha’e pende reitységui iñuhãme. Ñande ningo nañañorãirõi tuguy ha to’o ndive (ñande rapicha ndive), ñande ñañorãirõ uvei umi mburuvichaguasu yvategua ndive (Satana ndive), umi mburuvichaguasu hesaitéva ndive, umi oisãmbyhýva ko múndo pytũ meguápe, umi pytu ñaña mba’epochy yvága pegua ndive. Upévare peiporu porãke opaite Ñanderuete ñorãirõ rembiporukuéra peẽ ikatu hag̃ua peropu’akapa, og̃uahẽ ramo pe ára vai ha Satana pende reityse ramo iñuhãme. Upévare peñembosako’i porãke, peñembo’y hatãkena ha pejeku’a jopy porãke, kóva he’ise peñemboykeva’erã pe japúgui ha pejeva’erã pe añetegua; ha peñemonde pe camisa hierroguiguávape, kóva he’ise peñemboheko potĩve pehóvo. Pemonde pende py rehegua, kóva he’ise pemombe’uva’erãha Ñanderuete ñe’ẽ porãite (evangélio), ha pejapyhy pe tete mo’ãha, kóva he’ise pejerovia hatãke Hesu Crísto rehe pemboguepa hag̃ua Satana hu’y rendyeta. Pejapyhy avei pene akã mo’ãha, kóva he’ise pejejokóke pende salvacionrã rehe, ha pejapyhy pe kyse puku, kóva he’ise peñemo’ã ha pendyry Ñanderuete ñe’ẽ (Bíblia) reheve umi oñemoĩvare penderehe. Peñembo’e tapiákena pe Pytu Porãmbáva oipota háicha, aníke pendepy’a kangy, pejerurepeína pene ñembo’épe opaite Hesu Crísto reheguáva rehe. Ha peñembo’e avei cherehe, oñeme’ẽ hag̃ua chéve pe ñe’ẽ heko peguáva, ha aipe’a ramo che juru tamyasãi hag̃ua akyhyje’ỹre pe evangélio umi oikuaa’ỹvape. Emomba’e nde ru ha nde sýpe, péva ningo pe tembiapoukapy peteĩha oñeme’ẽmava promésa reheve; Upevarã che aĩ cárcelpe amombe’u hag̃ua Ñanderuete ñe’ẽ akyhyje’ỹre. Peẽ peikuaa hag̃ua mba’éichapa che aiko’aína, Tíquico, che hermáno ahayhúva ha Hesu Crísto remimondo heko peguáva, omombe’upáta peẽme peikuaaséva. Ichupe amondo pene rendápe, peikuaa hag̃ua mba’éichapa ore rohasaroína, ha’e penemoangapyhy hag̃ua. Ñandejára Ñanderuete ha Ñandejára Hesu Crísto tome’ẽ peẽme py’aguapy, mborayhu ha jerovia. Ha Ñanderuete py’aporã (grácia) toĩ tapia penendive, pehayhu guive Ñandejára Hesu Crístope. oho porã hag̃ua ndéve, ha reikove puku hag̃ua ko yvy ape ári, (Éxodo 20,12).
Ha Adan ombohéra hembirekópe, Éva, (he’ise: Oikovéva sy) ha’égui hína opaite yvyarigua sy.
Umi kuña imitãvévape, tohayhu iména ha imembykuérape, ta’iñakãguapy ha’ekuéra, tahekopotĩ, toñangareko porã hóga ha hogayguakuéra rehe, toiko iména poguýpe, ani hag̃ua avave oñe’ẽvai Ñanderuete ñe’ẽ rehe.
Pembojegua uvei pende py’apy mba’e oñembyai’ỹva ha ojehecha’ỹva reheve, péva ningo Pytu Porãmbáva rembiapo, Ha’e omomirĩva ha ombopy’aguapýva tetãyguakuérape, ha koichagua teko ombohory Ñanderuetépe.
Kuñataĩ oñe’ẽ: Erahána che ra’ãnga nde py’apýpe ha emoĩmína pe pyapykua (brazalete) nde jyva rehe; pe mborayhu imbarete ñemanóicha; ha pe ohayhúva hakate’ỹ imborayhu rehe, ku omanova’ekue retã hakate’ỹ háicha hi’angakuéra rehe. Pe mborayhu hendýma ñepyrũme tatapỹicha ha upéi okakuaa tata tuicháicha.
Peẽ mitãkuéra peneñe’ẽrendu pende ru ha pende sýpe, upéva ningo ombovy’a Ñanderuetépe.
Ñanderuete pendeporavo, penemboheko potĩ ha penderayhúgui peñemonde jeporiahuvereko mborayhu reheve, py’a porã, ñemomirĩ, pochykuaa’ỹ, paciéncia. Pejogueropu’aka ha peñoperdona, oime ramo oñemohembiapo vaíva; Hesu Crísto peneperdona haguéicha upéicha peperdona avei pende rapichápe. Opaite ko’ã mba’e ári pemonde mborayhu, péva ningo ombojoaju porã añetetehápe.
Ani pembojegua pende rete ape, pende áva ñeñopẽguasu rupi, jeguaka oroguiguáva térã ao hepyetéva rupi. Pembojegua uvei pende py’apy mba’e oñembyai’ỹva ha ojehecha’ỹva reheve, péva ningo Pytu Porãmbáva rembiapo, Ha’e omomirĩva ha ombopy’aguapýva tetãyguakuérape, ha koichagua teko ombohory Ñanderuetépe.
Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.
Tuvakuéra tomomba’eguasu Ñanderuete rembiapokue ita’yrakuéra renondépe, tomombe’u ichupekuéra umi mba’e tuichaitéva Ha’e ojapova’ekue.
Sapy’aitemínte hi’are ipochy, ijeporiahuvereko katu oiko kuimba’e ha kuñakuéra rekove pukukue. Ka’aru pytũme og̃uahẽ jahe’o, iko’ẽvo katu opa, ha hendaguépe og̃uahẽma vy’a tuicháva.
Nde, ore Ruete, ne pensamientokuéra ningo tuichaiterei mba’e chéve g̃uarã. Ndaikatúi ñambyatypa jaipota ramojepe. Aipapa ramo oñemboheta hetave yvyku’i ra’ỹigui, ha apáy ramo añepyrũkuaa jevy hemby hetavégui.
Ñanderuete ipy’a porãite, opaite árape oiporiahuvereko, ha iñe’ẽ añeteguáva oiko tapia ñande tuvakuéra ára guive iñemoñarenguéra jevy jey peve.
Ñanderuete ningo he’iva’ekue: Peguerekóke mba’e ramo pende ru ha pende sýpe, (Éxodo 20,12), ha upe omaldecíva itúva térã isýpe katuete ojejukava’erã, (Éxodo 21,17).
Che py’aite guive romomba’eguasúta, Nde, che Ruete, che Jaratee, ha amboetéta nde réra opa peve che arakuéra.
Hesaráinepa peteĩ kuña imemby kambúvagui, ndoiporiahuverekovéi hag̃ua imemby hyégui osẽva’ekuépe. Ha pe sy hesarái ramojepe, Che araka’eve ndacheresaraimo’ãi ndehegui. Peikuaa porãke, che po pytépe ahai ne ra’ãnga; ha nde korapyjere yvate tapiaite oĩ che resa renondépe.
Upévare peme’ẽva’erã hekópe opavavépe umi mba’e peme’ẽva’erãva. Peme’ẽva’erã ramo impuésto, peme’ẽva’erã hekópe; pehepyme’ẽ (pepagava’erã) ramo pe aduanérope, pehepyme’ẽva’erã hekópe; peme’ẽva’erã ramo respéto, peme’ẽva’erã tova mokõi’ỹre; ha pemomba’eva’erã ramo, pemomba’eva’erã tova mokõi’ỹre.
Añetehápe aiko hekoitépe ha amokirirĩ che ánga, ku mitã oñemombo’ómavaicha ha ojejokóva isy pyti’áre, peichaite che ánga ipy’aguapy chepype.
opaite ñemomirĩ ha py’aporã reheve, ha paciéncia reheve pejogueraha porã hag̃ua oñondivepa mborayhu añeteguáva rupi, Péicha peẽ ndapeikuaaiva’ekue Ñandejára Hesu Crístope. Oñemombe’u porã katu Ñanderuete evangélio ha ojehekombo’e porã avei Hesu Crísto añeteguáre. Pepoi pende reko tujágui, pe yvy arigua reko tuja oñembyaihína heko vai rembipota rupi. Peẽ peñembopyahupeína pende pytu porãme ha pende py’apýpe. Pemondéma pe tekove pyahu ha teko pyahúpe, Ñanderuete omoingovemava’ekue pendepype, peiko hag̃ua teko porãme pe Pytu Porãmbáva oisãmbyhy háicha pende rekove. Upévare pepoi japúgui, peje pe añetegua pende rapichakuéra ndive, ñande ningo peteĩ tete reheguánte. Peẽ pendepochy ramo ani peñemoangaipa. Ani peheja oike pe kuarahy pende pochy reheve. Ani peme’ẽ Satanáme hendag̃ua (pende rekovépe). Upe omondáva anive omonda, toñeha’ãmba uvei omba’apo hag̃ua ipo rupi, ome’ẽkuaa hag̃ua upe oikotevẽvape. Mba’eveichagua ñe’ẽ tie’ỹ ani osẽ pende jurúgui, pejénte ñe’ẽ porã omopu’ãva’erãichagua nde rapichápe ijehasa asýpe ha ombopy’aguapy hag̃ua nerendúvape. ha peñeha’ã pende py’aite guive peñemopeteĩ hag̃ua Pytu Porãmbavapype ha py’aguapy añeteguáva rupi.
Kuña juky ñanembotavykuaa, pe kuña rete porãngue ohasava’erã, pe tembireko ohayhu ha ojeroviáva Ñanderuete rehe péva ningo pe tembireko oñemomba’eva’erãva.
Pe ojohúva peteĩ tembireko heko porãva ojohu mba’eporã, ha ohupity Ñanderuete mba’eporãmby.
Ejapókena, che ra’y, pe nde ru he’íva ha ani repoítei nde sy remimbo’égui. Umía eñapytĩ tapiaite nde py’apy (korasõ) rehe, ha eiporu nde ajurigua ramo.
Ha Hesu ohechávo isýpe ha ijypýpe hemimbo’e, Ha’e ohayhúvape, he’i isýpe: Nde kuñakarai, péina pépe ne memby.
Ñanderuete ojapóta pe kuña ikatu’ỹva imemby, imemby heta hag̃ua ha ovy’a hag̃ua imembyeta apytépe, alelúia (pemomba’eguasu Ñanderuetépe).
Ku sy omoangapyhy háicha imembýpe, péicha Che voi pomoangapyhýta peẽme, ha Che pomoangapyhýta Jerusalen távape.